Moti i keq i cili ka pushtuar ditën e sotme të gjithë Shqipërinë, ka goditur edhe një varrezë automjetesh në zonën e Xhafzotajt në Durrës.about:blank

Për neutralizimin e flakëve kanë ndërhyrë 4 mjete zjarrfikëse, të cilat kanë bërë të mundur shuarjen e zjarrit brenda një kohe të shkurtër.

Sakaq kanë nisur hetimet për zbulimin e shkakut të zjarrit nga grupi hetimor. Dyshimet paraprake janë që flakët të kenë nisur si pasojë e një rrufeje.

Zjarrfikësit e Durrësit kanë pasur një javë mjaft të ngarkuar, pasi vatra të shumta zjarri janë regjistruar në zona të ndryshme të qytetit.

Detaje të reja dalin në lidhje me vdekjen tragjike të nënë e bir në Pejë të Kosovës, si pasojë e motit të keq nga reshjet e dendura të shiut.

Nënë e bir kanë mbetur të vdekur si pasojë e vërshimeve të ujit. Bëhet fjalë për një fëmijë pesë vjeçar dhe nënën e tij rreth të 30-ave.

Ngjarja e rëndë ka ndodhur në lagjen “Asllan Qeshme”. Vdekja e fëmijës është konstatuar rreth orës 23:00, ndërsa rreth orës 01:20 të së dielës, autoritetet kanë gjetur edhe trupin e së ëmës, pa shenja jete.
Kryetarja e Bashkësisë Lokale “2 Korriku” në Pejë, Valbona Avdijaj, ka dhënë disa detaje në lidhje me humbjen tragjike të nënë e bir.

Ajo tha se u lajmërua nga banorët e qytetit që vërshimet e ujit në lagjen “Asllan Qeshme”, ku banonin edhe dy viktimat, janë të nivel të lartë. Ajo tha se nënë e bir ndodheshin bredna në shtëpi duke ndenjur, kur shiu i madh u rrëzoi shtëpinë.

“Ndodhi papritur, reshjet e shiut ishin të mëdha dhe i morën dy jetë njerëzish. Ishin në shtëpi brenda t’u nejtë, shiu i madh e rrëzoj shtëpinë! Jam shumë e mërzitur si kryetare e Bashkësisë lokale. E di, ekipet emergjente, drejtori i Emergjenës u munduan, por aq ishte fuqia e madhe e ujit, saqë ndodhi çka ndodhi…”, u shpreh ajo.