Lija e majmunit është një infeksion viral që shkakton puçrra me qelb dhe ka simptoma të ngjashme me gripin. Infeksioni zakonisht është i lehtë, por mund të shaktojë edhe vdekjen.

SHBA- Një zyrtar i Organizatës Botërore të Shëndetësisë tha të martën se lija e majmunit, pavarësisht nëse është lloji i ri apo i vjetër, nuk është COVID-i i ri, pasi autoritetet dinë të kontrollojnë përhapjen e tij.

“Ne mund dhe duhet ta trajtojmë këtë sëmundje së bashku”, tha Hans Kluge, drejtor i OBSH-së për Evropën, në një konferencë për shtypin.

“Pra, a do të vendosim të ngremë sisteme për të kontrolluar dhe eliminuar linë e majmunit globalisht, apo do të përballemi me një cikël tjetër paniku dhe neglizhence? Mënyra se si do të përgjigjemi tani dhe në vitet në vijim, do të jetë një provë kritike për Evropën dhe botën”, shtoi ai.

Lija e majmunit është një infeksion viral që shkakton puçrra me qelb dhe ka simptoma të ngjashme me gripin. Infeksioni zakonisht është i lehtë, por mund të shaktojë edhe vdekjen.

Varianti ‘clade 1b’ ka shkaktuar shqetësim global sepse duket se përhapet më lehtë.

Një rast i këtij varianti u konfirmua javën e kaluar në Suedi dhe u lidh me një përhapje në rritje të virusit në Afrikë, rasti i parë i përhapjes së tij jashtë kontinentit. OBSH-ja e shpalli shpërthimin e fundit të sëmundjes një emergjencë të shëndetit publik që përbën shqetësim ndërkombëtar pasi u identifikua varianti i ri.

Zoti Kluge tha se vëmendja e përqëndruar tek lloji i ri ‘clade 1’ do të ndihmojë gjithashtu në luftën kundër variantit më pak të rëndë ‘clade 2’ që është përhapur globalisht që nga viti 2022. Kjo i ka mundësuar Evropës të përmirësojë reagimin e saj përmes këshillave dhe mbikëqyrjes më të mirë shëndetësore.

Rreth 100 raste të reja të llojit ‘clade 2’ të lisë së majmunit janë raportuar çdo muaj në rajonin evropian, shtoi zoti Kluge.

Sëmundja transmetohet përmes kontaktit të ngushtë fizik, duke përfshirë marrëdhëniet seksuale. Megjithatë, ndryshe nga pandemitë e mëparshme globale si ai i COVID-it, nuk ka asnjë provë që lija e majmunit përhapet lehtësisht përmes ajrit.

Autoritetet shëndetësore duhet të jenë në gjëndje gatishmërie në rast se ka variante të reja, të cilat barten më lehtë nga një person tek tjetri ose që ndryshojnë rrugën e tyre të transmetimit, por nuk ka rekomandime që njerëzit të mbajnë maska, tha zëdhënësi i OBSH-së, Tarik Jasarevic./VOA

Organizata botërore e shëndetësisë jep alarmin edhe një herë për rezistencën ndaj antibiotikëve.

32 lloje antibiotiku janë aktualisht në fazë zhvillimi në të gjithë botën dhe vetëm 12 prej tyre mund të konsiderohen risi.

Vetëm 4 janë aktivë kundër një patogjeni “kritik” të renditur nga OBSH në listën e saj të zezë.  Infeksionet që u rezistojnë antibiotikëve shkaktojnë ccdo vit 35 mijë vdekje në Europë.

Në raportin e OBSH për armët kundër infeksioneve BPPL (Bacterial Priority Pathogens List), pra ata që konsiderohen më të rrezikshëm përvijohet një e ardhme komplekse.

Më problematike janë produktet farmaceutike për fëmijë. Rezistencë do të thotë kur bakteret,viruset,myku dhe parazitët nuk reagojnë ndaj ilaçeve duke çuar në vështirësi trajtimi e deri edhe fatalitet.

Edhe në rastet kur antibiotikët e rinj janë gati, nuk mbërrijnë në të gjitha vendet tha një zëdhënës i OBSH.

Tashmë po shqyrtohen edhe alternative të reja me agjentë biologjikë jo tradicionalë si bakterofagët,antitrupat, agjentë imunomodulues.

Ndër to bien në sy 3 produkte me bazë fekalesh, që shërbejnë për të rregulluar mikrobiomën e zorrëve, pas trajtimit me antibiotik te të rriturit.

Popullsia e Gazës është “në rrezik të madh” paralajmëroi më 27 dhjetor kreu i Organizatës Botërore të Shëndetësisë (OBSH), duke përmendur urinë akute dhe dëshpërimin e përhapur në mbarë territorin e shkatërruar nga lufta.about:blank

OBSH-ja tha se një ditë më herët ka dërguar furnizime në dy spitale – një në veri dhe një në jug – duke theksuar se 21 nga 36 spitale në Rripin e Gazës tashmë janë krejtësisht jashtë funksionit.

