Ministri i Mbrojtjes, Niko Peleshi është thirrur sot në SPAK.

Peleshi u paraqit në orën 10: 00 në zyrat e Prokurorisë së Posaçme dhe vijon të qëndrojë aty.

Mësohet se Peleshi është thirrur në lidhje me hetimin për inceneratorët, marrëdhëniet me Klodian Zoton dhe për procedurën e matësave të ujit kur ka qenë në bashkinë e Korçës.

Peleshi ka qene kryetar i Bashkisë Korçë në periudhën 2007-2013.

Më herët, ai është përballur me institucionet e drejtësisë, lidhur me skandalin e ‘Silicon Mix’, në kohën kur ka qenë ministër i Bujqësisë.

40 efektivë të Batalionit të tretë të Këmbësorisë nga Forca Tokësore janë angazhuar sot për shuarjen e zjarrit masiv në Porto Palermo.

Ministri i Mbrojtjes Niko Peleshi bëri të ditur se mbrëmjen e djeshme u ndërhy edhe me helikopterin Cougar, i cili është rikthyer edhe sot në mëngjes në zonë.

“Puna është e vështirë për shkak të terrenit, ku është përhapur zjarri. Përpara ligjit çdokush që ndez zjarre, çdokush që nuk njofton dhe padashje apo me dashje bëhet bashkëpunëtor. Do bëjmë të pamundurën për të ruajtur pasurinë tonë kombëtare”, u shpreh ministri.

Në të gjithë vendin, strukturat e Policisë janë në terren duke bashkëpunuar me qytetarët, pushtetin vendor, emergjencat civile dhe agjencitë e zbatimit të ligjit, për të bërë të mundur identifikimin, kapjen dhe arrestimin e autorëve të zjarrvënieve në pyje e kullota.