Finalizohet operacioni “Sheldija” për kapjen e dy shtetasve të shpallur në kërkim, të dyshuar si autorë të kultivimit të 400 bimëve narkotike.

Vihen në pranga dy vëllezërit, ndaj të cilëve Gjykata kishte caktuar masën e sigurisë “Arrest në burg”, Emiljan dhe Mikelian Filipi.

Specialistët për Hetimin e Krimeve të Komisariatit të Policisë Shkodër, në vijim të një hetimi të ndjekur me metoda proaktive dhe në bashkëpunim me Prokurorinë, siguruan informacion dhe prova për autorët e dyshuar të bimëve narkotike në fshatin Sheldi.

Bazuar në këto prova, Gjykata caktoi masën e sigurisë “Arrest në burg” për dy vëllezërit.

Në kuadër të operacionit policor të koduar “Sheldija”, u kapën dhe u vunë në pranga:F., 28 vjeç dhe M. F., 20 vjeç, banues në fshatin Sheldi.

Nga hetimi dhe veprimet në terren, rezulton se E. F. dhe M. F. dyshohen si autorë të kultivimit të 400 bimëve narkotike, të zbuluara nga shërbimet e Policisë gjatë operacionit kombëtar të koduar “Koordinata”, më datë 29.04.2025, në fshatin Sheldi.

Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Një 32-vjeçar është vënë në pranga nga policia e Dibrës pasi vodhi çantën e një shtetasi, brenda të cilës kishte shuma parash në lekë dhe në euro.

Sipas uniformave blu, shtetasi me iniciale S.B, rezulton i dënuar më parë për vjedhje.

Policia ushtroi kontroll në banesën e tij, ku gjetën dhe sekuestruan një sasi lënde narkotike kanabis, e ndarë në doza gati për shitje, 270 fara kanabisi, 6 kubikë në të cilat kishte kultivuar fara kanabis dhe municion luftarak.

“Shërbimet e Komisariatit të Policisë Dibër në bashkëpunim me Specialistët për Hetimin e Narkotikëve dhe Trafiqeve të DVP Dibër, pas marrjes së njoftimit se shtetasit M.B., i kishin vjedhur çantën brenda së cilës kishte një shumë parash (në euro dhe në lekë) organizuan punën për identifikimin dhe kapjen e autorit.

Në kuadër të operacionit policor të koduar “Përsëritësi”, bazuar në inteligjencën policore dhe veprimet e shpejta hetimore, u bë i mundur identifikimi, lokalizimi, kapja dhe arrestimi i autorit të dyshuar të vjedhjes, shtetasi S.B., 32 vjeç, banues në fshatin Laças, Dibër, i dënuar më parë për vjedhje.

Gjatë kontrollit të banesës së 32-vjeçarit, shërbimet e Policisë gjetën e sekuestruan një sasi lënde narkotike kanabis, e ndarë në doza gati për shitje, 270 fara kanabisi, 6 kubikë në të cilat kishte kultivuar fara kanabis dhe municion luftarak”– njofton policia.

Materialet procedurale i kaluan Prokurorisë Dibër, për veprime të mëtejshme.

Një rrjet i shpërndarjes së lëndëve narkotike është goditur nga Policia e Gjirokastrës.

Në një operacion, që rezultoi me lëshimin e disa urdhër-arresteve për 9 shtetas, të grupmoshave 30-50 vjeç, janë arrestuar nga blutë e Gjirokastrës.

Një rrjet i shpërndarjes së lëndëve narkotike është goditur nga Policia e Gjirokastrës.

Në një operacion, që rezultoi me lëshimin e disa urdhër-arresteve për 9 shtetas, të grupmoshave 30-50 vjeç, janë arrestuar nga blutë e Gjirokastrës.

Një 42 vjeçar shqiptar është arrestuar nga policia në Faenza të Italisë, pasi u kap me tre kilogramë drogë kokainë, hashash dhe marihuanë.

Përveç lëndës narkotike, shqiptarit iu gjetën edhe tre ora, bizhuteri të shumta ari dhe argjendi, me mbishkrime të personalizuara, të cilat dyshohet se janë të vjedhura.

Arrestimi i tij u krye si pjesë e një operacioni për parandalimin dhe luftimin e shpërndarjes së drogës.

42-vjeçari u dërgua në burgun e Ravenës në pritje të paraqitjes para gjykatës për seancën e vlefshmërisë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

TIRANË- Policia e Tiranës po kryen një aksion antidrogë në zona të ndryshme të kryeqytetit.

Teksa aksioni policor është në zhvillim e sipër, bëhet me dije se sektori i Antidrogës në Tiranë ka arrestuar dy persona për lëndë narkotike.

Gjithashtu, sipas informacioneve mësohet se afro 3 kg lëndë narkotike është sekuestruar nga policia.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Policia në Tepelenë ka arrestuar një 48-vjeçar, për posedim të lëndëve narkotike.
I arrestuari mbante në banesë një sasi prej 2.4 kilogramë drogë, e cila ishte bërë gati për shitje.