Shefi i OBSH-së, Adhanom Ghebreyesus, i bëri thirrje komunitetit ndërkombëtar që të ndërmarrë “hapa urgjentë për të lehtësuar rrezikun e madh me të cilin po përballet popullsia në Gazë dhe që po rrezikon aftësinë e punëtorëve humanitarë për të ndihmuar personat që kanë plagë të tmerrshme, të ndihmojnë në lehtësimin e urisë akute dhe të ulin rrezikun e sëmundjeve të rënda”.

Përmes një deklarate, OBSH-ja tha se stafi i saj të martën ka raportuar se nevoja për ushqim “vazhdon të jetë akute” në mbarë Rripin e Gazës, ndërkaq “njerëzit e uritur sërish kanë ndaluar autokolonat sot me shpresën se do të gjenin ushqime”.

“Aftësia e OBSH-së për të dërguar furnizime shëndetësore, karburante për spitalet po vështirësohet gjithnjë e më shumë për shkak të urisë dhe dëshpërimit të njerëzve që shohim rrugës për në spitale dhe në spitalet që vizitojmë”.

Lufta në Gazë nisi pasi Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – kreu sulme vdekjeprurëse në jug të Izraelit më 7 tetor, duke vrarë 1.200 persona dhe duke rrëmbyer 240 të tjerë.

Izraeli u kundërpërgjigj me luftë shkatërruese në Gazë që deri më tani ka marrë jetën e më shumë se 20.000 palestinezëve./REL

Kreu i Organizatës Botërore të Shëndetësisë ka thënë se është “plotësisht i tronditur” nga shpërthimi i raportuar jashtë spitalit Al Shifa, në qytetin e Gazës.

Në një postim në platformën ‘X’, Dr Tedros Adhanom Ghebreyesus shkruan se ka pasur si pasojë e shpërthimit ka pasur të vdekur, të lënduar, si dhe dëme materiale.

“E ritheksoj që pacientët, punonjësit shëndetësorë, objektet dhe ambulancat duhet të mbrohen në çdo kohë. Gjithmonë. Armëpushimi duhet tani!”, shkruan ai ndër të tjera në platformën ‘X’.

Më herët, ministria e shëndetësisë e drejtuar nga Hamasi tha se “50 qytetarë u vranë dhe dhjetëra të tjerë u plagosën në një sulm izraelit në hyrje të spitalit Al Shifa”.

Izraeli ka marrë përgjegjësinë ndaj sulmit, duke pretenduar se ambulancat përdoreshin nga Hamasi për të transportuar terroristë.

Në 53 vendet e Rajonit Evropian të OBSH-së, 1.4 milionë njerëz vdesin çdo vit nga shkaqe që lidhen me ndotjen dhe ndryshimet klimatike. Vetëm vitin e kaluar, rreth 20 000 njerëz vdiqën nga nxehtësia ekstreme në atë që ishte vera më e nxehtë e Evropës në histori.

“Parandalimi i mbi një milion vdekjeve çdo vit nga faktorët e rrezikut mjedisor është brenda mundësive tona, ne e dimë se çfarë të bëjmë dhe tani është koha për t’i kthyer fjalët në veprim,” tha Hans Henri P. Kluge, Drejtor Rajonal i Organizatës Botërore të Shëndetësisë për Evropën.

Raporti i ri tregon gjithashtu se në Rajonin që mbulon Evropën dhe Azinë Qendrore, në vitin 2019, rreth 570 000 vdekje i atribuohen ndotjes së ajrit dhe më shumë se 150 000 ndotjes në ambjentet e shtëpisë.. Në vitin 2020, rreth 77 milionë njerëz nuk kishin akses në ujë të pastër.

Ndërsa hapësirat e gjelbra kanë një efekt mbrojtës për shëndetin dhe mund të ulin vdekshmërinë nga shkaqe natyrore me gati 1%.

Ministrat e vendeve të takimit në Budapest pritet të miratojnë një deklaratë me një sërë veprimesh konkrete për përgatitjen e sistemeve shëndetësore për t’u përballur me ndikimin e ndryshimeve klimatike dhe për të reduktuar efektet shëndetësore të ndotjes.

Në katër fusha prioritare — cilësia e ajrit, uji dhe kanalizimi, kimikatet dhe mbetjet dhe vendet e kontaminuara — përparimi ka ngecur.

“Shëndeti  është një çështje e politikëbërjes, një çështje financimi, përparimi shkencor, përparimi teknologjik dhe se si të ndërtohet besimi mes nesh dhe si të rindërtojmë rrjetet tona të bashkëpunimit’’, theksoi Kluge.