Në qarkun e Tiranës janë numëruar 1281 qendra votimi nga 1282 gjithsej si dhe 28364 zarfe të diasporës nga 42384 në total.

Sipas shifrave zyrtare të raportuara nga Komisioni Qendror i Zgjedhjeve, PS-ja kryeson 207924 me vota, duke blinduar 19 mandate. Ndërsa demokratët me 150998 votat e marra deri tani kanë 13 mandate.

Partia Mundësia ka marrë mandatin e dytë, teksa ka grumbulluar 21682 vota.

Ndërkohë që në Parlament futet edhe Lëvizja Bashkë e Arlind Qorit, PSD-ja dhe koalicioni i Adriatik Lapajt.

Janë numëruar 5034 kuti votimi nga 5225 në total për zgjedhjet e së dielës që lamë pas. Numërimi vijon ende në 6 qarqe të vendit, ndërsa procesi është mbyllur në 6 të tjera.

Partia Socialiste e Shqipërisë është forca politike fituese me një shumicë të qartë, duke grumbulluar 727,155 vota, ose 52.2%, duke u renditur e para në shkallë kombëtare.

Koalicioni PD-ASHM vjen i dyti me 477,405 vota, ose 34.2%, ndërsa Koalicioni Nisma Shqipëria Bëhet arrin të sigurojë vendin e tretë me 51,348 vota.

Më pas vjen Partia Socialdemokrate me 46,703 vota dhe partia Mundësia me 41,698 vota, ndërsa Lëvizja Bashkë 20,045 vota.

Rezultatet sipas partive pjesëmarrese në zgjedhje:

Partia Socialiste e Shqipërisë (PS) – 727,155 vota – 52.2%

Koalicioni Partia Demokratike – Aleanca për Shqipërinë Madhështore (PD-ASHM) – 477,405 vota – 34.2%

Koalicioni Nisma Shqipëria Bëhet (NISMA-SHB) – 51,348 vota – 3.7%

Partia Socialdemokrate (PSD) – 46,703 vota – 3.4%

Partia Mundësia – 41,698 vota – 3.0%

Lëvizja Bashkë – 20,045 vota – 1.4%

Partia Koalicioni Euroatlantik (KEA) – 18,458 vota – 1.3%

Koalicioni Djathtas për Zhvillim (DZH) – 5,390 vota – 0.4%

Partia Aleanca Kombëtare Shqiptare (AKSH) – 2,874 vota – 0.2%

Lëvizja Atdheu (LA) – 2,037 vota – 0.1%

Partia Aleanca Demokracia e Re (ADR) – 1,001 vota – 0.1%

Ka përfunduar numërimi i votavë në Tropojë ku PD ka fituar me 6056 vota. Pas tij, renditet PS me 2510 vota. PSD renditet forcë e tretë me 340 vota.