ITALI – Napoli nuk ia lejon vetes dy gabime radhazi në Serinë A. Skuadra e drejtuar nga Antonio Conte iu imponua me rezultatin 1-3 Udineses në Friuli në një ndeshje që pati dy tablo: në pjesën e parë vendësit kaluan në epërsi që në minutën e 22-të me Thauvin, që duhet pranuar ishte me fat në ekzekutimin e penalltisë, pasi topi i pritur nga portieri Meret përfundoi sërish në këmbët e tij e më pas në rrjetë.

Në pjesë e dytë Conte e zgjoi ekipin e tij, me rezultatin që u kthye në ekulibër nga Lukaku në minutën e 50-të, për të ardhur më pas tek autogoli i Giannettit.

Golin e sigurisë, atë të rezultatit 1-3 e shënoi Anguissa në minutën e 81-të. Me këtë fitore, Napoli kthen diferencën prej dy pikësh me Atalantën kryesuese respektivisht 37 dhe 35 pikë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Në kampin italian kanë zyrtarizuar një rinovim, duke zgjatur deri në 2029 bashkëpunimin me mesfushorin Michael Folorunsho.

26-vjeçari i lindur në Romë, i cili debutoi me kombëtaren e Italisë muajin e kaluar, ka firmosur kontratën e re. Ajo do e mbajë atë pjesë të Napolit edhe për 5 vitet e ardhshme.

Folorunsho e kaloi sezonin e fundit i huazuar te Hellas Verona, skuadër me të cilën dhuroi performanca shumë pozitive. Duke i rënë në sy edhe teknikut të kombëtares italiane Luciano Spalletti, i cili i dhuroi një ftesë në Euro 2024.

Futbollisti vlerësohet shumë edhe nga Conte, trajneri i ri i Napolit, i cili e sheh si një nga elementët më të rëndësishëm të repartit të mesit të fushës.

Lëkundje të forta tërmeti me magnitudë 3.9 është regjistruar në orën 05:44 të ditës së sotme në zonën Campi Flegrei, pranë Napolit, raporton Instituti Kombëtar i Gjeofizikës dhe Vullkanologjisë.

Tërmeti zgjoi të frikësuar napolitanët të cilët, sidomos ata që banonin në katet e sipërme të ndërtesave dolën jashtë në rrugë. Lëkundjet u ndjenë në disa lagje të Napolit. Nuk raportohen përr dëme materiale apo persona të lënduar.

Lëkundje tërmeti janë ndjerë gjatë ditës së sotme në Itali. Tërmeti u regjistrua me magnitudë 3.7 ballë, në zonën Campi Flegrei.

Më pas u regjistruan edhe disa pasgoditje me po të njëjtën magnitudë.

Lëkundjet u ndjenë edhe në komunat Phlegraean, por edhe në lagjet e zonës perëndimore të Napolit, si Bagnoli, Fuorigrotta deri në Vomero dhe Arenella.

Lëkundjet e njëpasnjëshme ka shkaktuar frikë te banorët, ndonëse nuk u raportua për dëme.

Mbrojtja Civile ka qenë në gatishmëri pas ngjarjeve sizmike.