sh-konkurrenti dhe fituesi i reality show-t “Ferma VIP”, Dijonis Biba, ka shkaktuar bujë në rrjetet sociale, pasi ka shpërndarë një skedinë me një shumë të madhe parash të vënë bast për fitoren e Shqipërisë në ndeshjen e sotme kundër Serbisë.

Ndeshja e kësaj mbrëmje ka elektrizuar opinionin publik, ku shumë shqiptarë kanë shprehur besimin e tyre në fitoren e Kombëtares.

Dijonis Biba ka postuar në InstaStory një skedinë ku shfaqet një bast i vendosur prej 10,000 euro për fitoren e Shqipërisë. Nëse ky bast do të rezultojë fitues, shuma që do të arkëtohet është 55,500 euro.

egjithatë, Dijonisi ka shtuar një detaj që lë vend për dyshime mbi autorësinë e këtij basti, duke shkruar: “Kush e ka fut ket bilet more?”

Pavarësisht dyshimit të lënë në publik, ky postim është interpretuar si një tregues i besimit të fortë te Kombëtarja dhe një mënyrë për të nxitur entuziazmin, duke u bërë menjëherë viral për shkak të shumës së madhe të parave të vëna në lojë.

Mbrëmjen e sotme, në qytetin Leskovac, do të zhvillohet ndeshja mes Serbisë dhe Shqipërisë, një duel që ka ngjallur interes të madh në gjithë rajonin. Për këtë arsye, autoritetet serbe kanë vendosur masa të shtuara sigurie, me qëllim garantimin e rendit dhe mbarëvajtjes së takimit.

Sipas mediave në Beograd, presidenti Aleksandar Vuçiç është përfshirë personalisht në menaxhimin e situatës dhe madje ka telefonuar vetë pronarin e hotelit ku qëndron kombëtarja shqiptare, për t’u siguruar se gjithçka është në rregull dhe se delegacioni kuqezi po trajtohet siç duhet.

Një detaj interesant nga akomodimi i përfaqësueses shqiptare është fakti se shefi i kuzhinës në hotelin ku qëndron skuadra është kosovar nga Prizreni, çka ka krijuar

Federata e Futbollit njofton se ndeshja Serbi – Shqipëri, e vlefshme për kualifikueset e Kupës së Botës 2026, do të zhvillohet në stadiumin “Gradski Stadion Dubočica” në Leskovac, më 11 tetor në orën 20:45.

Ky vendim është marrë nga UEFA pas kërkesës së Federatës Serbe të Futbollit për zhvendosjen e takimit nga stadiumi “Rajko Mitic” në Beograd dhe pas dakordësisë së Federatës Shqiptare të Futbollit.

Arsyet kryesore për ndryshimin e vendndodhjes lidhen me masat e sigurisë dhe nevojën për të garantuar zhvillimin e ndeshjes në një ambient të kontrolluar dhe të sigurt për të gjithë pjesëmarrësit

Deputeti socialist Erion Braçe ka reaguar pas ndeshjes së mbrëmjes së djeshme mes Shqipërisë dhe Serbisë, e cila përfundoi me rezultatin 0-0. Në një postim në rrjetet sociale, Braçe u shpreh kritik ndaj mungesës së qetësisë para portës dhe theksoi se Kombëtarja humbi një mundësi të madhe për të dalë me fitore.

Sipas tij, Serbia ishte më e dobët se kurrë dhe Shqipëria pati të paktën pesë raste të pastra për gol, përfshirë edhe një penallti të mundshme. Ai shtoi se mungoi profesionalizmi në momentet vendimtare.

Pritjes po vjen fundi, ndërsa numërimi mbrapsht ka nisur për ndeshjen e shumëpritur të kombëtares së Shqipërisë kundër Serbisë.

Sylvinho ka publikuar formacionin, 11 ‘të besuarit’ e tij që do të nisin sfidën kundër Serbisë.

Ekipi kombëtar i Serbisë mbërrin sot në Tiranë për ndeshjen e së shtunës, më 7 qershor në orën 20:45, ku do të përballet me Shqipërinë në kualifikimet për Kupën e Botës 2026.

Ky përballje është vlerësuar nga UEFA si një nga më të rrezikshmet e grupit.

Sakaq, Policia e Shtetit ka njoftuar kufizime të tjera në Tiranë.

