Një ngjarje e rëndë ka ndodhur në Tiranë ku një 60 -vjeçar humbi jetën pasi është rrëzuar aksidentalisht në një kantier ndërtimi.

Policia njofton se i moshuari ka rënë në një gropë me ujë dhe për pasojë ka humbur jetën, ndërsa viktima ngelet ende i pa identifikuar.

Në rrugën “Haxhi H Dalliu” në një pallat ende të papërfunduar, dyshohet se aksidentalisht ka rënë në një gropë me ujë dhe për pasojë ka humbur jetën një shtetas ende i paidentifikuar, rreth 60 vjeç.

Një aksident në vendin e punës ka ndodhur në një kantier ndërtimi në rrugën “Don Bosko” në Tiranë, ku një 47-vjeçar ka rënë nga skelat gjatë punës.

Sipas njoftimit të policisë, punëtori me inicialet L.B. dyshohet të ketë rënë aksidentalisht, ndërsa aktualisht ndodhet në spital nën kujdesin e mjekëve.

Ngjarja ka ndodhur më 12 shkurt 2025, dhe autoritetet po hetojnë rrethanat e plota të aksidentit.

Një 55-vjeçar ka rënë nga lartësia e një pallati në ndërtim ku punonte në zonën e Kamzës.

Sipas policisë, ai është transportuar menjëherë në spital dhe ndodhet nën kujdesin intensiv të mjekëve.

Grupi hetimor po vijon hetimet në vendin e ngjarjes për të dokumentuar plotësisht rrethanat dhe shkaqet e incidentit.

Një 51-vjeçar është arrestuar në Elbasan pasi ishte shpallur në kërkim për veprën penale “Korrupsioni aktiv i personave që ushtrojnë funksione publike”.

Në pranga është vënë Gentian Bako, ndërsa arrestimi i tij u bë në kuadër të operacionit “Deceit. Më 29 gusht, SPAK kishte urdhëruar ndalimin e tij, pasi në muajin prill të këtij viti, Bako ka bashkëpunuar me dy punonjës të IMT Elbasan, për marrje rryshfeti, në lidhje me një objekt të ndërtuar pa leje.

Në zbatim të masave të përcaktuara në kuadër të planit operacional “Sundimi i ligjit” u finalizua operacioni policor i koduar “Deceit “.

Ndalohet një 51-vjeçar i shpallur në kërkim për veprën penale “Korrupsioni aktiv i personave që ushtrojnë funksione publike”.

Si rezultat i kërkimeve dhe administrimit të informacioneve të inteligjencës policore, të kryera në vijim të megaoperacionit kombëtar të koduar “Sundimi i ligjit”, me objektiv ndalimin e shtetasve të shpallur në kërkim, Seksioni për Hetimin e Krimeve Ekonomike dhe Financiare në bashkëpunim me forcën e Posaçme Shqiponja të DVP Elbasan finalizoi operacionin policor të koduar “Deceit”.

Në kuadër të operacionit u kap dhe u ndalua shtetasi në kërkim G. B., 51 vjeç, banues në Elbasan, pasi Prokuroria e Posaçme Kundër Korrupsionit dhe Krimit të organizuar Tiranë, me vendimin e datës 29.08.2024, ka urdhëruar ndalimin e tij, për veprën penale “Korrupsioni aktiv i personave që ushtrojnë funksione publike”

Ndalimi i këtij shtetasi u bë pasi në muajin prill 2024, ka bashkëpunuar me dy punonjës të IMT Elbasan, për marrje rryshfeti, në lidhje me një objekt të ndërtuar pa leje.

Materialet i kaluan Prokurorisë së Posaçme Kundër Korrupsionit dhe Krimit të organizuar, për veprime të mëtejshme.

Dy shqiptarë janë plagosur rëndë teksa ishin duke punuar në ndërtim në Maltë.

Ngjarja raportohet se ka ndodhur  mëngjesin e sotëm, në Triq Sir Luigi Preziosi, ku çatia e ndërtesës ku ata po punonin u shemb. “Times of Malta” raporton se dy shqiptarët po punonin në një pronë fqinje, e cila është në ndërtim e sipër, kur u hodhën në çatinë e pronës ngjitur.

Por çatia u rrëzua dhe gjithashtu u rrëzuan tavanet e dy kateve poshtë tyre. Për pasojë, punëtorët përfunduan në katin e parë mbi rrënoja. Policia tha se punëtorëve, të moshës 26 dhe 32, iu dha ndihma e parë nga një ekip mjekësor dhe oficerë nga Departamenti i Mbrojtjes Civile.

Pak ditë më parë, një burrë shqiptar humbi jetën po në Maltë dhe mbeti i plagosur dhëndri i tij. Bari Balla, 51-vjeç humbi jetën më 20 prill në Sliema.

Arrestohen në flagrancë dy persona në Theth duke kryer punime e ndërtime pa leje. Mësohet se një 44-vjeçar me inicialet A.V po kryente punime për ndërtimin e tre objekteve prej druri në Theth ndërsa një 60-vjeçar po kryente punime për ndërtimin e një objekti.

Bëhet me dije se objektet do përdoreshin për qëllime turistike. Me rastin do të merret Prokuroria e Shkodrës.

Njoftimi i Policisë:

U kapën në flagrancë, teksa ndërtonin pa leje, 4 objekte që do të përdoreshin për turizëm në Theth, arrestohen 2 shtetas.

Si rezultat i kontrolleve që po kryhen 24/7, me qëllim parandalimin dhe goditjen e rasteve të ndërtimeve pa leje, veçanërisht në zonat turistike dhe në ato urbane, shërbimet e Komisariatit të Policisë Shkodër, në bashkëpunim me shërbimet e Postës së Policisë Theth, të mbështetura te informacionet e inteligjencës policore, evidentuan 2 raste të kësaj paligjshmërie.

Në vijim të veprimeve procedurale u vunë në pranga shtetasit A. V., 44 vjeç dhe Gj. D., 60 vjeç, të dy banues në Shkodër.

Në Theth, 44-vjeçari u kap në flagrancë, teksa kryente punime për ndërtimin e 3 objekteve prej druri, ndërsa 60-vjeçari u kap në flagrancë, teksa kryente punime për ndërtimin e 1 objekti. 4 objektet do të përdoreshin për qëllime turistike.

Kontrollet dhe verifikimet për të parandaluar, konstatuar dhe goditur paligjshmëritë në fushën e ndërtimeve, vijojnë 24/7, në të gjithë territorin e qarkut.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.