Në vitin 2024 u regjistruan 177 aksidente të punë të raportuara nga Inspektorati Shtetëror i Punës dhe Shërbimeve Shoqërore.

Të paktën 33 persona kanë humbur jetën nga këto aksidente. Të dhënat zyrtare të institucionit tregojnë se dy sektorët më problematikë vijojnë të mbeten ndërtimi dhe minierat.

“Sektori i ndërtimit mbetet më i rrezikuari me 24% të aksidenteve, duke reflektuar zhvillimin e shpejtë të këtij sektori me 1,019 kantiere leje ndërtimi të lëshuara në vitin 2024″,– sipas INSTAT.

Pavarësisht kontrolleve intensive nga ISHPSHSH, aksidentet në këtë sektor vazhdojnë të jenë një sfidë. Është e domosdoshme forcimi i sistemeve të sigurisë dhe shëndetit në nivel ndërmarrjeje, veçanërisht për rolin e Koordinatorit të Sigurisë dhe ndërgjegjësimin e punëdhënësve për zbatimin korrekt të ligjit.

Sektori “Miniera-Kariera” përfaqëson 18% të aksidenteve, duke mbetur një nga sektorët me risk shumë të lartë. Inspektimet në nëntokë janë kompetencë e AKSEM, me të cilin ISHPSHSH bashkëpunon për trajtimin e aksidenteve në këtë sektor” thuhet në raportin vjetor 2024 të Inspektoratit.

Të paktën 90% e aksidenteve janë raportuar nga punëdhënësit, një rritje prej 2.4% krahasuar me vitin e kaluar, që sipas institucionit tregon një ndërgjegjësim më të lartë për deklarimin e ngjarjeve.

Sipas raportit në vitin 2024, është vënë re një rritje e përqindjes së subjekteve që disponojnë “Dokument Vlerësim Risku”, kanë emëruar Koordinatorin e Sigurisë dhe Shëndetit në Punë, krijuar Këshillat e Sigurisë dhe Shëndetit në Punë dhe kanë angazhuar Mjekun e Ndërmarrjes.

Në vitin 2024 u inspektuan në total nga ana e Inspektoratit 190,340 vende pune në 9,860 subjekte me rritje në masën 22% të total inspektimeve të realizuara krahasuar me vitin paraardhës./Monitor

Një aksident në vendin e punës ka ndodhur në një kantier ndërtimi në rrugën “Don Bosko” në Tiranë, ku një 47-vjeçar ka rënë nga skelat gjatë punës.

Sipas njoftimit të policisë, punëtori me inicialet L.B. dyshohet të ketë rënë aksidentalisht, ndërsa aktualisht ndodhet në spital nën kujdesin e mjekëve.

Ngjarja ka ndodhur më 12 shkurt 2025, dhe autoritetet po hetojnë rrethanat e plota të aksidentit.

Administratori i një firme ndërtimi në Elbasan ka përfunduar në prangat e Policisë, pasi një punonjës është plagosur gjatë kohës që ka qenë duke punuar. Ky i fundit është dërguar në spital dhe ndodhet jashtë rrezikut për jetën.about:blank

“Specialistët për Hetimin e Krimeve të Komisariatit të Policisë Elbasan arrestuan shtetasin Xh. G., 37 vjeç, banues në Korçë, pasi në firmën e ndërtimit që ky shtetas administronte, është dëmtuar duke punuar, shtetasi B. T., 31 vjeç, banues në Elbasan, i cili është në kujdesin e mjekëve, jashtë rrezikut për jetën”, njofton policia.