FIER- Një aksident i rëndë ka ndodhur në fshatin Kafaraj, ku si pasojë një 81-vjeçar ka humbur jetën. Sipas Policisë së Fierit, i moshuari, dyshohet se ka humbur kontrollin e biçikletës që po drejtonte dhe ka përfunduar në një kanal anës rrugës.

Si pasojë e rrëzimit, ai ka pësuar dëmtime të rënda që i kanë shkaktuar vdekjen. Ndërkohë grupi hetimor po vijon punën për zbardhjen e plotë të rrethanave të ngjarjes.

Në ditën kur vëllezërit Diogo Jota dhe André Silva vdiqën në një aksident rrugor në Spanjë, një tjetër humbje e madhe preku botën e sportit. Borja Gomez ndërroi jetë të enjten, në pistë gjatë zhvillimit të Kampionatit Evropian Stock.

Çiklisti, 20 vjeç, po stërvitej në pistën franceze të Magny-Cours, kur rrëshqiti në një kthesë dhe një motoçikletë tjetër e goditi. Gomez kishte fituar garën e tij të fundit në Jerez në Motorsport, dhe këtë sezon ai kishte garuar edhe në kampionatin spanjoll Superbike. Tre vjet më parë ai ishte një pilot zyrtar në Moto 2.

“Me gjithë dhimbjen në zemrat tona, na vjen keq të njoftojmë se Borja Gómez ka ndërruar jetë në pistën Magny-Cours pas një aksidenti të rëndë në seancën e parë të praktikës së lirë në Kampionatin Europian të Stock-ut.

Përtej talentit të tij të jashtëzakonshëm si pilot, ne do ta kujtojmë Borjan për njeriun e madh që ishte. Mirësia dhe buzëqeshja e tij do të zgjasin përgjithmonë. Do ta mbajmë gjithmonë në zemrat tona.Në emër të gjithë ekipit Laglisse, duam të shprehim ngushëllimet tona për të gjithë familjen dhe miqtë e tij në këto momente të vështira. Të duam, Borja. Prehu në paqe.”

Një ngjarje e rëndë ka ndodhur në fshatin Kuç të njësisë Dishnicë në Bashkinë e Korçës, ku një 16-vjeçar ka ndërruar jetë, pasi ka pësuar arrest kardiak.

Kanë qenë vetë prindërit prezent në momentin kur djali i tyre nuk është ndjerë mirë, duke lajmëruar ambulancën, por 16-vjeçari nuk ka arritur të mbijetojë.

Këtë mëngjes, shkolla e mesme “Ymer Dishnica”, ka mbajtur një minutë heshtje për të miturin, ndërsa në një postim në rrjetet sociale, shkolla e ka cilësuar të miturin K.C si një nga nxënësit më shembullorë të shkollës të tyre.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një 73-vjeçar i burgosur ka ndërruar jetë sot në Qendrës Spitalore Universitare “Nënë Tereza” në Tiranë. Drejtoria e Përgjithshme e Burgjeve njofton se Namik Paja vuante nga disa probleme serioze shëndetësore. Gjatë qëndrimit të tij në institucion, ai është shtruar tri herë në Qendrën Shëndetësore të Burgut.

Ngjarja është raportuar menjëherë tek organet kompetente, përfshirë Prokurorinë, SHKBB dhe Policinë e Shtetit, të cilat po kryejnë veprimet procedurale në përputhje me ligjin.

Drejtoria e Përgjithshme e Burgjeve ngushëllon familjen për humbjen e njeriut të tyre.

Njoftim për shtyp

Sot, më datë 9 dhjetor 2024, në ambientet e Qendrës Spitalore Universitare “Nënë Tereza” (QSUT), ka ndërruar jetë shtetasi Namik Bexhet Paja, lindur më 5 janar 1951, banues në Berat. Ky shtetas ishte i dënuar me vendim gjykate për masën “shtrim i përkohshëm” për veprën penale “Kundërshtim i punonjësit të Policisë së Rendit Publik” (neni 236/2 i Kodit Penal).

Paja vuante nga disa probleme serioze shëndetësore, përfshirë:

– Çrregullim Bipolar Tip 1

– Insufiçiencë kardiake dhe Sindrom Iskemik i Zemrës

– Hipertension arterial (stad II-III)

– Çrregullime psikotike

– Hernje umbilikale e diagnostikuar më herët.

Gjatë qëndrimit të tij në institucion, shtetasi Paja është shtruar tri herë në Qendrën Shëndetësore të Burgut dhe është trajtuar me mjekimin e duhur për gjendjen e tij shëndetësore.

Ngjarja është raportuar menjëherë tek organet kompetente, përfshirë Prokurorinë, SHKBB dhe Policinë e Shtetit, të cilat po kryejnë veprimet procedurale në përputhje me ligjin.

Drejtoria e Përgjithshme e Burgjeve ngushëllon familjen për humbjen e njeriut të tyre.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Vladimir Shklyarov, artist i njohur botërisht i baletit rus, ka vdekur të shtunë mbrëma pas rënies nga kati i pestë i një ndërtese.

Ai ishte 39 vjeç. Vdekja e tij u konfirmua nga Teatri Mariinsky në Shën Petersburg, ku Shklyarov ishte balerini i parë.

“Kjo është një humbje e madhe për stafin tonë në Mariinsky,” thuhej në komunikatën e teatrit të njohur të baletit, ku shtohej se paraprakisht ngjarja konsiderohet si një aksident.

