Esat Xherri, 30-vjeçari i cili u përfshi në një aksident të rëndë dy ditë më parë pasi makina ku udhëtonte ra në humnerë, ka ndërruar jetë në spitalin e Traumës. I riu mësohet se iu është nënshtruar plagëve të marra mëngjesin e sotëm rreth orës 09:00.

Esat Xherri mbeti i plagosur rëndë në aksident rrugor që ndodhi mesditën e të dielës në fshatin Zdrajsh të Librazhdit. Automjeti që ai drejtonte doli nga rruga në një kthesë të fortë dhe më pas u rrokullis për rreth 100 metra në një terren të thepisur. Si pasojë e aksidentit, drejtuesi i mjetit pësoi plagë të shumta dhe fraktura.

Pasi u nxor nga automjeti i shkatërruar u dërgua me autoambulancë me urgjencë në Spitalin e Traumës në Tiranë. Paraprakisht dyshohet se humbja e kontrollit të mjetit për shkak të shpejtësisë ose gjendjes së rrugës së amortizuar.

Tiranë- Ndërron jetë në moshë 66-vjeçare aktori dhe regjisori Naun Shundi.

Artisti u dërgua për trajtim të specializuar në një spital në Francë, por kostot e larta financiare detyruan familjarët që të kërkojnë ndihmë.

Më pas ai u rikthye në Shqipëri, ku vijoi trajtimin mjekësor në QSUT, shpenzimet e së cilës u mbuluan nga ministria e Shëndetësisë Kush ishte Naun Shundi

1977 diplomohet regjisor në shkollën e Mesme të Kulturës. Në 1983 diplomohet aktor në Institutin e Lartë të Arteve (sot Akademia e Arteve). Emërohet aktor në Teatrin Kombëtar. Në 1985 transferohet si regjisor në Pallatin e Kulturës “Dardania” në Bajram Curri. Në 1986 rikthehet në Teatrin Kombëtar. Në 1989 vlerësohet si Aktori më i mirë në Olimpiadën Teatrore për rolin më të Mirë, Jovan Bregu në “Pallati 176”. 1993-2000 emërohet Pedagog i mjeshtërisë së aktorit, regjisurës dhe fjalës artistike në degën e regjisë, Akademia e Arteve. 1995 – Specializim për regji pranë Teatrit Kombëtar Bukuresht dhe Katedrës së Regjisë në Akademinë e Teatrit e të Filmit në Bukuresht.

 Aktualisht aktor në Teatrin Kombëtar të Shqipërisë.

Rolet : Ka kryer rreth 60 role prej të cilave mund të përmendim: 1983 – “Përballë vetes” (Ruzhdi Pulaha, Dhimitër Pecani) 1989 – Linke – “Kryqi i Bardhë “ (Breht, Kumbaro) 1990 – Çezari – “Natë me hënë” (Budina) 1991 – Luixhi – “Zgjimi” (Marko, Budina) 1991 – Ezopi – “Ezopi” (Figereida, Pecani) 1992 – Aldo – “Kush vjedh një këmbë, ka fat në dashuri” (Fo, Kutali) 1992 – Shtefan – “Loja e Pushimeve” (Sebastian, Kutali) 1993 – Fando – “Fando e Lis” (Arrabal, Qiriaqi 1993 – Urani – “Zoti godet me putër” (Bezhani, Kame – Teatri Bylis-Fier) 1994 – Martin – “Këngëtarja tullace” (Jonesko, Qiriaqi) 1995 – Bepe, Damian – “Oportunesku” (Mushatesku, Manolesku) 1995 – Skulptori – “Tiranozauri” (Trebeshina, Kame) 1996 – Aktori – “Në katin e dytë është parajsa” (Bezhani) 1998 – “Kopshti me dallendyshe” (Babis Cilkiropulos, Kiço Londo – Teatri Kombëtar) 1999 – Doktori Arshambo – “Darka e të marrëve” (Kame) “Frike dhe mjerim në rajhun e tretë” (Breht) “Si e mposhta Musolinin” (Haqif Mulliqi) “Jo të gjithë hajdutët vijnë për të vjedhur” (Breht, Publimedia) “Shtrigat e Salemit” (Spiro Duni, Teatri Kombëtar) 2006 – “Drejt perendimit” 2007 – “Kontrata” (Mrozhek) 2008 – “Fishkëllime në errësirë” (Spiro Duni) Film i Fatmir Koçi-t, “Berberi” “Darka e gabuar” (Fatos Haxhiraj) “Zoopark” (Milto Kutali) “Mysafiri i mallkuar” (Ilir Bezhani) 2010 –“Një tablo absurde” (Hysi, Milto Kutali) 2012 “Ëndrra e Ismail Qemalit” në rolin e Faik Konicës (Spiro Duni, Teatri Kombëtar) 2012 – “Henry IV (Globe to Globe, World Shakespeare Festival 2012) 2014 – “Liri në Bremen” (Fassbinder – Teatri Kombëtar) 2016 – “Tri Motrat“ (Teatri Kombëtar)

Ndërron jetë gazetari i njohur Artur Zheji.

Ai ishte duke drekuar me bashkëshorten dhe djalin në një restorant në rrugën “Butrinti”, kur dyshohet se ka pësuar një arrest kardiak.

Zheji u transportua me urgjencë me autoambulancë drejt spitalit “Petro Nako” në Sarandë, por fatkeqësisht mbërriti atje i pa jetë.

