Ambientet e hotelit “BLUE SKY” në qytetin e Sarandës janë bastisur nga efektivë të Policisë së Shtetit, të urdhëruar nga Prokuroria e qytetit, pas atentatit të ndodhur dy mbrëmjen e të shtunës ku humbi jetën Isuf Jaçaj.

58 vjeçari që për shumë vite kishte punuar si guidier për turistët vendas dhe të huaj në Sarandë, duke u çuar në gjiret e mrekullueshme të jugut me stafin e tij. Në qytetin bregdetar e njihnin si “Bushi” ndërkohë që vrasja me shpërthim të telekomanduar dyshohet se është për hakmarrje.

Grupi hetimor i ngritur nën drejtimin e Prokurorisë së Sarandës dyshon se “fijet” e atentatit që tronditi qytetin dy ditë më parë janë në hotelin në pronësi të shtetasit Kristo Qirici.

Pronari i hotel “BLUE SKY” është vëllai i biznesmenit të ndjerë Edmond Papa, i cili është vrarë pak vite më parë në Tiranë si pasojë e një sage të përgjakshme hakmarrje mes fiseve Sadikaj dhe Papa.

Dy nipat e Kristo Qiricit, janë shoqëruar dhe marrë në pyetje gjatë ditës së djeshme, por pas disa orësh janë lënë të lirë. Po ashtu, janë shoqëruar edhe persona të lidhur me shtetasin Ervis Lami, i njohur si bashkëpunëtori kryesor i Kristo Qiricit.

Pista kryesore që po hetohet në Sarandë është pikërisht hakmarrja, por nuk dihet nëse bëhet fjalë për ngjarjen ku është përfshirë djali i viktimës Isuf Jaçaj, shtetasi i izoluar aktualisht në qeli Klaus Jaçaj, apo konflikti ka marrë përmasa më të gjera dhe në të janë përfshirë persona të tjerë.

Më 17 korrik, në qytetin e Sarandës dy të rinj u plagosën me armë zjarri nga Ramadan Zoto allias Canaj, 43 vjeç, pas një konflikti për një tokë në bregdet. Zoto qëlloi me armë dy të rinjtë nga Kamza, Gëzim Hajdaraj dhe Ernest Lami. Ishte Klaus Jaçaj, ai i cili e ndihmoi Zoton të largohej nga vendi i ngjarjes.

Klaus Jaçaj u arrestua vetëm 1 javë pas ngjarjes, ndërsa vetë Ramadon Zoto ra në pranga më datë 22 gusht në qytetin e Korçës.

Dy ditë para arrestimit, Klaus Jaçaj iu hodh mjeti në erë më tritol. Makina ndodhej e parkuar po në lagjen numër 3, ku dy ditë më parë i vranë babanë, por 31 vjeçari nuk ishte në makinë. Shpërthimi i 22 korrikut mbeti një ngjarje e pazbardhur, ndërsa këtë fundjavë po me tritol i vranë babanë.

Ndërron jetë gazetari i njohur Artur Zheji.

Ai ishte duke drekuar me bashkëshorten dhe djalin në një restorant në rrugën “Butrinti”, kur dyshohet se ka pësuar një arrest kardiak.

Zheji u transportua me urgjencë me autoambulancë drejt spitalit “Petro Nako” në Sarandë, por fatkeqësisht mbërriti atje i pa jetë.

Një efektiv policie është arrestuar në Tropojë pasi u kap duke transportuar rreth 1000 litra naftë kontrabandë.

Polici Fatbardh Kuçana, me detyrë në patrullën e Komisariatit të Tropojës, në zonën e Qafë Morinës. Ai po udhëtonte me një automjet tip “Volksëagen” me rimorkio, ku kishte të ngarkuar një depozitë me naftë.

Sipas AMP-së, efektivi nuk iu bind urdhrave të kolegëve për të ndaluar në pikën e kontrollit dhe vijoi lëvizjen pa kaluar në verifikim. Pas peshimit të ngarkesës, u konstatua se bëhej fjalë për rreth 840 kilogramë karburant, që i korrespondojnë afro 1000 litra naftë.

Kuçana u arrestua në flagrancë dhe ndaj tij janë ngritur akuzat për “Kontrabandë me mallra për të cilat paguhet akcizë” dhe “Mosbindje ndaj urdhrit të punonjësit të policisë”.

Vettingu i KPA-së rikthen në detyrë gjyqtarin e shkarkuar të Gjykatës Administrative të Vlorës, Bevis Shehaj dhe prish në këtë mënyrë vendimin e shkallës së parë të KPK-së, i marrë tre vite më parë.

Pas shqyrtimit të ankimimit të depozituar nga magjistrati që nga muaji Shtator i vitit 2022, trupa gjykuese me Mimoza Tasin si kryesuese, vendosi sot (3 Shkurt), që të merrte parasysh argumentet e Shehajt dhe të rrëzonte shkallën e parë, që e kishte përjashtuar me 15 vite nga sistemi i drejtësisë.

