Një 80-vjeçar është gjetur i vetëm në lagjen “1 Maji” në Fier. Sipas policisë, i moshuari deklaron se nuk mban mend as emrin dhe adresën se ku jeton.

Njoftimi i policisë:

Në ambientet e Komisariatit të Policisë Fier, ndodhet një shtetas që nuk mban mend emrin e tij dhe as adresën e banimit. Ky shtetas është gjetur i vetëm, në lagjen “1 Maji”, Fier, gjatë patrullimit nga shërbimet e Patrullës së Përgjithshme.

Shtetasi është rreth 80 vjeç, rreth 165 cm dhe mban të veshura, një xhiboks blu dhe pantallona ngjyrë kafe.
Familjarët ose të njohurit e këtij shtetasi, mund të paraqiten në ambientet e Komisariatit të Policisë Fier ose të telefonojnë në numrat 112 / 0694110223

Një 37- vjeçar ka rënë në prangat e policisë pasi ka ngacmuar seksualisht katër nxënëse brenda perimetrit të gjimnazit. Bëhet fjalë për një ngjarje të ndodhur në Lushnjë ku 4 vajza nga 15-vjeçe, u ngacmuan seksualisht nga personi me inicialet B.B., banues në fshatin Rrapëz.about:blank

Njoftimi i policisë:

Në vijim të masave të ndërmarra për të parandaluar depërtimin e fenomeneve kriminale, në shkolla, si dhe i bashkëpunimit me të gjitha hallkat e zinxhirit të sigurisë në këto ambiente dhe përreth tyre, shërbimet e Komisariatit të Policisë Lushnjë janë njoftuar se 4 nxënëse të një gjimnazi (secila 15 vjeçe), janë ngacmuar seksualisht, nga i njëjti shtetas, brenda perimetrit të sigurisë të këtij institucioni.

Shërbimet e Policisë kanë kapur dhe vënë në pranga autorin e dyshuar, shtetasin B. B., 37 vjeç, banues në fshatin Rrapëz, për veprën penale “Ngacmimi seksual”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.