“Gjirokastër/Vijon megaoperacioni policor i koduar “Tempulli”, për goditjen e rasteve të shitjes së lëndëve narkotike.
Sekuestrohen 2.4 kilogramë lëndë narkotike cannabis sativa.
Vihet në pranga 48-vjeçari që e mbante lëndën narkotike në banesë, me qëllim shitjen.

Një 19-vjeçar është arrestuar nga Policia e Tiranës pasi gjatë kontrolleve ndaj të riut, ka rezultuar se ai drejtonte automjetin nën efektin e lëndëve narkotike.

“Specialistët e Komisariatit të Policisë Rrugore Tiranë arrestuan D. A., 19 vjeç, banues në Tiranë, pasi u kap duke drejtuar automjetin, në efektin e lëndëve narkotike.”- njofton policia.

Ndërkohë materialet procedurale i kaluan Prokurorisë për veprime të mëtejshme.

Një 25-vjeçar ka rënë në pranga këtë të djelë nga sektori i antidrogës në Kryeqytet pasi gjatë kontrollit fizik i është gjetur lëndë narkotike.

Sipas komunikatës nga Drejtoria Vendore e Policisë së Tiranës, S. A., 25 vjeç, banues në Tiranë u kap me kokainë.

Njoftimi i policisë:

Specialistët për Seksionin për Hetimin e Narkotikëve arrestuan shtetasin S. A., 25 vjeç, banues në Tiranë.

Gjatë kontrollit fizik, shërbimet e Policisë, i gjetën dhe sekuestruan, në cilësinë e provës materiale, sasi lënde të dyshuar narkotike kokainë.

Himarë/Brenda 24 orësh goditet një tjetër rast i shitjes së drogave të forta, në kuadër të megaoperacionit policor të koduar “Tempulli 3”.

Vihet në pranga një 32-vjeçar nga Estonia, të cilit iu gjetën sasi me droga të forta si kokainë, ekstazi, GHB dhe poppers.

Sekuestrohet sasia e lëndëve narkotike që u gjet në dhomën ku 32-vjeçari qëndronte, në Dhërmi.

Specialistët e Seksionit për Hetimin e Narkotikëve të DVP Vlorë, në vijim të veprimeve intensive operacionale të kryera në kuadër të megaoperacionit policor mbarëkombëtar antidrogë, të koduar “Tempulli 3”, pasi kanë siguruar informacion se një shtetas posedonte droga të forta me qëllim shitjen, kanë organizuar punën dhe, si rezultat, kanë kapur dhe kanë arrestuar në flagrancë shtetasin e huaj O. G., 32 vjeç, banues në Estoni.

Gjatë kontrollit fizik dhe në dhomën ku ky shtetas qëndronte, në Dhërmi, shërbimet e Policisë gjetën të fshehura sasi me droga të forta, kokainë, ekstazi, GHB dhe poppers, të cilat dyshohet se 32-vjeçari i posedonte me qëllim shitjen kryesisht në lokalet e natës, në Dhërmi.

Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

295 bimë narkotike janë asgjësuar në fshatin Peshtan të Fierit dhe lidhur me këtë rast janë arrestuar Tonin Qalliaj dhe Lintor Ramushaj. Mësohet se kultivimi i lëndës narkotike ishte bërë në një zonë pyjore. Gjithashtu, gjatë kontrollit në banesën e Qalliajt shërbimet e Policisë gjetën 1 armë gjahu që ai e posedonte pa leje, e cila u sekuestrua në cilësinë e provës materiale, bashkë me 6 celularë. Materialet procedurale i kaluan Prokurorisë, për veprime të mëtejshme.

Njoftimi i policisë:

Fier/Vijon megaoperacioni i koduar “Territor i pastër”.

Finalizohet operacioni i koduar “Peshtani”, goditet 1 tjetër rast i kultivimit të bimëve narkotike, arrestohen në flagrancë 2 autorët e dyshuar. Asgjësohen 295 bimë narkotike që ishin kultivuar në tokën e njërit prej të arrestuarve, në fshatin Peshtan. Sekuestrohen 1 armë gjahu që e posedonte po ky shtetas dhe 6 celularë.

Në zbatim të masave të planit operacional “Territor i pastër”, shërbimet e Komisariatit të Policisë Fier kanë finalizuar operacionin “Peshtani”, si rezultat i të cilit, bazuar në informacionet e siguruara në rrugë operative, u godit 1 rast i kultivimit të bimëve narkotike në një zonë pyjore, në fshatin Peshtan, Fier.

Për këtë rast u arrestuan në flagrancë shtetasit T. Q., 57 vjeç, dhe L. R., 35 vjeç, të dy banues në fshatin Peshtan, pasi në bashkëpunim me njëri-tjetrin, dyshohet se kanë kultivuar bimët narkotike në tokën pronësi të shtetasit T. Q.. Gjithashtu, gjatë kontrollit në banesën e shtetasit T. Q., shërbimet e Policisë gjetën 1 armë gjahu që ai e posedonte pa leje, e cila u sekuestrua në cilësinë e provës materiale, bashkë me 6 celularë. Materialet procedurale i kaluan Prokurorisë, për veprime të mëtejshme.