Kolegji i Posaçëm i Apelimit njoftoi lënien në fuqi të vendimit të shkarkimit për ish-gjyqtarin Desart Avdulaj. “Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi: – Lënien në fuqi të vendimit nr. 391, datë 26.05.2021 të Komisionit të Pavarur të Kualifikimit, që i përket subjektit të rivlerësimit Desart Avdulaj”, thuhet në njoftimin për shtyp të KPA.

Çështja e Avdulaj u shqyrtua nga një trupë e përbërë nga Ina Rama kryesuese, Sokol Çomo relator, Albana Shtylla, Natasha Mulaj, Rezarta Schuetz anëtare.

Avdulaj u shkarkua fillimisht nga Komisioni i Pavarur i Kualifikimit pasi u gjet me probleme të pasurisë. Ai e ankimoi çështjen në Kolegj, por ky i fundit e gjeti të drejtë vendimin e KPK-së.

Kolegji i Posaçëm i Apelimi, KPA shpalli të mërkurën më 20 nëntor vendimin për lënien në fuqi të shkarkimi nga detyra të prokurorit të Lushnjës, Artan Hazbi.

Vendimi u mor në mënyrë unanime nga trupi gjykues i Kolegjit i kryesuar nga Rezarta Schuetz, me relator Sokol Çomon dhe anëtare Albana Shtylla, Mimoza Tasi dhe Natasha Mulaj, pas shqyrtimit në dhomë këshillimi të vendimmarrjes së Komisionit të Pavarur të Kualifikimit, KPK për largimin e tij nga detyra.

Artan Hazbi u shkarkua prej KPK më 26 prill 2021, pasi u gjet probleme në kriterin e pasurisë dhe se kishte cënuar besimin e publikut duke vepruar si biznesmen.

Vladimir Shklyarov, artist i njohur botërisht i baletit rus, ka vdekur të shtunë mbrëma pas rënies nga kati i pestë i një ndërtese.

Ai ishte 39 vjeç. Vdekja e tij u konfirmua nga Teatri Mariinsky në Shën Petersburg, ku Shklyarov ishte balerini i parë.

“Kjo është një humbje e madhe për stafin tonë në Mariinsky,” thuhej në komunikatën e teatrit të njohur të baletit, ku shtohej se paraprakisht ngjarja konsiderohet si një aksident.

Një burim i policisë, pa dhënë shumë detaje tha për agjencinë vendase RIA Novosti: “Ai vdiq një vdekje natyrale, nuk ishte një krim”.

Shklyarov vdiq dy ditë para se të kryente një ndërhyrje serioze kirurgjikalë në shtyllën kurrizore, për të cilën merrte qetësues prej kohës, njoftonin mediat ruse.

Diana Vishneva, balerina kryesore e Mariinsky, tha se vdekja e Shklyarov është një tragjedi për botën e baletit.

“A ishte aq i dashur nga audiencat. Ishte partneri më i preferuar për shumë balerina në botë”, shkruan Vishneva në homazhin në rrjetet sociale”.

I lindur në Shën Petersburg, Shklyarov studioi në akademinë prestigjoze të baletit Vaganova dhe u diplomua në 2003. Po atë vit ai u bashku me Teatrin Mariinsky të cilin e e drejton prej vitit 2011.

Në karrierën prej më shumë se dy dekada Shklyarov ka interpretuar në produksione si “Liqeni i mjellmave,” “Bukuroshja e fjetur,” “Romeo e Xhulieta” apo “Don Kishoti”, përveç përfomancave të tjera në salla në Londër ose New York.

Shklyarov le pas bashkëshorten Maria Shirinkina, gjithashtu kërcimtare në Mariinsky, dhe një djalë e një vajzë që ka me të, shkruan rrjeti CNN.

Nga Naim Lapardhaja

Marrëdhënia e politikës me botën e krimit nuk është e re në Shqipëri. Pavarësisht përpjekjeve në të kaluarën, shpeshherë politika është joshur nga bota e krimit, për shkak të konceptit që ekziston në këtë vend për të mbajtur me çdo kusht pushtetin dhe kontigjentet kriminale janë parë për shumë kohë si hambar votash.

Është fakt i pamohueshëm se me ardhjen e Edi Ramës në pushtet, krimi i organizuar kaloi në një stad tjetër, duke pasur përfaqësitë e tij në Parlamentin e Shqipërisë dhe në pushtet lokal.
Personazhe me të shkuar të errët kriminale arritën të futen në Kuvend dhe të paraqiten si ligjvënës.
Meritë e kësaj gjëje është vetëm e Edi Ramës dhe e Partisë Socialiste.

