Mjekë në veriperëndim të Perusë, kanë arritur t’i shpëtojnë jetën një djali dy vjeçar që kishte gëlltitur tetë gjilpëra medicinale.

“Kur u futëm në sallën e operacionit dhe i hapëm barkun, zbuluam objekte të metalta dhe e kuptuam se bëhet fjalë për gjilpëra”, tha mjeku Efrain Salazar, transmeton Telegrafi.

Mediat lokale raportojnë se bëhet fjalë për gjilpëra të injeksioneve, me të cilat vaksinohen kafshët në fermën në të cilën punon e ëma e vogëlushit.

Kjo familje jeton në rajonin e njohur për bujqësi Taratopou, rreth 622 kilometra nga Lima.

“Ndoshta i ka gëlltitur derisa po luante”, tha e ëma, që shtoi se vogëlushi pas ndërhyrje kirurgjikale është shpëtuar nga më e keqja.

Momentit i shpëtimit të një foshnje nga rrënojat e tërmetit në Marok po bën xhiron e botës. Në video shihen ekipet e shpëtimit, të cilët arrijnë të nxjerrin të gjallë nga rrënojat, foshnjën e porsalindur që e kishin mbështjellë me batanije.

Videoja është cilësuar si shpresë për jetë, kurse foshnja sipas mjekëve gëzon shëndet dhe pas ekzaminimeve i është dorëzuar familjarëve. Deri më tani shumë qytetarë të Marokut po refuzojnë të kthehen në shtëpitë e tyre nga frika e ndonjë tjetër tërmeti.

VIDIO

Një mrekulli ka ndodhur në Austri, teksa një grua ka arritur të sjellë në jetë të shëndetshëm një foshnjë, në mes të autostradës.

Mësohet se burrë ndihmoi bashkëshorten e tij të lindte djalin e tyre, në një nga autostradat më të ngarkuara të Austrisë, teksa në telefon konsultohej me mjekët.

“Gruaja ime po lind fëmijën tonë në Tangente, koka tashmë ka dalë jashtë”, tha ai në thirrjen e urgjencës të marrë nga mjekët e ndihmës, të martën në mbrëmje, ndërsa ishte në autostradën A23 në Vjenë.

Pas lindjes, babai i ri e lidhi kordonin e kërthizës së foshnjës me një lidhëse këpucësh, dhe kjo ishte ndërhyrja që i shpëtoi jetën. Nëna dhe djali i saj, Niklas nuk kishin nevojë për ndihmë, kur mjekët mbërritën.

”Të dy janë në gjendje të mirë shëndetësore”, tha një zëdhënës i shërbimeve të shpëtimit.