Vallë cila je ti moj grua?

Moj e futura si kamë në historinë e jetës sime!

Moj e bukura si sytë e lepurit!
Moj e buta si pushi i pjeshkës!
Moj e brishta si degë jasemini!
Moj e pastra si gushore fëmijësh!
Moj e mahnitshme si fjalët…
dil nga fletët e fletoreve,
nga çarçafët e shtratit tim.
Hiqmu nga filxhanët e kafesë,
nga lugët e sheqerit, dil…
Dilmë nga kopsat e këmishës,
nga të palosurat e shamisë së dorës.
Nga furça ime e dhëmbëve,
nga shkuma e sapunit në fytyrë…
Dil nga të gjitha gjërat e mia të vogla
që të mundem të dal për në punë 

Nizar Qabbani

Jeto I Lumtur.al

Në qoftë se do të kaloje kah rruga ku kalonim së bashku… jepi, buzëqesh! Më ço përmes hënës fjalë të bukura. Rrëfeji hënës rreth meje, rreth dëshirave tona dhe nostalgjisë. Rrëfeji rreth historive të ngjara mes nesh asobote. Sepse kujtimet janë miq, që flenë tek unë çdo natë. Rrëfeji asaj… rrëfeji rreth filxhanit të kafesë sonë dhe rreth shitësit të lëmekur të luleve. dhe rreth aromës së lagjes sonë dhe stacionit të mallkuar të autobusit, ku u ndamë dhe ku në çdo autobus gjeje nga një dhuratë. Derisa lamtumira të vijojë dhe fjalë të vjedhësh nga buzët e mia. Dhe kur ngjitesh me një buzëqeshje, më jep lamtumirën dhe kërkon qerpikun e fundit të syrit tim. Rrëfeji për shiun dhe aromën e dëlirë të tokës Rrëfeji për universitetin tonë dhe lëndët studimore Rrëfeji! Rrëfeji për ëndrrat tona, se si ato qenë si një kasolle e varfër, e mobiluar me kënaqësi dhe lumturi të praruar.. rrëfeji! Rrëfeji, pa asnjë druajtje, se je përmalluar fort për të ndërruar dy fjalë me mua. Se je përmalluar për të prekur, pa asnjë arsye, dorën time. Rrëfeji që je përmalluar të ulemi së toku në buzë të rrugës. Një ulje, ashtu, të trallisur. që e mbushim me të qeshura, lojëra fjalësh dhe lëvizje të vetvetishme Rrëfeji për zënkat tona dhe problemet e vogla, që gjithmonë përmbylleshin me një buzëqeshje zanash. Rrëfeji se të kisha kërkuar që të më dhuroje një puthje, kurse ti më shmange me një formë të marrosur.. rrëfeji! Rrëfeji se ti je duke pritur rikthimin tim çmendurisht dhuratën për të më dhënë.

NIZAR QABBANI

Jeto I Lumtur.al

Më mëso si të vdes nga malli si lule jasemini Më mëso si u bë heshtja gjuha e ashikëve Më mëso, se unë para teje jam nxënës dhe kam vite i tërhequr nga dashuria

Ma mëso alfabetin e ashkut linjat e pëllëmbës, gjuhën e syve, të buzës dhe të gjirit të trishtë Më mëso si është dashuria e ndjenja në librat e fallxhorëve

Më mëso si vdes poezia në pragportat e sulltanëve Më mëso si ringjallet një popull mes dyzeth ajdutësh Më mëso si bëhen gratë robëresha, kurse çmimi i vrasjes çmim me virgjëresha

Më mëso o popull si na sundon një kurv bir kurvi një përdhunues aromash Më mëso o popull injorance Si ndodh që vdekja në krevat Bëhet ëndërr që na tundon të tanve.

Nizar Qabbani

Jeto I Lumtur.al