Ish-ambasadori i Shqipërisë në OKB dhe një nga ish-themeluesit e PD, Abdi Baleta ka ndërruar jetë në moshën 84 vjeçare.

Abdi Baleta lindur në fshatin Gur i Bardh të Matit në vitin 1941, ka studiuar për marrëdhënie ndërkombëtare në Moskë dhe është diplomuar për drejtësi në Universitetin e Tiranës, në vitin 1964.

Deri në vitin në vitin 1983 ka shërbyer në diplomacinë e shtetit shqiptar si punonjës e drejtor në Ministrinë e Jashtme dhe ambasador e përfaqësues i Shqipërisë në OKB, në Nju Jork.

Ka kryer detyrën e kryetarit të Gjykatës së Rrethit në Pogradec (1983-1987) dhe të pedagogut të së drejtës ndërkombëtare në Fakultetin e Drejtësisë (1987-1995).

Në vitet 1991-1996 u zgjodh deputet i Partisë Demokratike në Kuvendin e Shqipërisë. Në 1994 Abdi Baleta u largua nga Partia Demokratike dhe krijoi një forcë tjetër politike e cila u pagëzua “Rimëkëmbja Kombëtare”.

Familja doli me këtë mesazh:

“Me pikëllim njoftojmë se sot u nda nga jeta bashkëshorti dhe babai ynë, Abdi Baleta.

Për shumëkënd ishte diplomat, gjykatës, politikan, zë i fuqishëm për kombin.

Për ne ishte burrë i thjeshtë e i drejtë, bashkëshort, baba e gjysh që na mësoi me shembullin e tij. Dlirësia dhe dinjiteti dhe forca e karakterit ishin tiparet e tij.

Ai besonte tek nderi, tek dashuria për familjen e për vendin. Ia kthejmë sot Zotit jetën e tij, me falënderim për të gjitha që na dha, si dhe trashëgiminë që ka lënë pas.

Qoftë kujtimi i tij i bekuar për të gjithë ne që e deshëm. Pastë dritë shpirti yt, babi!

Varrimi bëhet të shtunën, data 20. 09. 2025. Nisja nga shtëpia funerale Alba 2000, Rruga e Durrësit, në orën 12:00. Varrimi bëhet në Tufinë.

Vizitat i presim në shtëpinë funerale Alba 2000, Rruga e Durrësit, të dielën, të martën, të mërkurën, të enjten dhe të premten, nga ora 10:00 – 13:00 dhe 17:00 – 20:00.

Fatos Cenaj vdiq sot, më 11 qershor, pas tre ditësh në gjendje të rëndë për jetën. Ish-polici i burgjeve vite më parë në Shqipëri u gjet i pajetë në rrugë të dielën, më 8 qershor, me një plagë plumbi në vesh. Ai ishte 59 vjeç dhe me një jetë krejt normale në Itali.

Fatos Cenaj mbërriti në Fontaniva të Italisë tre vjet më parë, pasi u largua nga Shqipëria dhe hoqi uniformën e rojes së burgut. Është gjithashtu atje ku karabinierët italianë kërkuan për të kuptuar një motiv të mundshëm, megjithatë pa gjetur asgjë që mund të shpjegonte misterin.

Në karrierën e tij si oficer i policisë së burgut, Cenaj nuk ishte përfshirë kurrë në lajme edhe sepse roli i tij ishte i largët në shërbim.

Dita e tij e punës, në fakt, pothuajse gjithmonë kalohej pas një tavoline, në një zyrë, me pak kontakt me të burgosurit. Emri i tij nuk është shfaqur kurrë në lloje të tjera hetimesh, as në Ballkan dhe as në Itali.

Pista më e fortë tani mbetet një plumb qorr nga një armë e testuar në zonë dhe që ka kapur rastësisht 59-vjeçarin, një burrë që nuk kishte probleme në zonë.

Ndahet nga jeta në moshë të re gazetari i njohur shqiptar.

Zijadin Gashi, gazetar për shumë vite i Radios Evropa e Lirë, ka vdekur të martën në moshën 51-vjeçare.

Ai është përballur në muajt e fundit të jetës me tumor në tru.

Gashi e ka ushtruar profesionin e gazetarit prej vitit 1997, duke mbuluar aktualitetin politik në Kosovë.

Më herët gjatë vitit, Asociacioni i Gazetarëve të Kosovës, i ka ndarë mirënjohje për kontributin e dhënë në gazetari, para dhe gjatë luftës në Kosovë, në periudhën 1998-99.

Nga viti 2001 e deri më 2020 ka punuar për Radion Evropa e Lirë – si gazetar dhe një periudhë si shef i byrosë në Prishtinë – për të vazhduar më pas kontributin në media tjera në Kosovë.

Presidentja e Kosovës, Vjosa Osmani, e ka ngushëlluar familjen dhe komunitetin e gazetarëve për vdekjen e Gashit, duke e përshkruar si gazetar të përkushtuar, i cili tërë jetën ia kushtoi punës në media.

