Reperi i njohur, Mozzik, duket se po përballet me disa telashe së fundmi, teksa mediat raportojnë se ai ka përfunduar në Polici dy ditë më parë, pasi akuzohet se ka kërcënuar një person tjetër me armë zjarri.

Sipas gazetës “Sinjali”, Gramoz Aliu, të cilin të gjithë e njohim si Mozzik, është paraqitur në komisariatin e Policisë në Ferizaj më 16 maj dhe është marrë në pyetje nga autoritetet.

Ai dyshohet se ka kërcënuar me armë një person, në të njëjtën lagje të qytetit, aty ku edhe banon.

Sipas informacioneve të para, Mozzik ka debatuar dhe ka kryer kanosjen me armë zjarri në afërsi të shtëpisë së viktimës, si pasojë e një mosmarrëveshje momentale që kanë pasur me njëri – tjetrin.

Në deklaratën e tij para hetuesve, lidhur me denoncimin që është bërë kundër tij, artisti ka mohuar se e ka kërcënuar me armë personin në fjalë, duke shtuar se armën nuk e ka ekspozuar fare.

Megjithatë, raportohet se për shkak të dyshimeve të ngritura, është urdhëruar sekuestrimi i armës që ai posedon, të cilën Mozzik e ka me leje.

Prokurori i Shtetit ka urdhëruar hetimin e rastit ndaj reperit në drejtim të dy veprave penale “Kanosje” dhe “Përdorim i armës”.

Gjithsesi pritet një reagim nga reperi në lidhje me këtë rast ose nga avokati i tij, për të sqaruar më tej situatën.

Kush do e kishte menduar se Efi dhe Kiara nga dy mikesha do riktheheshin në dy “rivale” që kanë ndarë jo vetëm shtëpinë e “Big Brother” por edhe shikuesit në dy pjesë.

Ata që mbështesin Kiarën dhe ata që mbështesin Efin. Mes dy zjarreve në këtë situatë është Luizi i cili nuk ka asnjë informacion nga jashtë prej 100 ditëve dhe nuk ia ka idenë pse ato të dyja janë përfshirë në një debat kaq të ashpër. Edhe pse u ka kërkuar të dyjave mos ta vazhdojnë më këtë debat, asnjëra nuk e ka dëgjuar.

Edhe personazhet publike janë përfshirë në këtë diskutim duke dhënë opinionet e tyre. Dhe nuk ka munguar një reagim në mediat sociale as nga Mozzik.

Ky i fundit i ka dalë në mbrojtje Efit. Duke publikuar një foto të saj në Instastory, Mozzik shkruan: “Meriton përkrahjen time dhe të secilit nga ne. Go Efi!”

Kujtojmë se pas daljes nga “Big Brother”, Efi ishte protagoniste e videoklipit të Mozzik “Fatkeqësi”.