Ndonëse ligji i dekriminalizimit dhe tashmë Prokuroria e Posaçme kanë çmontuar sa mundësi kanë pasur duke çrrënjosur këto lidhje, sërish është e vështirë për t’i shkëputur totalisht ato.
Kjo, mbi të gjitha, për vetë kontekstin në të cilin është sot vendi dhe një tradite të gjatë, e cila nuk mund të shkëputet në pak kohë.

Nga përfaqësia e drejtpërdrejtë, krimi e ka rikonceptuar qasjen politike, duke ia kaluar stafetën vajzave, djemëve apo njerëzve të tyre, ndërsa vetë qëndrojnë në prapavijë, ku përfitojnë tendera, punë publike apo bëhen investitorë strategjikë, si pasojë e presionit të vazhdueshëm dhe marrëdhënies që kanë me vetë shefin e qeverisë, Edi Rama.

Sigurisht njerëzit në të githë Shqipërinë i dinë këto lidhje, por, për shkak të vendit të vogël, marrëdhënieve të përditshme dhe frikës së madhe që ekziston, ata janë të dorëzuar totalisht përpara botës së errët të krimit.

Është e qartë se krimi nuk mund të luftohet as me marshimi as me protesta, por duhet një vullnet i madh për të çrrënjosur lidhjet me botën kriminale, duke hartuar një strategji dhe program të qartë politik për shkëputjet e këtyre lidhjeve.

Së fundmi, ndonëse jo në të njëjtat përmasa me pushtetin, Edi Ramën dhe PS-në, në nisjen e “Foltores” nga Sali Berisha, në qytete të ndryshme të Shqipërisë u panë njerëz të afërt të tij, ish-drejtues të lartë të policisë së shtetit, të cilët së bashku me kontigjent nga bota kriminale që bashkëpunojnë në përditshmëri me pushtetin e PS-së, të merreshin me organizimin dhe përgatitjet e takimeve të “Foltores” në atë kohë.

Ky është një fakt i pamohueshëm dhe një kambanë alarmi se si krimi shpeshherë ndryshon ngjyrë, duke parë te interesat e ngushta prej së cilave mund të përfitojë.

Prandaj vetëm një vullnet i fortë politik, një ndarje kirurgjikale me botën e errët të krimit dhe një politik që në qendër vendos interesat e njerëzve dhe jo të klientëve të saj, është zgjidhja përfundimtare për t’i dhënë politikës rolin dhe funksionin e saj, duke e ndarë një herë e përgjithmonë nga lidhjet e dyshimta dhe kriminale.

Studiuesi Sadik Bejko, i ftuar në emisionin Kjo javë komentoi krijimin e shtetit të Urdhrit Bektashi.

Bejko tha se për këtë shtet duhej që të përgatitej opinioni publik. Ai tha se Shteti Bektashi nuk mund të krahasohet me Vatikanin, pasi Vatikani ka një traditë të vjetër e shekullore.

Studiuesi Sadik Bejko: Kjo ide e shtetit bektashi trazoi shumë ujëra. Opinioni publik u zu në befasi. Duhej të përgatitej opinioni publik. Edhe intelektualët u zunë të befasuar. Ideja e një shteti bektashi u shfaq në një media prestigjioze si NYT, ku është e vështirë të kesh një artikull e jo më faqen e parë. Edhe presidentët amerikanë, kur shpallin një vendim të rëndësishëm si prsh shpallje lufte, përgatisin opinionin.

Ne nuk jemi shtet i konsoliduar. Një klerik që del nga selia e tij dhe hyn në politikë, ai ka humbur vendin e vet. Nëse krahasojmë me Vatikanin, ata kanë një histori, kanë një traditë. Vatikani ka strukturat e tij diplomatike, ka shërbimet sekrete, por ka traditë shekullore mijëra vjeçare, nuk mund të krahasohesh me Vatikanin.

Reperi Rigels Rajku, i njohur ndryshe si Noizy, është shpallur në kërkim nga policia e Kosovës. Ai akuzohet se ka ushtruar dhunë ndaj personazhit të “TikTok”, Medi Iseni, në një klub nate në Pejë mëngjesin e 2 gushtit. Më herët është bërë e ditur se ndaj Noizy-t është lëshuar fletë arresti dhe uniformat blu po bëjnë kërkime për vendosjen e tij në pranga.

Ka dyshime se reperi shqiptar ndodhet ende në Kosovë dhe madje ka performuar në një klub nate. Operacioni për kërkimin e Noizyt është duke u realizuar me urdhër të Prokurorisë në Pejë. Zëdhënësi i Prokurorisë në Pejë, Shkodran Nikçi, ka apeluar për bashkëpunim: “I njëjti nuk është paraqitur në stacionin policor për intervistim. I bëjmë apel këngëtarit që të paraqitet tek organet kompetente”.