Në fillim, gjithçka ishte perfekte.

Ajo e quante “vjehrra”, e ndihmonte me pazarin, e bënte të qeshte në tavolinë, i sillte lule.

Mendoi e lumtur: “Më në fund, djali im gjeti një grua që e do dhe më respekton.”

Pastaj, ngadalë, ato “lule” filluan të vyshken dhe kështu ndodhi edhe me mirësinë e saj.

Një ditë ai i tha të mos hynte në kuzhinë.

Një ditë tjetër, të mos fliste.

Pastaj, se s’duhej të ndërhynte në rritjen e djalit të saj.

Dhe më në fund se duhej të largohej. Se nuk kishte më hapësirë. Se ata kishin nevojë për “privatësi”.

Djali?

Asgjë, heshtje. Sytë ulur!

Dy valixhe në dorë. Të njëjtat që i kishte përdorur për t’i sjellë rroba të pastra kur ishte në universitet. Tani plot me gjërat e saj, sikur të ishte thjesht një ndërhyrëse.

Ajo u largua në heshtje.

Pa qarë.

Pa bërë skenë, por me një dhimbje që peshon më shumë se çdo valixhe: dhimbja e tradhtisë nga dikush që e do.

Nga dritarja, ajo i pa.

Buzëqeshur.

E lehtësuar.

Sikur të ishin “çliruar nga një problem”.

E njëjta grua që dikur kishte dhënë gjithçka tani dukej e pavlerë.

Por ajo që nuk e kishin kuptuar është se në ato valixhe nuk kishte vetëm rroba, kishte edhe dokumente të shtëpisë.

Sepse ajo shtëpi ishte regjistruar në emrin e saj.

Dhe disa ditë më vonë, pa thënë asnjë fjalë, ajo e shiti.

Dhe burri që e kishte nxjerrë jashtë u dëbua bashkë me gruan e tij…

Me gjithë buzëqeshjen që kishte përdorur për t’i thënë lamtumirë.

Atje, ajo kuptoi diçka: respekti nuk kërkohet.

Meritohet dhe mbrohet.

Sepse kur zemra e një nëne thyhet ajo nuk bërtet.

Ajo vepron.

Morali:

Respektoni ata që ju dhanë një strehë mbi kokë para se t’ia dorëzoni çelësat dikujt të ri.

Sepse ata që vijnë nga jashtë nuk sjellin gjithmonë dashuri.

Ndonjëherë vijnë për të pushtuar dhe për të dëbuar ata që ishin “bezdisës”.

Dhe nëse një ditë e nxjerr jashtë nënën tënde për të kënaqur dikë tjetër, shpreso që heshtja e mungesës së saj, të mos bërtasë brenda teje kur të jetë tepër vonë.

Mihrije Braha ka deklaruar se do e kujtojë këtë vit me shumë dhimbje. Në Shtator këngëtarja e njohur humbi nënën dhe me hidhërimin që ende nuk ka kaluar, në programin e “Rudina” ajo ndau kujtimet e ditëve të fundit me të shtrenjtën e saj. Veç momenteve me të, ajo kujton edhe amanetin e së ëmës.

Rudina Magjistari: Ajo e ndjente që ishte drejt fundit?

Mihrije Braha: Po e ndjente dhe fliste bile. Në njërën prej ditëve më tha që të ecnim pak, dolëm tek ballkoni. Kur dolëm tek dera e dhomës dhe në tha “kur të vdes unë, këtu ke për të vendosur një karrige dhe kur të vijnë gratë këtu kanë për t’u ulur për të shprehur ngushëllime”, m’u duk sikur më ra një bombë në kokë. E di që i kam thënë që ka kohë për atë pjesë, por në momentin që ajo dha frymën e fundit gjënë e parë që kam bërë, kam shkuar kam marrë një karrige dhe e kam vendosur aty. Aty ku më ka thënë, aty e kam vendosur karrigen. Ka qenë shumë e vështirë, ka pasur netë të tëra pa gjumë kur ajo, fliste me nënën e vet. Thërriste vëllezërit e vet që i kanë vdekur kohë më parë. Ka pasur momente që mua më jepte ndjesinë sikur po e përkëdhelte dikë, sikur po e ledhatonte dikë dhe për shumë netë kam fjetur me nënën. Unë e kam marrë në gji nënën, sikur nëna më ka marrë në gji mua kur kam qenë e vogël. E kujtoj herë pas here frymëmarrjen e saj tek gjoksi im. Atë muaj që unë kam qëndruar pranë saj nuk ka çmim që mundte ta paguajë, për vlerën e madhe.

Një 41-vjeçar në Maliq të Korçës ka rënë në prangat e Policisë këtë të mërkurë. Mësohet se 41-vjeçari K.A, ushtroi dhunë ndaj nënës së tij.

Nëna u pajis me urdhër mbrojtjeje. Me rastin do të merret Prokuroria Korçë.

Njoftimi i Policisë:

Komisariati i Policisë Maliq arrestoi në flagrancë shtetasin K. A., 41 vjeç, banues në fshatin Vloçisht, Maliq, pasi dyshohet se ka dhunuar nënën e tij, e cila u pajis me urdhër mbrojtjeje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.

Trupi i liderit të opozitës ruse Alexei Navalny, i cili vdiq papritur në burg javën e kaluar, i është dorëzuar nënës së tij, njoftoi sot zëdhënësja e tij Kira Yarmysh në platformën sociale X, sipas BBC.

Njoftimi erdhi pasi asaj ju tha të pranonte një varrim “të fshehtë”, përndryshe ai do të varrosej në koloninë e burgut ku vdiq.

Yarmysh tha se ajo nuk e dinte ende nëse autoritetet do të lejonin që funerali të mbahej siç dëshironte familja dhe ashtu siç e meritonte Alexei.

Ndërkohë më herët gjatë të shtunës, Yulia Navalya, e veja e liderit të opozitës ruse kaloi në kundërsulm dhe në një video të postuar në rrjetet sociale, akuzonte Vladimir Putin, për satanizëm.

Julia shprehet se besimi i saj në fe nuk ia lejon të imagjinojë se nuk mund të vajtojë bashkëshortin pa trupin e tij dhe njëherësh kritikon autoritetet ruse për dështimin e tyre për t’ia dorëzuar eshtrat e Navalny familjes së tij nëntë ditë pas vdekjes.

“Putin, i cili e përshkruan veten si një i krishterë i devotshëm, tallet me eshtrat e të vdekurve dhe demonstron se ai është një satanist. Na dorëzo Alexein. E keni torturuar të gjallë dhe vazhdoni ta torturoni të vdekur. Ju po shkelni çdo ligj, qoftë njerëzor apo hyjnor”, tha Yulia.

Edhe vajza e Navalny, Darya, i dërgoi mesazhin e saj të fortit të Kremlinit duke zgjedhur platformën X. “Jepini gjyshes trupin e babait tim”, shkroi vajza e liderit të ndjerë të opozitës ruse.

Kremlini i ka mohuar akuzat duke i quajtur reagimet perëndimore ndaj vdekjes së Alexei si “histerike”.

Navalny vdiq më 16 shkurt në një burg rus brenda Rrethit Arktik.