“Karriera e gjatë dhe kontributi i tij në median e shkruar, elektronike dhe televizive u karakterizuan nga integriteti dhe angazhimi i palëkundur për informim të publikut, saktë dhe në mënyrë profesionale”, është thënë në deklaratën e lëshuar nga Presidenca.

Zijadin Gashi e ka përfunduar shkollimin e mesëm në gjimnazin “Sami Frashëri” në Prishtinë, për t’i vazhduar studimet në Universitetin e Prishtinës.

Ai ka lënë mbrapa vetes gruan dhe tre fëmijë, si dhe një trashëgimi të vlefshme në gazetari.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Java e 15 e Kategorisë Superiore është mjaft e rëndësishme sa i përket vazhdimësisë në këtë kampionat për shumë skuadra, pasi ka përballje mes ekipeve që kanë pretendime të njëjta, pa harruar këtu edhe derbin kryeqytetas.

FSHF ka ndarë ndeshjet në tre ditë të ndryshme duke filluar nga e premtja, me përballjen mes Bylisit dhe Vllaznisë që hap javën.
Të shtunën luhen tre sfida. Dy të parat, janë ato Egnatia-Elbasani dhe Laçi-Skënderbeut, ku e para është ndikuese në luftën për “Final 4”, ndërsa e dyta për mbijetesën. Kurse në darkë luhet një duel po aq i rëndësishëm për katërshen e parë mes Dinamos dhe Teutës.

Ndërkaq, derbi i kryeqytetit me Tiranës dhe Partizanit, është caktuar të luhet të dielën në orën 19:00 dhe do të jetë sfida e vetme e Superiores për këtë ditë.

JAVA 15

29.11.2024
Bylis-Vllaznia ora 13:30

30.11.2024
Egnatia-Elbasani ora 13:30
Laçi-Skënderbeu ora 13:30
Dinamo-Teuta ora 17:00

01.12.2024
Tirana-Partizani ora 19:00

Një tjetër lajm i trishtë nga sporti shqiptar, ku trajneri legjendar i Skraparit, Albert Spahiu, i cili prej më shumë se dy dekadash ka drejtuar skuadrën e qytetit është ndarë nga jeta.

Spahiu gjithashtu ka kaluar edhe pjesën më të madhe të karrierës së tij si futbollist te skaudra e qytetit.

Lajmi i trishtë është dhënë nga presidenti i FSHF, Armando Duka.

“Lajmi për ndarjen nga jeta e trajnerit të Skraparit, Albert Spahiu, më ka trishtuar shumë.

Spahiu drejtonte prej më shumë se dy dekadash skuadrën e Skraparit, me të cilin ishte shumë i lidhur pasi aty ka kaluar pjesën më të madhe të karrierës si futbollist nga viti 1978 e deri në vitin 1992, duke qenë edhe kapiten për 6 sezone.

Një njeri me vlera të mëdha për komunitetin e Skraparit e që ka dhënë kontribute ndër vite veçanërisht për futbollin në këtë qytet.

Dua t’i përcjell ngushëllimet e mia më të sinqerta, edhe në emër të FSHF-së, familjes Spahiu, të afërmve dhe miqve të tij.

Kujtimi i tij do të mbetet i paharruar!”, shkruan Duka në rrjetet sociale.

Një ushtar ukrainas është dërguar këtë të shtunë pa shenja jete në Urgjencën e Prizrenit, ka njoftuar zëdhënësi i policisë për Prizrenin, Shaqir Bytyqi.

Sipas Bytyqit, ushtari ukrainas i lindur në vitin 1992 u dërgua në emergjencë nga Forca e Sigurisë së Kosovës (FSK).

“Më datë 31.08.2024, rreth orës 11:35, emergjenca e spitalit të Prizrenit ka informuar policinë se FSK-ja ka dërguar një ushtar ukrainas të lindur në vitin 1992, i cili kishte pësuar arrest kardiak dhe, sipas mjekut kujdestar në emergjencë, ishte pranuar pa shenja jete,” tha Bytyqi.

Ai shtoi se patrulla policore, së bashku me hetuesit, kanë arritur në emergjencë.

Ndërkohë, prokurori i shtetit është njoftuar dhe rasti është klasifikuar si “Hetim i Vdekjes.”

Hetuesit nga Sektori Rajonal i Hetimeve (SRH) në Prizren ishin të pranishëm në Spitalin Rajonal të Prizrenit.

Me urdhër të Prokurorit të ccështjes, trupi i pajetë është dërguar për autopsi në Institutin e Mjekësisë Ligjore në Prishtinë. Hetuesit, në koordinim me zyrtarët përgjegjës të FSK-së, kanë marrë të gjitha masat adekuate për njoftimin e institucioneve përgjegjëse lidhur me ushtarin e ndjerë. Rasti vazhdon të hetohet nga Sektori Rajonal i Hetimeve në Prizren, përfundoi Bytyqi.

