Nënkryetari i Partisë Demokratike, deputeti Luçiano Boçi, është shprehur se kandidati i opozitës për Bashkinë e Tiranës duhet të ketë një profil me dimension kryesisht publik, por edhe politik.

Boçi gjatë diskutimit përmendi gjithashtu disa emra kandidatësh, që sipas tij kanë potencial për të fituar garën në Bashkinë e Tiranës, si analisti Fatos Lubonja, Ilir Alimehmeti, Jorida Tabaku dhe Dhurata Çupi.

“Gjetja e zgjidhjes në këtë ekuacion me shumë faktorë të barabartë është disi jo e lehtë, por që do ketë një zgjidhje. Ka arsyetimet e veta çdo lloj formati i kandidatit.

Nuk po kërkoj zgjidhje të ndërmjetme, por nuk mund të gjesh një kandidat pa pasur një simpati apo angazhim politik.

Jo, ka dimensionin publik më të fortë se ai politik. Pra unë do preferoja këtë tipologji. Dimensioni publik i kandidatit të jetë më i madh se dimensioni politik, por jo një kandidat pa dimension politik. Politika të pajis me disa përgjegjësi.

Është e vështirë të themi virtyte, pasi ka më shumë që pajisen me vese. Por nuk është e vështirë që kanë virtyte politike dhe dimensione politike. Unë mbrëmë përshembull kam qenë në një debat dhe dëgjova emrin e Lubonjës.

A ka dimension politik? Sigurisht që ka dimension politik, sepse e ka të mbartur nga historia e vet personale. Është zoti Alimehmeti, është zonja Tabaku, është zonja Dhurata Çupi”, tha mes të tjerash Boçi ne a2 cnn.

Këshilli i Lartë i Prokurorisë ka zgjedhur Erind Gërmenjin si nënkryetarin e ri përmes një procesi votimi që përfshiu dy raunde.

Në garën për këtë pozicion morën pjesë tre kandidatë jo magjistratë: Erjon Fejzulla, Erind Mërkuri dhe Erind Gërmenji. Në raundin e parë, Fejzulla siguroi një votë, ndërsa Mërkuri dhe Gërmenji morën nga pesë vota secili, duke kaluar në raundin e dytë. Në këtë fazë, Gërmenji siguroi gjashtë vota nga 11 dhe fitoi pozicionin që më parë mbahej nga Tartar Bazaj.

Pas përfundimit të mandatit të kryetarit të mëparshëm, Alfred Balla, afro tetë muaj më parë, Mirela Bogdani u zgjodh kryetare e KLP-së si kandidate e vetme. Megjithëse gjashtë nga 11 anëtarët e këshillit vijnë nga radhët e prokurorëve, ligji përcakton që pozicionet drejtuese duhet të mbahen nga anëtarë jo magjistratë.