Kryeministri i Izraelit, Benjamin Netanyahu, ka deklaruar se nuk e përjashton mundësinë e eliminimit të Udhëheqësit Suprem të Iranit, Ajatollah Ali Khamenei, si një mënyrë për t’i dhënë fund përplasjes mes dy vendeve.

Në një intervistë për rrjetin amerikan ABC News, Netanyahu u shpreh se një goditje e tillë nuk do ta përshkallëzonte situatën, por, sipas tij, do ta përmbyllte konfliktin.

“Nuk do ta përkeqësonte, por do ta përfundonte atë,” u shpreh Netanyahu, kur u pyet për raportimet se Presidenti amerikan Donald Trump kishte vendosur veto ndaj një plani të mundshëm për të larguar fizikisht liderin suprem iranian, nga frika e një përshkallëzimi të pakontrolluar në Lindjen e Mesme.

Deklarata e Netanyahut vjen në një moment të tensionuar mes Izraelit dhe Iranit, pas javësh shkëmbimi sulmesh, goditjesh strategjike dhe kërcënimesh të ndërsjella. Kjo është hera e parë që një lider izraelit shprehet kaq hapur për një mundësi që do të përfaqësonte një përshkallëzim dramatik të luftës në rajon.

Ende nuk ka një reagim zyrtar nga ana e Teheranit për këtë deklaratë, por çdo aludim për shënjestrimin e Khameneit konsiderohet nga Republika Islamike si një vijë e kuqe absolute. Ndërkohë, komuniteti ndërkombëtar po ndjek me shqetësim zhvillimet, përballë rrezikut të një konflikti më të gjerë rajonal.

Kryeministri izraelit, Benjamin Netanyahu është paraqitur të martën para një gjykate në Tel Aviv për të dëshmuar për herë të parë në një gjyq të gjatë për korrupsion.

Netanyahu, 75 vjeç, është kryeministri i parë në detyrë i Izraelit që akuzohet për një krim, shkruan CNN.Kryeministri izraelit, Benjamin Netanyahu është paraqitur të martën para një gjykate në Tel Aviv për të dëshmuar për herë të parë në një gjyq të gjatë për korrupsion.

Netanyahu, 75 vjeç, është kryeministri i parë në detyrë i Izraelit që akuzohet për një krim, shkruan CNN.

Ai po dëshmon në të njëjtën kohë kur Izraeli është i përfshirë në një luftë në Gaza dhe përballet me kërcënime të reja të mundshme që vijnë nga trazirat rajonale, përfshirë në Siri.

I akuzuar për ryshfet, mashtrim dhe shkelje të besimit, Netanyahu do të dëshmojë tri herë në javë.

“Kam pritur për tetë vjet që ky moment të them të vërtetën. Por unë jam edhe kryeministër… po e drejtoj vendin përmes një lufte me shtatë fronte. Dhe unë mendoj se të dyja mund të bëhen paralelisht”, i tha Netanyahu gjykatës me tre gjyqtarë.

Izraeli dëshiron të mbajë kontrollin e korridorit, të cilin e kapi në fund të majit, pasi shkatërroi dhjetëra tunele nën të, që sipas tij ishin përdorur për të kontrabanduar armë për grupet e armatosura të Gazës.

Kryeministri izraelit, Benjamin Netanyahu, do të takohet të martën me presidentin amerikan, Joe Biden, ka bërë të ditur zyra e liderit izraelit. Netanyahu pritet të niset të hënën drejt Shteteve të Bashkuara. Dy liderët janë takuar për herë të fundit personalisht në Tel Aviv më 18 tetor, pak pas sulmit të kryer nga Hamasi në jug të Izraelit, më 7 tetor.

Atë ditë, militantët e Hamasit – grupit të shpallur terrorist prej Shteteve të Bashkuara dhe Bashkimit Evropian – kanë vrarë mbi 1.200 izraelitë dhe kanë marrë peng rreth 240 të tjerë. Rreth 116 pengje besohet se janë ende në Gazë, përfshirë 42 që ushtria izraelite beson se janë të vrarë.

Izraeli, më pas, ka nisur fushatë në Gazë për të shkatërruar Hamasin. Si pasojë e ofensivës tokësore dhe ajrore të Izraelit në atë rajon janë vrarë më shumë se 38.000 palestinezë, raportojnë autoritetet shëndetësore palestineze.

Sipas raportimeve në media, diskutimet pritet të fokusohen në tentimet për të garantuar një armëpushim në Gazë dhe lirim të pengjeve, në këmbim të të burgosurve palestinezë. Ndërkohë, në Izrael po rriten kritikat për udhëtimet e Netanyahut jashtë vendit.

Protestuesit kërkojnë që ai të largohet nga Izraeli vetëm pasi të jetë arritur një marrëveshje për lirim pengjesh. Të mërkurën Netanyahu do t’i adresohet Kongresit amerikan, lidhur me veprimet e ushtrisë izraelite në Gazë.

Marrëdhëniet në mes të Bidenit dhe Netanyahut konsiderohet të jenë të tensionuara, sidomos pas një videoje të publikuar së fundmi prej liderit izraelit, në të cilën ai kritikon ashpër Qeverinë amerikane për pezullim të një pjese të ndihmës ushtarake.

