Një vatër zjarri ka shpërthyer në zonën e Pilurit në Himarë, duke rrezikuar ullishtet e shumta të zonës.

Për shkak të terrenit të vështirë malor, zjarrfikësit po punojnë me mjete manuale dhe pompa shpine.

Raportohet se pritet të ketë ndërhyrje me helikopter nga ajri për të vënë nën kontroll flakët që mund të përhapen për shkak edhe të erës së fortë në përmasa katastrofike për zonën.

Situata mbetet e vështirë teksa zjarrfikësit që ndodhen në vendngjarje po punojnë për të parandaluar përhapjen e zjarrit.

Një sherr i dy turistëve që ka zgjatur për rreth 20 minuta, ka mbledhur dhjetëra qytetarë e pushues në Lungomaren e Vlorës.

Ata janë përpjekur fillimisht t’i ndajnë dy burrat që po konfliktoheshin, por ata sërish nisnin të ziheshin. Nuk dihet se çfarë i ka shtyrë turistët të përleshen me njëri-tjetrin në qytetin bregdetar, ku kanë ardhur për pushime.

Për rreth 20 minuta, ata kanë vijuar të debatojnë mes tyre dhe të përleshen, derisa efektivët e njoftuar nga qytetarët kanë mbërritur në Lungomare dhe i kanë shoqëruar të dy.