Ka ndërruar jetë krejt papritur në moshën 57 vjeçare Ajet Avdullaj, njeriu i modës në Durrës.

Ajet Avdullaj ishte ndër të parët stilistë që ngritën pasarelat e para në vendin tonë dhe veshi hijshëm modelet dhe miset tona.

Ishte ai që qepi veshjet për sfilatë të Hygerta Sakos qëkurse ajo ishte gjimnaziste, stiloi për Valbona Çobon e të tjera mise.]

Ateljeja e tij u vizitua nga politikanë të rangut të Fatos Nanos e të tjerë të cilët veshën kostumet e modeluara dhe qepur nga Ajeti. Gjithashtu biznesmenë të mëdhenj si Shefqet Kastrati u veshën nga duart e Ajet Avdullajt.

Ajeti ishte një novator i modës, një artist i vërtetë. Ai ishte jo vetëm një artist por edhe qytetar me virtyte të larta njerëzore.

Por krejt papritur një atak kardiak i mori jetën duke lënë në pikëllim familjen, shokët, miqtë si dhe botën e modelingut.

Bateristi i AC/DC Colin Burgess ka vdekur në moshën 77-vjeçare. Shkaku i vdekjes së tij mbetet i panjohur.

Në një deklaratë grupi tha: “Jemi të pikëlluar kur mësuam për vdekjen e Colin Burgess. Ai ishte bateristi ynë i parë dhe një muzikant shumë i respektuar. Kujtime të lumtura, rroku në paqe Colin”.

Anëtarët e grupit origjinal ishin vokalisti Dave Evans, basisti Larry Van Kriedt, bateristi Colin, kitaristi kryesor Angus Young dhe kitaristi Malcolm Young.

Kënga e tyre më e madhe në mbarë botën ishte ‘Highway to Hell’, e cila arriti kulmin në numrin 17 në SHBA dhe numrin 8 në MB.

Albume të tjera hit përfshijnë ‘Back in Black’ dhe ‘For They About to Rock We Salute You’.

Colin iu bashkua grupit në vitin 1973, por u përjashtua një vit më vonë sepse ishte i dehur në skenë. Më vonë ai pretendoi se dikush i kishte ngatërruar pijen e tij.

Bateristi u zëvendësua nga një varg bateristësh përpara se Phil Rudd të bashkohej në 1975.about:blank

AC/DC kanë shitur më shumë se 200 milionë disqe në mbarë botën dhe kanë krijuar një reputacion si një nga grupet rock më me ndikim të të gjitha kohërave.

Arti në zi! Ndërron jetë në moshën 81-vjeçare, regjisori Vladimir Prifti. Lajmi është dhënë nga regjisori i njohur, Mevlan Shanaj.

“Lamtumirë VLADIMIR PRIFTI !Sapo më lajmëruan për ikjen e regjisorit të filmave: Udha e shkronjave, Dhe vjen një ditë, Flutura në kabinën time, Kush vdes në këmbë, Era e ngrohtë e thellësive etj! Sot ekranit shqiptar i ka ikur, regjisori i shquar, njeriu me humor dhe me pasion për artin! Ngushëllime familjes! Kur folëm herën e fundit ishe optimist o Ladi! E lamë që së shpejti të shiheshim te kafja si çdo ditë! Lamtumirë! Filmat e tu janë një pasuri kombëtare! Emri yt do mbetet i përjetshëm për mes veprës tënde!”, shkruan Shanaj.

Rudina Dervishi, gazetarja dhe drejtuesja e njohur prej shumë vitesh e emisionit televiziv “Ditari” të Zërit të Amerikës, u nda nga jeta të martën, më 12 shtator, në moshën 53-vjeçare, pas një beteje dy vjeçare me kancerin e gjirit.

Ikja e saj e parakohshme, është një humbje e madhe për familjen dhe për kolegët e saj të Shërbimit Shqip të Zërit të Amerikës.