Një burim i policisë, pa dhënë shumë detaje tha për agjencinë vendase RIA Novosti: “Ai vdiq një vdekje natyrale, nuk ishte një krim”.

Shklyarov vdiq dy ditë para se të kryente një ndërhyrje serioze kirurgjikalë në shtyllën kurrizore, për të cilën merrte qetësues prej kohës, njoftonin mediat ruse.

Diana Vishneva, balerina kryesore e Mariinsky, tha se vdekja e Shklyarov është një tragjedi për botën e baletit.

“A ishte aq i dashur nga audiencat. Ishte partneri më i preferuar për shumë balerina në botë”, shkruan Vishneva në homazhin në rrjetet sociale”.

I lindur në Shën Petersburg, Shklyarov studioi në akademinë prestigjoze të baletit Vaganova dhe u diplomua në 2003. Po atë vit ai u bashku me Teatrin Mariinsky të cilin e e drejton prej vitit 2011.

Në karrierën prej më shumë se dy dekada Shklyarov ka interpretuar në produksione si “Liqeni i mjellmave,” “Bukuroshja e fjetur,” “Romeo e Xhulieta” apo “Don Kishoti”, përveç përfomancave të tjera në salla në Londër ose New York.

Shklyarov le pas bashkëshorten Maria Shirinkina, gjithashtu kërcimtare në Mariinsky, dhe një djalë e një vajzë që ka me të, shkruan rrjeti CNN.

Ka ndërruar jetë 14-vjeçari, i cili u godit me thikë nga bashkëmoshatari i tij mesditën e sotme jashtë shkollës Fan Noli në Tiranë.

Njoftimi i policisë:
Më datë 18.11.2024, rreth orës 13:10, në rrugën “Qema Stafa”, rreth 200-300 metra larg shkollës “Fan Noli” janë konfliktuar 3 shtetas të moshës 14 vjeç.

Si pasojë e dëmtimeve të marra gjatë konfliktit, ka ndërruar jetë njëri prej tyre ndërsa tjetri ndodhet në spital, në kujdesin e mjekëve.
Është shoqëruar njëri nga autorët e dyshuar, ndërsa grupi hetimor po vijon punën për sqarimin e rrethanave të konfliktit.

Mëngjesin e sotëm, më datë 26 gusht 2024, në Spitalin e Rrogozhinës ka ndërruar jetë shtetasi i dënuar Erlad Helshani, i lindur më 23 shkurt 1981 dhe banues në Kavajë. Helshani u gjet pa ndjenja nga bashkëvuajtësit e tij, ndërsa po lahej në dush. Pavarësisht ndërhyrjes së menjëhershme të mjekut të institucionit, i cili e shoqëroi drejt spitalit, Helshani ndërroi jetë në orën 09:15 në Spitalin e Rrogozhinës.

Helshani trajtohej për hipertension dhe nivele të larta të yndyrave në gjak gjatë qëndrimit në IEVP Rrogozhinë. Ai ishte i dënuar me 4 vite e 8 muaj heqje lirie për prodhim të lëndëve narkotike.

Ngjarja po hetohet dhe janë ndjekur të gjitha procedurat e nevojshme. Janë njoftuar menjëherë Shërbimi i Kontrollit të Brendshëm në Burgje (SHKBSB), Komisariati i Policisë Rrogozhinë, Prokuroria, dhe familjarët e të ndjerit.

Drejtoria e Përgjithshme e Burgjeve shpreh ngushëllimet e saj më të sinqerta familjes së të ndjerit.

Në orët e para të mëngjesit të sotëm rreth orës 00:30, një person ka humbur jetën dhe tre të tjerë janë plagosur në një aksident trafiku, në rrugën nacionale Pejë-Prishtinë (fshati Komoran).

Këtë e ka konfirmuar zëdhënësi i policisë, Bajram Krasniqi, i cili tha se në aksident është përfshirë një veturë dhe një kamion.

Një person i cili u rrëzua në një pusetë në Prishtinë, ka humbur jetën.

Ai ra në pusetë më 9 gusht dhe u dërgua menjëherë në spital për shkak të plagëve të marra. Sipas njoftimit të policisë kosovare, viktima ishte duke marrë mjekim në QKUK, por si pasojë dëmtimeve që ka marrë gjatë rrëzimit në një pusetë të hapur, nuk ka arritur të mbijetojë.

Një 44-vjeçar serb ka ndërruar jetë, teksa ishte me pushime në Korfuz, pasi kishte gëlltitur pesë pako me drogë, të cilat i shkaktuan ileus.

Ai ndodhej me pushime në jug të Korfuzit dhe u gjet i pajetë në shtëpinë ku po qëndronte më 7 gusht.

Ekspertiza mjeko-ligjore ka rrëzuar qasjen fillestare, se 44-vjeçari ka ndërruar jetë papritur, për shkaqe patologjike.

Ekspertiza gjeti pesë pako plastike me një lëndë narkotike në pluhur, me ngjyrë të bardhë, ndoshta kokainë dhe me peshë 83 gram.

Nga konstatimet e mjekut rezulton se në stomakun e 44-vjeçarit kishte pako të tjera, të cilat ai i kishte nxjerrë.

“Paketimet plastike nuk ishin plotësisht hermetike kur ai i gëlltiti, me rezultat që pas gëlltitjes ato të fryheshin dhe të çonin në ileus dhe thithjen e lëngut gastrointestinal në mushkëri”, shprehen mjekët.