Një automjet është shkrumbuar nga flakët pak minuta më parë në bypassin e Murrizit pjesë e rrugës së Arbrit.

Dyshohet se në automjet ndodheshin dy të rinj, të cilët ishin nisur në drejtim të Qarkut Dibër.
Fatmirësisht nuk ka patur pasoja tek të rinjtë përfshirja e mjetit nga flakët, ndërsa makina është shkrumbuar totalisht.

Djegia e makinës ka krijuar trafik të gjatë për shkak se automjetet e tjera kishin frikë të kalonin pranë mjetit të djegur, pasi mund të shpërthente.

Ndërkohë, drejt vendit të ngjarjes është nisur policia dhe grupi hetimor, ndërsa paraprakisht dyshohet se shkak i zjarrit të ketë qenë shkëndijë elektrike nga mbinxehja e motorit.

Një aksident ka ndodhur pasditen e kësaj të hëne në by-passin e Murrizit, pjesë e rrugës së Arbrit. Një mjet tip Audi që lëvizte në drejtim të Tiranës është përplasur me një mjet transporti mallrash që lëvizte në drejtim të Qarkut Dibër.about:blank

Raportohet se aksidenti është regjistruar rreth 1 kilometër nga Qafa e Murrizit në fshatin Bastar. Si pasojë e përplasjes kanë marrë lëndime të lehta personat që ndodheshin në mjetin tip Audi dhe drejtuesi i mjetit tip furgon, por pa pasoja të rënda.

Aksidenti ka shkaktuar radhë të gjata të automjeteve që lëvizin në të dy drejtimet, ndërsa është dashur ndërhyrja e policisë për lirimin e trafikut.

Në vendin e ngjarjes mbërritën edhe dy autoambulanca të cilat ju dhanë asistencë mjekësore personave që ndodheshin në të dy automjetet.

Grupi hetimor ishte në vendin e ngjarjes për të zbardhur shkaqet e vërteta të aksidentit