Pogradec, 17 Shtator 2025 – Një 18-vjeçar ka mbetur i plagosur rëndë pas një aksidenti rrugor të ndodhur mbrëmjen e sotme në aksin Pogradec–Qafë-llocë.

Sipas të dhënave paraprake, i riu dyshohet se ka humbur kontrollin e motorit dhe është rrëzuar në rrugë, duke pësuar dëmtime të rënda trupore.

I plagosuri është transportuar me urgjencë në Spitalin Rajonal të Pogradecit, ku ndodhet në gjendje kritike për jetën. Mjekët po bëjnë përpjekje për stabilizimin e tij, ndërsa nuk përjashtohet mundësia e transferimit drejt një spitali të specializuar.

Grupi hetimor ka nisur punën për zbardhjen e rrethanave të ngjarjes. Dyshohet se shkak i aksidentit ka qenë humbja e kontrollit nga drejtuesi i mjetit.

Segmenti Pogradec–Qafë-llocë njihet për kthesa të forta dhe mungesë ndriçimi në orët e mbrëmjes, çka e bën veçanërisht të rrezikshëm për drejtuesit e mjeteve me dy rrota.

Një aksident i rëndë ka ndodhur pak minuta më parë pranë mbikalimit të urës së Dajlanit në Durrës.

Një 48-vjeçar, i cili po udhëtonte me motomjet, është përplasur nga një kamion.

I plagosuri është transportuar me urgjencë në Spitalin Rajonal të Durrësit dhe ndodhet në gjendje të rëndë shëndetësore.

Policia ka mbërritur në vendngjarje dhe ka nisur hetimet për të përcaktuar shkaqet dhe rrethanat e aksidentit.

Një 66-vjeçar që po udhëtonte me motoçikletë është përplasur mbrëmjen e kësaj të premteje (19 dhjetor 2024) nga një Benz me targa “AB 159LS”.

Aksidenti ka ndodhur në aksin rrugor Fier-Shegan – Krutje në afërsi të fshatit Allkaj.

I plagosuri Fatos Shabani, është transportuar me urgjencë në spitalin e Lushnjës dhe është jashtë rrezikut për jetën.

Një aksident është regjistruar këtë të mërkurë në Vlorë, pranë shkollës së naftës.

Një çift dhe vajza e tyre 3-vjeçare, të cilët po udhëtonin me motor, janë përplasur nga një automjet tip Benz.

Drejtuesi i mjetit u largua nga vendi i ngjarjes, por pas disa minutash është kthyer dhe është shoqëruar në Komisariatin e Vlorës.

Drejtuesi i motorit ka marrë dëmtime në krah, ndërsa vajza e vogël dhe bashkëshortja e tij janë në gjendje të mirë shëndetësore.

Grupi hetimor ka mbërritur në vendngjarje për të zbardhur shkaqet e aksidentit.

Një aksident është regjistruar ditën e sotme në Shkodër. Mësohet se një motor është përplasur me një makinë në vendin e quajtur “Harku i Bërdicës”. Policia bën me dije se ngjarja ka ndodhur rreth orës 10:30.

Nga aksidenti është plagosur ehtë drejtuesi i motomjetit i identifikuar me inicialet V. P. Ai është dërguar për mjekim në spitalin rajonal të Shkodrës. Grupi hetimor po punon për sqarimin e rrethanave të aksidentit.

Njoftimi i plotë:

Shkodër/Informacion paraprak. Rreth orës 10:30, në vendin e quajtur “Harku i Bërdicës”, motomjeti me drejtues shtetasin V. P., 64 vjeç, është përplasur me automjetin me drejtues shtetasin A. E., 43 vjeç.

Si pasojë është dëmtuar lehtë drejtuesi i motomjetit shtetasi V. P., i cili është dërguar për mjekim në spitalin rajonal të Shkodrës. Grupi hetimor po punon për sqarimin e rrethanave të aksidentit.

Një 41-vjeçar është qëlluar për vdekje në Selanik. Sipas mediave greke 41-vjeçari ka marrë plagë në shpinë dhe në shpatull dhe për pasojë nuk ka arritur të shpëtojë. Ngjarja ka ndodhur në rrugën Stavroupoli, në Selanik.

Viktima është qëlluar nga një automjet në ecje, dhe dyshohet se në makinë ndodheshin një burrë dhe një grua. 41-vjeçari ishte duke lëvizur me motoçikletë dhe dyshohet se është qëlluar të paktën tre herë. Autoritetet po punojnë për zbardhjen e plotë të kësaj ngjarje.

Një motor është pikasur mesditën e sotme në ujërat e lumit Lana.

Fotografitë janë siguruar nga LSA, sipas të cilës fotot janë shkrepur rreth orës 2 e 40 minuta të pasdites së sotme. Ende nuk dihet nëse bëhet fjalë për ndonjë aksident dhe mjeti është braktisur aty.