Një aksident tragjik ka ndodhur në orët e para të mëngjesit në fshatin Moravë, Berat.

Rreth orës 04:30, shtetasi 29-vjeçar O. C., duke drejtuar automjetin, humbi kontrollin dhe makina doli nga rruga. Si pasojë e përplasjes, drejtuesi i automjetit ndërroi jetë në vend, ndërsa pasagjerja, e cila udhëtonte me të, pësoi dëmtime të lehta.

Forcat e policisë dhe shërbimet e emergjencës mbërritën menjëherë në vendngjarje, ndërsa trupi i viktimës u transportua për në morg dhe pasagjerja mori ndihmën e nevojshme mjekësore.

Një tjetër ngjarje e rëndë ka tronditur zonën minerare të Bulqizës. Një minator rreth 64 vjeç ka humbur jetën këtë të mërkurë si pasojë e një aksidenti të ndodhur në një nga galeritë e kromit.

Sipas të dhënave paraprake, viktima ka qenë duke punuar në thellësi të një galerie në momentin kur është goditur nga një masiv i madh shkëmbor.

Shërbimet e emergjencës mbërritën menjëherë në vendin e ngjarjes, por për shkak të plagëve të rënda, minatori ndërroi jetë në vend.

Policia dhe grupi hetimor ndodhen në terren dhe po punojnë për të zbardhur plotësisht rrethanat e ngjarjes. Pritet të verifikohet nëse janë respektuar masat e sigurisë në punë, një problematikë e përsëritur në minierat shqiptare, ku shpesh jeta e punëtorëve vihet në rrezik për shkak të neglizhencës apo mungesës së standardeve.

Podgoricë- I riu që u plagos nga të shtënat me armë zjarri në Podgoricë, nuk i ka mbijetuar plagëve të marra dhe ka ndërruar jetë në spital.

Ngjarja ka ndodhur më dy ditë më parë pranë kodrës së Goricës në Podgoricë. Viktima Binak Kabashi nga Shipoli i Mitrovicës u dërgua në Qendrën Klinike të Malit të Zi, por nuk mundi t’u mbijetojë plagëve të shkaktuar nga arma e zjarrit.

Lajmin për vdekjen e të riut e ka konfirmuar edhe babai i tij, Aliu përmes një postimi në Facebook.

Ndërkohë autori i vrasjes, 23-vjeçari me inicialet E.B dhe u vu në pranga në Podgoricë midis urave Blazov dhe Viseci, pak orës pas krimit.

Një aksident i rëndë automobilistik është regjistruar në rrugën e Shëngjinit.

Sipas burimeve të para nga vendngjarja, raportohet për një viktimë nga përplasja, ndërsa një pasagjere ndodhet në gjendje të rëndë.

Ekipet e emergjencës kanë ndërhyrë menjëherë për të dhënë ndihmën e parë dhe për të transportuar të plagosurit në spitalin më të afërt.

Policia ka nisur hetimet për të përcaktuar rrethanat e aksidentit dhe shkaqet e mundshme që çuan në ngjarjen tragjike.

Informacione të mëtejshme pritet të bëhen publike nga autoritetet lokale në orët në vijim.

Gazetarja Rudina Demneri, të cilën ndryshe e njohim si Paloma po përjeton një gjendje jo të mirë emocionale. Përmes një postimi në rrjetet sociale, Paloma bën me dije se është ndarë nga jeta babai i saj. “Më mungon ba, pusho në paqe aty lart…”, shkruan mes rreshtave gazetarja.

Snowboardistja olimpike, Sophie Hediger, ka humbur jetën pas një aksidenti (e zuri orteku i borës) në Arosa, të hënën, ka njoftuar Federata Zvicerane e Skisë.

Hediger, 26 vjeçe, ishte anëtare e ekipit kombëtar të snowboard-it dhe mori pjesë në Lojërat Olimpike Dimërore 2022 në Kinë para se të arrinte dy podiumet e para në Kupën e Botës gjatë sezonit 2023-24.

Drejtori ekzekutiv i sporteve të Swiss-Ski, Walter Reusser, tha: “Jemi pa fjalë dhe mendimet tona janë për ta arwrmit e Sophie-së, të cilëve u shprehim ngushëllimet më të thella.

Për familjen e Swiss-Ski, vdekja tragjike e Sophie ka hedhur një hije të errët mbi periudhën e Krishtlindjes. Jemi jashtëzakonisht të trishtuar.”

Swiss-Ski tha se nuk do të publikohej asnjë informacion shtesë për vdekjen e Hediger, një vendim që u mor në marrëveshje me familjen dhe partnerin e saj.

Gjendet e aksidentur në rrugë një grua, ndërron jetë në spitalin e Fierit.

‘Rreth orës 17:20, në aksin rrugor “Fier-Lushnjë”, shërbimet e Policisë kanë konstatuar një shtetase të dëmtuar, dyshohet si pasojë e një aksidenti rrugor, anës rrugës, e cila u transportua me ambulancë në spitalin rajonal të Fierit.

Shtetasja ende e paidentifikuar si pasojë e dëmtimeve të marra ka humbur jetën në spital.

Grupi hetimor po punon për identifikimin e shtetases dhe të automjetit që ka shkaktuar përplasjen me pasojë vdekjen e shtetases ende të paidentifikuar’, informon policia.