Policia e Shtetit informon se: “Rruga nga hoteli ku është akomoduar ekipi i futbollit të Serbisë që ndodhet në bulevardin “Gjergj Fishta”, deri në drejtim të stadiumit “Arena Kombëtare”, përmes bulevardit “Bajram Curri”, pasditen e sotme në orën 16:30 dhe ditën e nesërme në orën 18:45, do të ketë kufizime të pjesshme deri në 25 minuta në momentin që do eskortohet ekipi për në stadium për stërvitje pasditen e sotme dhe nesër për të zhvilluar ndeshjen”.

“Policia e Shtetit është angazhuar maksimalisht që i gjithë aktiviteti të përfundojë me sukses përsa i përket masave të sigurisë, dhe në këtë kuadër me qëllim shmangien e incidenteve, apelojmë për mirëkuptim nga ana e qytetarëve, si dhe respektim të udhëzimeve të strukturave të policisë në terren”, njofton Policia.

Sipas Policisë “çdo sjellje apo veprim që cenon rendin dhe sigurinë publike do të trajtohet në përputhje me ligjin dhe me tolerancë zero”.

Të shtunën në mbrëmje do të luhet në Tiranë ndeshja Shqipëri-Serbie vlefshme për eleminatoret e kampionatit Botëror 2026 teksa masat e sigurisë kanë nisur të vihen në zbatim.

Mësohet se rreth 1,500 forca policie do të jenë të angazhuara për garantimin e rendit, përfshirë njësinë RENEA, Anti-terrorin dhe SHISH-in. Po ashtu bëhet me dije se fokusi do të jetë i veçantë mbi përfaqësuesen serbe që do të shoqërohet nga momenti i mbërritjes në Tiranë deri në largim.

Ndërkohë në stadium do të instalohen kamera me njohje të fytyrës për të identifikuar çdo person që mund të shkaktojë incidente. Gjithashtu, do të përdoren sisteme antidron për të parandaluar çdo kërcënim nga ajri. Çdo biletë është e personalizuar dhe tifozët duhet të paraqesin kartën e identitetit në hyrje për verifikim.

Nga ana tjetër, rrugët kryesore që çojnë drejt stadiumit do të bllokohen për qarkullimin e automjeteve. Bizneset pranë stadiumit janë urdhëruar të mbyllen përkohësisht, dhe nuk do të lejohet qëndrimi i personave në ballkonet apo dritaret e banesave që kanë pamje nga stadiumi.

Përveç grackave të lidhura me debutimin në një event të rëndësishëm siç është Kampionati Evropian, Italia e Luciano Spallettit do të duhet të marrë parasysh një vështirësi të mëtejshme në ndeshjen kundër Shqipërisë, e planifikuar për të shtunën e 15 qershorit në orën 21:00.

Rreth 50 mijë tifozë shqiptarë priten në “Westfalenstadion” të Dortmundit për të ndjekur ndeshjen kundër axurrëve. Shifra mbresëlënëse, të cilat do t’i bëjnë kampionët e Europës në fuqi të ndihen sikur po luajnë në “transfertë”.

Për Kampionatin Evropian, UEFA ka vendosur të reduktojë kapacitetin e “Westfalenstadion” në Dortmund nga 81 mijë vende të zakonshme në 62 mijë për arsye sigurie. Epo duhet të jenë rreth 50 mijë tifozë shqiptarë, duke rikrijuar kështu “murin e verdhë” në versionin kuqezi.

Italianët e pritshëm do të jenë “vetëm” 10 mijë, për një ndeshje që premton të jetë shumë e vështirë, të paktën për sa i përket atmosferës me të cilën do të përballen axurrët. Sipas vlerësimeve të ESPN, Shqipëria duhet të jetë kombëtarja e dytë më e përfaqësuar nga tifozët në këtë Kampionat Europian, vetëm pas Gjermanisë mikpritëse.

Numra të rëndësishëm tifozësh priten edhe në mbështetje të Anglisë, Holandës dhe Polonisë. Pritshmëria për Kampionatin Evropian në Shqipëri është aq e fortë sa kryeministri Edi Rama ka vendosur të pezullojë parlamentin për 10 ditë.

Kjo nismë është marrë për të lejuar mbi 100 ministra dhe deputetë të ndjekin ndeshjet e Grupit B kundër Italisë, Kroacisë dhe Spanjës. Një zgjedhje që ka shkaktuar shumë diskutime, por që shpjegon pritshmërinë me të cilën populli shqiptar po përgatitet ta përjetojë këtë ngjarje.

Kombëtarja kuqezi në fakt nuk ishte kualifikuar në Europianin 2020 (u luajt një vit më vonë prej pandemisë së Covid-19), por e bëri “sefte” për herë të parë në histori në edicionin e vitit 2016 në Francë, ku u eliminua në fazën e grupeve.