I ftuar në një emision televiziv, gazetari Eni Ferhati hodhi dritë mbi detaje tronditëse të atentatit të ndodhur në Unazën e Madhe në Tiranë, ku pas një breshërie të furishme plumbash ndaj një mjeti tip “G-Class”, mbetën të plagosur katër persona, mes tyre edhe të mitur.

Ferhati e cilësoi sulmin si “brutal dhe të drejtpërdrejtë”, duke theksuar se mund të ishim përballë një masakre në kufi të një akti terrorist, pasi në vendngjarje janë gjetur të paktën 38 gëzhoja.

MALIQ- Një aksident i rëndë ka ndodhur në afërsi të fshatit Leminot të Maliqit. Abedin Salillari 68 vjeç, u përplas nga një motor ndërsa ecte në anë të rrugës. I plagosuri u nis për në spital, por nuk mundi ti mbijetojë plagëve.

Nuk dihen ende rrethanat, ndërkohë policia ndodhet në vendin e ngjarjes për zbardhjen e plotë të aksidentit.

Njoftimi i Policisë:

Rreth orës 19:05, shtetasi E. P., 18 vjeç, banues në Çaushli, duke drejtuar një motomjet, ka përplasur një këmbësor, shtetasin A. S., 68 vjeç, banues në Velitërnë.

Si pasojë e përplasjes ka ndërruar jetë rrugës për në spital shtetasi A. S.

Ndërsa drejtuesi i motomjetit shtetasi E. P., është dëmtuar dhe ndodhet në spital për ndihmë mjekësore.

Grupi hetimor ndodhet në vendngjarje për të përcaktuar shkakun e aksidentit. 

Një tjetër aksident i rëndë ka ndodhur në aksin Fier-Vajkan. Makina është përplasur me motorin, ndërsa drejtuesi i motorit ndodhet ende i shtrirë në tokë, i plagosur rëndë.

Policia po punon për zbardhjen e plotë të aksidentit.

Një aksident i rëndë ka ndodhur në bulevardin Vlorë-Skelë . Një motor aksidenton një kalimtar.

Burime nga vendngjarja bëjnë më dije se kalimtari ishte duke kaluar rrugën në momentin që ndodhi përplasja.

Një aksident ka ndodhur vetëm pak minuta më parë në të dalë të Pogradecit në aksin nacional Pogradec-Qafë Thanë.

Sipas informacioneve të para mësohet se një motomjet ka humbur kontrollin duke dalë nga rruga.

Drejtuesi i motomjetit është dërguar në spitalin e Pogradecit.

Policia po punon për zbardhjen e rrethanave të aksidentit.

Në motor udhëtonin një çift, ndërsa gjendja e tyre shëndetësore nuk dihet ende.

Aksidenti ka shkaktuar radhë të gjata trafiku, ndërsa në ndihmë i kanë ardhur të lënduarve disa persona.

Një i moshuar është aksidentuar në Korçë. Mësohet se 90-vjeçari ka rënë nga motori dhe ka mbetur i plagosur. Aksidenti ka ndodhur në unazën e qytetit.

Sipas policisë i moshuari ka humbur kontrollin e motorit dhe është rrëzuar përtokë. 90 vjeçari u dërgua me urgjencë në spitalin e Korçës ku po merr ndihmën mjekësore. Policia është në vendin e ngjarjes për të zbardhur rrethanat e aksidentit.

KORÇË- Një aksident i rëndë ka ndodhur ditën e sotme në Korçë, ku një motor ka zënë poshtë një fëmijë dy vjeçar. I mituri ka qenë duke luajtuar pranë motorit të parkuar, i cili më pas ka rënë sipër tij.

Raportohet se si pasojë fëmija ka marrë lëndime të rënda në kokë dhe në trup, ndërsa është dërguar me urgjencë drejt spitalit. Për shkak të dëmtimeve të rënda, i mituri po niset drejt Tiranës.

Motori i parkuar në oborr i përket babait të tij, që momentalisht ndodhet në burg. Në momentin e aksidentit të rëndë, nëna e 2-vjeçarit ka qenë brenda në shtëpi, ndërsa kanë qenë motrat që e kanë me motorrin sipër tij. Policia po punon për zbardhjen e ngjarjes.

Një aksident është regjistruar pasditen e sotme në Shkodër. Mësohet se një motor ka humbur kontrollin dhe ka dalë nga rruga në aksin rrugor “Shkodër-Shirokë”. Sipas njoftimit të policisë ngjarja ka ndodhur rreth orës 14:00.

Më tej bëhet me dije se shoferi 38-vjeçar me iniciale N. K. së bashku me djalin e tij të mitur 14-vjeçar kanë përfunduar në spital ku po marrin ndihmë mjekësore. Nuk dihet gjendja e tyre ndërsa policia ka nisur hetimet për zbardhjen e ngjarjes. 

Njoftimi i policisë:

Shkodër/Informacion paraprak. Rreth orës 14:00, në aksin rrugor “Shkodër-Shirokë”, motomjeti që drejtohej nga shtetasi N. K., 38 vjeç, ka dalë nga rruga. Si pasojë janë dëmtuar shtetasi N. K. dhe djali i tij, 14 – vjeçar, që udhëtonte në këtë motomjet, të cilët janë dërguar për mjekim në spitalin rajonal të Shkodrës. Grupi hetimor po punon për sqarimin e plotë të rrethanave dhe shkakut të aksidentit.