Një 27-vjeçar është arrestuar nga Policia e Tiranës me akuzën e ngacmimit seksual. Në pranga u vu shtetasi Marash Gjoklaj 27 vjeç, banues në Tiranë.about:blank

I arrestuari ishte dënuar më parë me 4 vjet burgim, për marrëdhënie seksuale me dhunë me të rritura dhe aktualisht ishte liruar me kusht.

“Specialistët për Hetimin e Krimeve të Komisariatit të Policisë Nr. 4, pas njoftimit të marrë se një biznes në njësinë administrative nr. 8, një shtetas kishte ngacmuar seksualisht një 19-vjeçare, kanë organizuar menjëherë punën për identifikimin dhe kapjen e autorit dhe vënien e tij para përgjegjësisë ligjore. Falë veprimeve të shpejta profesionale u bë i mundur identifikimi dhe vënia në pranga e autorit të dyshuar, shtetasit Marash Gjoklaj, 27 vjeç, banues në Tiranë. Ky shtetas, mbrëmjen e djeshme, ka ngacmuar seksualisht një 19-vjeçare, në ambientet e punës së saj”, bëri me dije policia.

Gjithashtu, po ditën e djeshme, i arrestuari dyshohet se ka kanosur me mjet prerës thikë, një 20-vjeçare, në Rrugën e Dibrës.

Nga verifikimet e kryera ka rezultuar se i arrestuari ka qenë i dënuar më parë me 4 vjet burgim, për marrëdhënie seksuale me dhunë me të rritura, dhe aktualisht është i liruar me kusht.

41-vjeçari me iniciale K. N., ka rënë në prangat e bluve të Elbasanit pasi dyshohet si autor i një përdhunimi ndaj fshinjes së saj 22-vjeçare.

Uniformat blu bëjnë me dije se në pranga ka rënë shtetasi me iniciale K. N.

DVP Elbasan/Vihet në pranga 1 shtetas dhe procedohen në gjendje të lirë 5 të tjerë, për vepra të ndryshme penale.

Specialistët për Hetimin e Krimeve të Komisariatit të Policisë Elbasan arrestuan shtetasin K. N., 41 vjeç, banues në Elbasan, pasi në këtë Komisariat, ka kallëzuar një shtetase 22 vjeçe, se shtetasi K. N. (fqinj), e ka ngacmuar seksualisht, në banesën e saj.

Po nga keta specialistë u referuan materialet në Prokurori ku nisi procedimi në gjendje të lirë për shtetasin M. T., banues në fshatin Bradashesh, pasi dyshohet se ka ndezur zjarr në pronën e tij, për të djegur disa mbetje, dhe si pasojë e përhapjes së flakëve është djegur një sipërfaqe kullote, në pronësi të një shtetasi tjetër.about:blank

Specialistët për Hetimin e Krimeve Ekonomike dhe Financiare referuan materialet në Prokurori ku nisi procedimi në gjendje të lirë për shtetasen M. T., 41 vjeçe, pasi nuk i ka paguar kontributet e sigurimeve shoqërore për 4 muaj, si dhe nuk i ka dhënë pagën për një muaj, një shtetaseje të punësuar në subjektin e saj (rrobaqepësi).

Specialistët për Hetimin e Krimeve Kibernetike referuan materialet në Prokurori ku nisi procedimi në gjendje të lirë ndaj shtetases E. E., 26 vjeçe, pasi nëpërmjet rrjeteve sociale ka fyer një 26-vjeçar.about:blank

Specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi në gjendje të lirë për shtetasin I. C., 37 vjeç, banues në fshatin Farret, Prrenjas, pasi është konstatuar nga inspektorët e pyjeve, duke prerë disa pemë ahu, pa leje, për të hapur një rrugë në pyllin e këtij fshati.

Po nga këta specialistë u referuan materialet në Prokurori ku nisi procedimi në gjendje të lirë për shtetasin F. M., 44 vjeç, pasi në fshatin Kotodesh, ka ushtruar dhunë ndaj vjehrrit të tij.about:blank

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.