Gjykata Themelore në Gjilan ka lëshuar urdhër-arrest dhe letër-rreshtim ndërkombëtar ndaj Arbenita Ismajlit, pas kërkesës së Prokurorisë Themelore.

Sipas autoriteteve, Ismajli dyshohet se nuk ka zbatuar një vendim gjyqësor që i jepte ish-partnerit të saj, Feronit Shabani, të drejtën për takime të rregullta me vajzën e tyre. Prokuroria thotë se ajo ka larguar vajzën nga Kosova dhe ka qëndruar me të në disa shtete jashtë vendit që nga shtatori 2024, duke penguar kontaktin e babait me fëmijën.

Më 10 korrik 2025, ndaj saj u ngrit aktakuzë për:

Mbajtje e paautorizuar e fëmijës

Mosrespektim të vendimit të gjykatës

Ndërkohë, Prokuroria e Gjilanit ka ngritur aktakuzë edhe ndaj Feronit Shabanit, për:

Dhunë në familje

Ngacmim seksual

Kanosje, të kryera ndaj Ismajlit gjatë periudhës qershor–tetor 2024.

Gjykata ka konfirmuar se veprimet janë ndërmarrë “konform ligjit dhe legjislacionit në fuqi”.

Operacioni ndërkombëtar “The Wanted” – Arrestohet në Spanjë një shqiptar i kërkuar për trafik narkotikësh

Policia e Shtetit, në bashkëpunim të ngushtë me Interpol Tiranën, Interpol Madridin dhe policinë spanjolle, ka finalizuar arrestimin e shtetasit shqiptar Juxhin Drazhi 34 vjeç, i shpallur në kërkim ndërkombëtar për veprimtari kriminale në fushën e narkotikëve.

Ky arrestim u krye në kuadër të operacionit policor ndërkombëtar të koduar “The Wanted”, pas një shkëmbimi të menjëhershëm informacioni mes Interpol Tiranës dhe Interpol Madridit.

Gjykata e Posaçme e Shkallës së Parë për Korrupsionin dhe Krimin e Organizuar, në prill 2025, i kishte caktuar J. D.-së masën e sigurisë “Arrest në burg” për akuzat:

Trafikim i lëndëve narkotike, në formën e bashkëpunimit

Pjesëmarrje në grup të strukturuar kriminal

Kryerje e veprave penale nga grupi i strukturuar kriminal dhe organizata kriminale

Autoritetet shqiptare dhe spanjolle po vijojnë procedurat për ekstradimin e tij drejt Shqipërisë./noa.al

Kapet i shpalluri në kërkim ndërkombëtar nga Spanja.

‘Finalizohet operacioni policor i koduar “Operacionalja 45”. Akuzohet se ka kultivuar bimë Cannabisi, me llamba, në Spanjë, kapet në aksin “Vau i Dejës-Shkodër”, 28-vjeçari.

Si rezultat i koordinimit të punës dhe shkëmbimit të informacioneve, me partnerët spanjollë, nëpërmjet INTERPOL, shërbimet e Drejtorisë së Forcës së Posaçme Operacionale, në kuadër të operacionit “Operacionalja 45”, lokalizuan, kapën dhe vunë në pranga, me qëllim ekstradimin në Spanjë, shtetasin E. K., 28 vjeç, të lindur në Shkodër.

Ai kërkohej ndërkombëtarisht, sepse Gjykata e Barcelonës, në vitin 2025, i ka caktuar masën e sigurisë “Arrest në burg”, për kultivim të bimëve narkotike dhe vjedhje të energjisë elektrike. Interpol Tirana po bashkëpunon me Interpol Madridin, për të finalizuar ekstradimin e këtij shtetasi’, njofton policia.

Në fokus të veprimtarisë hetimore janë grupet kriminale të specializuara në trafikun e drogës, me një sistem të strukturuar për importimin e drogës nga Amerika e Jugut, Maroku dhe Holanda. Substancat u shpërndanë më pas nga provinca e Brescias në të gjithë Italinë. Autoritetet theksuan se operacioni përbën një goditje të rëndë për trafikun e drogës në Itali dhe demonstron angazhimin e vazhdueshëm të forcave të rendit në luftën kundër krimit të organizuar.

Hetimi, i cili zgjati disa muaj, kërkoi përdorimin e mjeteve të avancuara teknologjike për të monitoruar aktivitetet e paligjshme, si dhe bashkëpunimin midis forcave të ndryshme të policisë dhe magjistratëve.

Një rrjet ndërkombëtar i trafikut të drogës me qendër në Brescia, Itali, është goditur nga policia italiane, nën koordinimin e Drejtorisë Antimafia. Droga importohej nga Amerika e Jugut, Maroku dhe Holanda dhe grupi kishte lidhje të ngushta me grupet kriminale të “Ndrangheta”, “Cosa Nostra”, “Camorra”, “Stidda” dhe “Sacra Corona Unita”.

Sipas mediave italiane, janë ekzekutuar 45 masa paraprake, prej tyre 30 “arrest me burg”, 12 “arrest shtëpie” dhe 3 “detyrim paraqitje”.

Të arrestuarit janë shtetas italianë, shqiptarë dhe afrikano-veriorë, rezidentë në provinca të ndryshme italiane, duke përfshirë Brescia, Reggio Calabria, Catanzaro, Napoli, Palermo, Romë, Milano, Foggia, Cosenza, Ragusa, Trapani, Mantua, Kremona, Pavia, Chieti, Bolzano dhe Biella.

Policia e Shtetit/Vijon bashkëpunimi me homologët për lokalizimin, kapjen dhe ekstradimin e personave të shpallur në kërkim ndërkombëtar.

Finalizohet nga autoritetet britanike, pas shkëmbimit të informacionit me Policinë e Shtetit, operacioni policor i koduar “Another”.

Si rezultat i shkëmbimit të informacioneve mes Policisë së Shtetit dhe autoriteteve britanike, është bërë i mundur lokalizimi, kapja dhe arrestimi me qëllim ekstradimi i shtetasit të shpallur në kërkim ndërkombëtar, Edison Muçeku, 34 vjeç.

Ky shtetas ishte shpallur në kërkim ndërkombëtar. Gjykata e Posaçme e Shkallës së Parë për Korrupsionin dhe Krimin e Organizuar, ka caktuar ndaj tij masën e sigurisë “Arrest në burg” për veprat penale: “Sigurimi i kushteve dhe mjeteve materiale për të kryer vrasje, në formë të veçantë dhe në bashkëpunim”, “Grup i strukturuar kriminal”, dhe “Pjesëmarrje në grup të strukturuar kriminal”.

Interpol Tirana, në bashkëpunim me Interpol Manchester, po vijon procedurat për ekstradimin e këtij shtetasi drejt vendit tonë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një 58 vjeçar është arrestuar nga policia e Vlorës me qëllim ekstradimi drejt Italisë.

Sipas policisë, 58 vjeçari Nikola Mersini ishte shpallur në kërkim ndërkombëtar nga autoritetet italiane pasi rezulton i dënuar me 8 vite burgim për trafikim të lëndëve narkotike, nga të cilat i kanë mbetur për të kryer 7 vjet e 6 muaj. Ai u ndalua në lagjen “10 Korriku”. Interpol Tirana dhe Interpol Roma po bashkëpunojnë për të kryer ekstradimin e këtij shtetasi.