Për më shumë se 25 vjet, Rudina dha një kontribut të çmuar me profesionalizmin e saj si një gazetare e apasionuar, duke mbuluar tema të shumëllojshme nga ekonomia, politika, të drejtat e njeriut dhe të gruas, e deri tek arti.

Ne, kolegët e saj të Zërit të Amerikës, do ta mbajmë mend Rudinën për mprehtësinë, dinamikën, humorin dhe përkushtimin e saj.

Ajo la pas bashkëshortin, tre djemtë dhe nënën.about:blank

Modelja, aktorja dhe prezantuesja televizive argjentinase, Silvina Luna, ka ndërruar jetë këtë të enjte në moshën 43-vjeçare. Mediat e huaja shkruajnë se ajo po luftonte me dështimin akut të veshkave, të shkaktuar nga keqpërdorimi në një operacion estetik, që iu nënshtrua në vitin 2011.

Ndërkohë lajmin e trishtë e ka konfirmur avokati i artistes, Fernando Burlando. Ky i fundit ka thënë për shtypin vendas që Luna vdiq në spitalin italian të Buenos Aires, ku prej dy muajsh e gjysmë priste transplantin e veshkës.

“Me pikëllim të thellë i themi lamtumirë bashkëpunëtores sonë Silvina Luna. Për 25 vite ajo ka kryer një punë aktive si aktore, modele dhe mikpritëse emisionesh televizive. Ne përqafojmë familjen dhe të dashurit e saj në këtë kohë të dhimbjes së madhe”, – shkruan Shoqata e Aktorëve Argjentinas në rrjetet sociale.

E lindur në qytetin Santa Fe të Rosarios, ajo filloi karrierën në biznesin e show-t si modele reklamash, ndonëse u bë e famshme në shtetin e Amerikës së Jugut për pjesëmarrjen në edicionin e dytë të reality show-t “Big Brother”.about:blank

Si aktore ka qenë pjesë e kasteve dhe shfaqjeve të ndryshme humoristike, në televizion ka pasur pjesëmarrje të veçanta në telenovela seriale si ‘El Capo’ dhe ‘Ciega a Citas’. Po ashtu ka luajtur në filmin e saj të parë në vitin 2015, ‘Loca ella, loco yo’.about:blank

Ajo ishte gjithashtu një paneliste e ‘Fox for Everyone’, një program që përziente botën e futbollit dhe argëtimit. Problemet shëndetësore të Luna filluan në vitin 2014, kur u shtrua në spital për gurët në veshka, problem i një ndërhyrjeje për zmadhimin e të pasmeve, në të cilat u aplikua metakrilat, një përbërës plastik që përdoret në mjekësi për prodhimin e kockave dhe protezave dentare, materiali i të cilit rrjedh në qarkullimin e gjakut.

Kirurgu që e operoi, Aníbal Lotocki, i cili u denoncua nga Luna dhe personazhe të tjerë të famshëm, u dënua në shkurt 2022 për ‘lëndime të rënda’ me 4 vite burg dhe 6 vite përjashtim nga ushtrimi i profesionit të tij nga Gjykata Penale Orale Nr. 28, edhe pse dënimi ishte apeluar.

Komediani australian Barry Humphries, i njohur më së shumti për personazhin e tij komik Dame Edna Everage, ka vdekur në moshën 89-vjeçare. Aktori kishte qenë në spital në Sidnej pasi pësoi komplikime pas operacionit në kofshë në muajin mars.

Për vdekjen e Barry, reagoi dhe kryeministri australian Anthony Albanese, duke u shprehur: “Një inteligjent i madh, satirist, shkrimtar dhe absolutisht i veçantë, ai ishte edhe i talentuar dhe një shërbeu si një dhuratë për të gjithë”.

Sa i përket jetës private, aktori ishte i martuar dhe la pas gruan, Lizzie Spender dhe katër fëmijë.