Madrid- Operatori i rrjetit elektrik të Spanjës pranoi sot se energjia diellore mund të jetë fajtore për ndërprerjet e energjisë elektrike që sollën kaos në pjesën më të madhe të gadishullit Iberik të hënën.

Shefi i Operacioneve të Sistemit të Red Eléctrica, Eduardo Prieto tha në një konferencë për shtyp se sistemi i energjisë elektrike u godit nga një humbje dramatike e prodhimit të energjisë në Spanjën jugperëndimore, që shkaktoi paqëndrueshmëri në sistem dhe çoi në shkëputjen e tij nga rrjeti francez.

Ai tha se ishte e mundur që gjenerimi i prekur të ishte diellor, por është shumë herët për të thënë me siguri, duke shtuar se sistemi tani ishte i qëndrueshëm dhe funksiononte normalisht.

Vlerësimi paraprak i operatorit përjashtoi sulmin kibernetik si shkak të ndërprerjes, teksa kritikat janë shtuar ndaj qeverisë spanjolle për mungesën e informacionit mbi këtë ngjarje.

Ndërprerja e energjisë elektrike bëri që aeroplanët të mbeteshin në tokë, trenat të ndaleshin dhe trafiku të ndalej në qytetet e mëdha. Pjesë të mëdha të vendit mbeten në gjendje të jashtëzakonshme, teksa raftet e supermarketeve janë bosh pas blerjeve të djeshme.

Një moment i pazakontë ka ndodhur gjatë orëve të vona të natës në shtëpinë e “Big Brother VIP Albania”, që ka shokuar banorët.

Egli e Gjesti vërehen teksa bisedojnë në shtratin e tyre kur papritmas banorët tremben pas një zhurme të çuditshme.

Jozi, i cili ishte në gjumë, papritur ka filluar të fliste për disa sekonda pa vetëdijë, duke frikësuar dy banorët që ishin zgjuar.

Sapo e vuri re, ndonëse u tremb nga kjo situatë, Egli iu kthye Gjestit: Është somnambul mos i fol.

Ky i fundit gjithashtu e shikon çuditshëm Jozin.

Reperi i njohur Ledri Vula ka ndarë një postim pak të trishtë pasditen e sotme në rrjete sociale.
Teksa qëndron i shtrirë në shtëpi dhe në krah mban një serum, reperi njofton se është në gjendje jo të mirë shëndetësore pa ndarë më shumë detaje.

Ai shpreh keqardhje që nuk do të mund të jetë në koncertin e organizuar në “Zone Club” teksa tregon se do të rikthehet së shpejti dhe do të festojë me të gjithë!
“Party people. Me përulje dhe mirëkuptim, më duhet të ju njoftoj se koncerti im sonte në Zone Club është i pamundur për shkak të situatës shëndetësore që kam. Do të kthehem së shpejti dhe do të festojmë së bashku.”-shkruan Ledri krah fotografisë.