Një 64-vjeçar ka humbur jetën si pasojë e një aksidenti pasditen e kësaj të shtune.
Ngjarja është regjistruar në aksin Fier-Pishporo, teksa 64-vjeçari po udhëtonte me motor.
Dyshohet se shkak ka qenë humbja e kontrollit të motorit i cili ka dalë nga rruga, për pasojë 64-vjeçari ka ndërruar jetë.
Teksa grupi hetimor ndodhet në vendin e ngjarjes, vijojnë hetimet për zbardhjen e plotë të detajeve.
Njoftimi i policisë:
Fier/Informacion paraprak
Sot më datë 29.06.2024, rreth orës 17:50, në aksin rrugor “Fier-Pishporo”, shtetasi Ll. D., rreth 64 vjeç, duke drejtuar një motomjet pa targa, ka humbur kontrollin e motomjetit dhe ka dalë nga rruga.
Si pasojë e daljes së motomjetit nga rruga ka humbur jetën shtetasi Ll. D..
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Një aksident i rëndë ka ndodhur në hyrje të qytetit të Sarandës, tek vendi i quajtur Ura e Gajdarit. Shtetasi me iniciale M. B., 36 vjeç, turist çek duke udhëtuar me motor është rrëzuar dhe është plagosur.

Kanë qenë shërbimet policore të ndodhura në momentin e ngjarjes që kanë njoftuar urgjencën dhe u bë transportimi i tij në spital.

Pas ndihmës së dhënë sipas bluzave të bardha bëhet me dije se turisti çek ka thyerje të vertebrave lumbare L4 L5 dhe për rrjedhojë do të transportohet në Spitalin e Traumës në Tiranë për t’iu nënshtruar ndërhyrjes kirurgjikale.