Kryeministri izraelit, Benjamin Netanyahu, i ka thënë kabinetit të tij të dielën që po vërehet “rënie dramatike” në dërgesat e armëve amerikane për përpjekjet e Izraelit në luftën në Gazë. Administrata e presidentit amerikan, Joe Biden, e ka mohuar këtë pretendim ditë më parë.

Deklarata e Netanyahut është parë si shenjë për rritje të tensioneve mes dy vendeve aleate. Netanyahu i ka thënë kabinetit të tij se mungesat e para janë vërejtur katër muaj më parë, pa përmendur diçka konkrete, dhe se “disa pajisje kanë arritur në mënyrë sporadike, mirëpo municionet kanë mbetur mbrapa”. Mospajtimet mes dy vendeve kanë të bëjnë me luftën në Gazë, kryesisht lidhur me qasjen e izraelitëve në këtë konflikt dhe për sigurinë e palestinezëve atje.

Presidenti Biden e ka vonuar dërgimin e disa bombave të rënda qysh prej majit, mirëpo administrata e tij i ka hedhur poshtë deklaratat e Netanyahut se bëhet fjalë edhe për dërgesa tjera. “Pas asaj që kam dëgjuar në ditët e fundit, shpresoj dhe besoj që kjo çështje do të zgjidhjet shpejt”, ka thënë të dielën Netanyahu, pa dhënë më shumë hollësi. Ai i ka bërë këto deklarata disa orë pasi ministri izraelit i Mbrojtjes, Yoav Gallant, ka udhëtuar në Uashington për t’u takuar me zyrtarë të lartë.

Lufta në Gazë, e nxitur nga Hamasi – grupi palestinez i shpallur terrorist prej Shteteve të Bashkuara dhe Bashkimit Evropian – më 7 tetor në jug të Izraelit, ka sfiduar marrëdhëniet Izrael-SHBA, si kurrë më parë.

Në atë sulm janë vrarë rreth 1.200 izraelitë dhe janë marrë peng mbi 240 të tjerë. Ministria e Shëndetësisë në Gazë deklaron se prej nisjes së luftës janë vrarë më shumë se 37.000 palestinezë, kryesisht gra dhe fëmijë. Ndonëse SHBA-ja ka thënë se mbështet fuqishëm synimet e Izraelit për lirim të pengjeve dhe mposhtje të Hamasit, autoritetet amerikane janë të shqetësuara për numrin e viktimave palestineze dhe krizën humanitare të krijuar prej luftës./REL

Kryeministri izraelt, Benjamin Netanyahu ka deklaruar se nuk do të ndalen inkursionet e fundit të ushtrisë izraelite në Rripin e Gazës gjatë një ceremonie shtetërore për kujtimin e “viktimave të terrorizmit” më 7 tetor.

“Ne nuk i harrojmë pengjet, as për një sekondë,” tha ai, duke premtuar se do t’i kthejë të gjithë të mbajtur në Gaza, të gjallë apo të vdekur, shkruan Al Jazeera.

Por Netanyahu theksoi se goditja e enklavës së rrethuar do të vazhdojë, pasi “vrasjet dhe mbështetësit e tyre” tani “po vuajnë zemërimin tonë në të gjithë Rripin e Gazës”.

Mediat izraelite raporton se kryeministri Benjamin Netanyahu ka frikë se Gjykata Ndërkombëtare Penale (ICC) mund të lëshojë menjëherë një urdhër arresti kundër tij, zyrtarëve të lartë izraelitë dhe luftëtarëve në ushtrinë izraelite.

“Ndonëse vendimet e marra nga gjykata në Hagë nuk do të ndikojnë në veprimet e Izraelit, ato do të krijojnë një precedent të rrezikshëm që kërcënon ushtarët dhe figurat publike”, tha kryeministri izraelit në një deklaratë.

Një nga mediat kryesore të lajmeve televizive të Izraelit, Channel 12, raportoi në fillim të këtij muaji se Izraeli ishte gjithnjë e më i shqetësuar nga mundësia që GJNP-ja të lëshonte urdhër-arreste kundër Netanyahut dhe zyrtarëve të tjerë të lartë për shkelje të ligjit ndërkombëtar me situatën në Gaza.

Raporti thoshte se Zyra e Kryeministrit mbajti një “diskutim urgjent” për këtë çështje.

Izraeli nuk është anëtar i gjykatës, me seli në Hagë, dhe nuk e njeh juridiksionin e saj, por territoret palestineze u pranuan si shtet anëtar në vitin 2015.

Kryeprokurori i ICC-së Karim Khan tha në tetor se gjykata kishte juridiksion mbi çdo krim të mundshëm lufte të kryer nga luftëtarët e Hamasit në Izrael dhe nga izraelitët në Rripin e Gazës.

Kryeministri izraelit Benjamin Netanyahu, është shprehur i bindur se lufta do të vazhdojë dhe se nuk do të dorëzohet përballë asnjë presioni. Gjithashtu kryeministri ka paralajmëruar Hezbollahun dhe Iranin.about:blank

“Ne do të godasim Hezbollahun. Nëse ata zgjasin luftën, do të pësojnë goditje që as nuk i imagjinojnë. E njëjta gjë vlen edhe për Iranin”, ka thënë ai.

Netanyahu gjithashtu përsëriti thirrjen se është e domosdoshme që Irani të ndaloje aktivitetin me armët bërthamore.