“Një Shtetas që jetonte në Tiranë ndalohet sot në Qafën e Muzinës, pasi drejtonte mjetin në gjendje të dehur”

Shtetasi, identifikuar si A.R., banues në Tiranë, u kap në aksin rrugor Jorgucat – Qafa e Muzinës duke drejtuar makinën në gjendje të dehur.

Pasi iu bë testi i alkoolit, rezultoi se ky shtetas po ngiste makinën në gjendje të dehur. Policia e kaloi materialet në Prokurorinë e Gjirokastrës për veprime të mëtejshme.

POLICIA E SHTETIT 

Specialistët e Sektorit të Policisë Rrugore referuan materialet në Prokurori, ku nisi procedimi penal për shtetasin A. R., 68 vjeç, banues në Tiranë, pasi u kap në aksin rrugor “Jorgucat-Qafa e Muzinës”, duke drejtuar automjetin, në gjendje të dehur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

Një efektiv policie në komisariatin e Himarës është ndaluar nga AMP.

Lajmin e ka bërë të ditur ministrin i Brendshëm Taulant Balla. Sipas Ballës efektivi F.XH është ndaluar pasi dyshohet se ka kryer veprat penale “Përndjekje”, “Dhuna në familje”, “Mosbindje ndaj urdhrit të punonjësit të policisë së rendit publik” etj.

‘Vijon procesi i vetëpastrimit të Policisë së Shtetit nga ata që turpërojnë vlerat e uniformës së Policisë. Agjencia e Mbikëqyrjes Policore në bashkëpunim me DVP Vlorë kanë ndaluar punonjësin e policisë të Komisariatit Himarë F.XH., i dyshuar për kryerjen veprave penale “Përndjekje”, “Dhuna në familje”, “Mosbindje ndaj urdhrit të punonjësit të policisë së rendit publik” etj.’- shkruan Balla.

Ditën e sotme, Specialistët për Hetimin e Krimeve Ekonomike dhe Financiare të DVP Shkodër, kanë ndaluar shtetasin e shpallur në kërkim.

Bëhet me dije se 34-vjeçari është dënuar për veprën penale “Mashtrimi me kredi”.

Ndërkohë, DVP Shkodër na njofton për disa vepra të tjera penale.

Ditën e sotme, Specialistët për Hetimin e Krimeve të Komisariatit të Policisë Korçë, kanë ndaluar shtetasin me inicialet E.Z., 26 vjeç.

E.Z. kishte ushtruar dhunë ndaj nënës së tij dhe më pas u largua nga banesa, por forcat “Shqiponja” e kanë ndjekur 26-vjeçarin dhe e kanë ndaluar.

Ndërkohë, DVP Korçë na jep detaje dhe për një ngjarje tjetër.

“Vihet në pranga 1 shtetas dhe procedohen në gjendje të lirë 3 të tjerë, për vepra të ndryshme penale.

-Specialistët për Hetimin e Krimeve të Komisariatit të Policisë Korçë arrestuan në flagrancë shtetasin E. Z., 26 vjeç, banues në Korçë, pasi dyshohet se ushtroi dhunë ndaj nënës së tij dhe u largua nga banesa. Pas ndjekjes nga shërbimet e Forcës së Posaçme “Shqiponja”, 26-vjeçari u kap dhe u ndalua.

-Në vijim të informacionit të dhënë ditën e djeshme, për një konflikt në lagjen nr. 8, Korçë, gjatë të cilit u dëmtua me mjete të forta një shtetas, ju informojmë se specialistët për Hetimin e Krimeve referuan materialet në Prokurori ku filloi procedimi në gjendje të lirë për shtetasit R. H., 30 vjeç, Xh. H., 26 vjeç dhe S. S., 33 vjeç, banues në Korçë. Nga veprimet hetimore të kryera rezultoi se shtetasi S. S. ka shkuar në banesën e shtetasit Xh. H. dhe e ka goditur atë në parakrah, me mjet prerës. Më pas, shtetasit R. H. dhe Xh. H. (vëllezër) kanë goditur me mjete të forta 33-vjeçarin dhe kanë thyer xhamat e automjetit të tij. Shtetasi S. S. ndodhet në spitalin e Korçës, aktualisht jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.”, njofton policia.