Futbolli lushnjar është në zi, pasi është ndarë nga jeta një nga ikonat e Lushnjës, ish-sulmuesi Mimi Xhoxhi. Ka qenë presidenti i FSHF-së, Armand Duka, ai që përmes një postimi në rrjetet sociale ka dhënë lajmin për komunitetin futbolldashës në vend.
“Lajmi për ndarjen nga jeta ish-sulmuesit të Lushnjës, Mimi Xhoxhi, ka prekur gjithë komunitetin e futbollit shqiptar. Ai ishte një emër i spikatur, duke dhënë kontribut si futbollist dhe trajner te Lushnja. I shpreh ngushëllimet e mia të sinqerta familjes, së afërmve dhe miqve të Xhoxhit! Prehu në paqe Mimi Xhoxhi!”, shkruan Duka.

Për ndarjen nga jeta të emblemës së futbollist lushnjar ka reaguar edhe kryetarja e Bashkisë Lushnjë, Eriselda Sefa, e cila përmes një postimi në rrjetet sociale shkruan: : Trishtues lajmi për ndarjen nga jeta të njërit prej emrave emblemë të futbollit lushnjar dhe jo vetëm, Themi (Mimi) Xhoxhi. Kontributi i jashtëzakonshëm si lojtar dhe trajner, padiskutim e fusin Mimi Xhoxhin në panteonin e legjendave të sportit në #Lushnjë! I shpreh ngushëllimet më të sinqerta familjes dhe miqve! Prehu në paqe Mimi Xhoxhi!”

Ditën e sotme është ndarë nga jeta kryeredaktori i “Gazetës Panorama” dhe gazetari i njohur Aristir Lumezi.

Lumezi dha frymën e fundit në moshën 57-vjeçare pasi humbi betejën me një sëmundje të rëndë.

57-vjeçari gjatë karrierës së tij prej dy dekadash dha një kontribut të vyer në median e shkruar shqiptare dhe atë vizive.

Lumezi ka qenë gazetar i politikës dhe ka mbajtur postin e kryeredaktorit të “Gazetës Panorama”.

Ai e nisi karrierën si gazetar në qytetin e Elbasanit.

Mësohet se varrimi i tij do të bëhet ditën e enjte në 11 korrik në orën 12:00.

Trupi i pajetë i gazetarit do të prehet përgjithmonë në varrezat e Sharrës në Tiranë.

Ndahet nga jeta legjenda e futbollit shqiptar, Bejkush Birçe.

Familja e madhe e futbollit shqiptar ka marrë lajmin e trishtueshëm të ndarjes nga jeta të Bejkush Birçes, për shkak të problemeve shëndetësore. Birçe 81 vjeç, një nga emrat më të mëdhenj të futbollit shqiptar, dha kontribut si lojtar dhe trajner i Kombëtares, ndërkohë që ishte edhe zëvendëspresident i FSHF.

Birçe e kaloi karrierën e tij si futbollist te Partizani, ndërkohë që e drejtoi më pas edhe si trajner, sikurse bëri me Naftëtarin, Flamurtarin, Lokomotivën e Durrësit dhe Dinamon. Gjithashtu, ai mbahet mend si një nga trajnerët më të shquar të Kombëtares, teksa drejtoi kuqezinjtë në vitet ’90, në një periudhë të vështirë për vendin.

FSHF i shpreh ngushëllimet më të sinqerta familjes, së afërmve dhe miqve të Birçes për këtë humbje të madhe! Edhe Presidenti i FSHF-së, Armand Duka me një postim në rrjetet sociale ka shprehur trishtimin e tij për këtë humbje dhe u ka shprehur ngushëllime familjarëve dhe miqve të Bejkush Birçes.

“I pikëlluar pas lajmit të ndarjes nga jeta të Bejkush Birçes! Kemi humbur një nga njerëzit me më shumë kontribute në futbollin shqiptar, si lojtar, trajner e drejtues në FSHF. Kemi humbur një njeri me karakter të fortë, një mik dhe një familjar shumë të mirë. Në emrin tim dhe të komunitetit të futbollit shqiptar, dua t’i shpreh ngushëllimet e mia familjes, së afërmve dhe miqve, të cilët kanë humbur një njeri shumë të dashur për ta. U prehsh në paqe Bejkush Birçe!”, – shkruan Presidenti Duka në statusin e tij.

Homazhet për Bejkush Birçen do të zhvillohen ditën e hënë në ambientet e stadiumit “Air Albania”, duke nisur nga ora 11:00.

Mëngjesin e sotëm, është ndarë nga jeta aktori Vasillaq Godo në moshë n 81-vjeҫare. Vasillaq Godo, u lind në Vlorë, më 15 shkurt 1943.

Vasillaq Godo, Aktor u lind në Vlorë, më 15 shkurt 1943.

Ai është ndër aktorët themelues të teatrit “Petro Marko” të Vlorës, në vitin 1962.

Godo mbaroi Institutin e Lartë të Arteve për aktor, në vitin 1967 dhe realizuar mbi 90 role, duke qenë ndër aktorët kryesore të ketij teatrii.

Ka spikatur për lojën e tij realiste, me një zë të plotë ,i parapëlqyer për të jetësuar figura epike, heroike, duke gërshetuar aty me maturi me sens artistik anët e madhërishme me ato humane.

Disa nga rolet më të spikatura të tij janë Hodoja tek “Lidhur si fishekë gjerdani”, Batoja te “Jatagani”, Isa Boletini te “Besa e trojeve” etj.