Kreu i agjencisë mbikëqyrëse bërthamore të OKB-së sapo paralajmëroi kundër sulmeve ndaj objekteve bërthamore dhe bëri thirrje për përmbajtje maksimale ndaj sulmeve të Izraelit ndaj Iranit.

“Sulmi i armatosur ndaj impiantit bërthamor nuk duhet të ndodhë kurrë dhe mund të rezultojë në çlirime radioaktive me pasoja të mëdha brenda dhe përtej kufijve të shtetit që është sulmuar”, tha Rafael Grossi, drejtor i Agjencisë Ndërkombëtare për Energjinë Atomike.

Këshilli i Sigurimit i Kombeve të Bashkuara po diskuton për konfliktin që po përshkallëzohet në Lindjen e Mesme.

Shtetet e Bashkuara paralajmëruan Iranin nga ky takim që të mos sulmojë Shtetet e Bashkuara dhe Izraelin.

“Veprimet tona janë mbrojtëse”, deklaroi Ambasadorja amerikane në OKB, Linda Thomas-Greenfield. “Më lejoni të jem e qartë: regjimi iranian do të mbahet përgjegjës për veprimet e tij.

Paralajmërojmë seriozisht Iranin – dhe grupet e afërta me te – që të mos ndërmarrin veprime kundër Shteteve të Bashkuara, apo kundër Izraelit,” tha ajo.

Ajo tha se Këshilli i Sigurimit duhet të dënojë sulmin e Iranit dhe të vendosë “pasoja serioze” ndaj Rojës Revolucionare të Iranit për veprimet e saj.

Më shumë se 30.000 persona, shumica sirianë, janë larguar nga Libani në Siri në 72 orët e fundit, tha agjencia për refugjatë e Kombeve të Bashkuara më 27 shtator, teksa konflikti mes Izraelit dhe Hezbollahut i cili është grup militant dhe parti politike që kontrollon shumicën e Libanit jugor po intensifikohet.

Hezbollahu është shpallur organizatë terroriste nga Shtetet e Bashkuara, ndërsa Bashkimi Evropian e ka vendosur në listën e zezë krahun e tij të armatosur, por jo edhe partinë e tij politike. Partia politike e Hezbollahut ka ulëse në Parlamentin libanez.

Hamasi dhe Xhihadi Islamik Palestinez kanë shprehur “gatishmërinë për të qenë konstruktivë në mënyrë që të arrihet një marrëveshje”, përmes një deklarate të përbashkët.

Ato bëjnë me dije se e kishin dhënë përgjigjen e tyre ndaj propozimit për armëpushim të Katarit dhe Egjiptit.

Dorëzimi i përgjigjes ndërmjet ndërmjetësve të Katarit dhe Egjiptit pasoi miratimin nga Këshilli i Sigurimit i Kombeve të Bashkuara të hënën të një projekt-rezolute amerikane që synon të arrijë një marrëveshje gjithëpërfshirëse për një armëpushim trefazor për t’i dhënë fund luftës në Gaza.

Deklarata e përbashkët Hamas-Xhihad thekson se përgjigja i jep përparësi interesave të popullit palestinez dhe vë në dukje domosdoshmërinë e ndalimit të plotë të luftës së vazhdueshme në Rripin e Gazës, duke kërkuar një tërheqje të plotë të forcave izraelite nga territori.

Ministria e Jashtme e Katarit lëshoi ??një deklaratë të martën, duke konfirmuar se Katari dhe Egjipti kanë marrë një përgjigje nga Hamasi në lidhje me propozimin për armëpushim në Rripin e Gazës.

Deklarata nuk zbuloi detaje specifike të përgjigjes së Hamasit.

Me 84 vota për, kundër 19 dhe 68 abstenime, Asambleja e Përgjithshme e Kombeve të Bashkuara miratoi një rezolutë që përcakton 11 korrikun, ditë të përkujtimit të gjenocidit të vitit 1995, kur serbët e Bosnjës vranë më shumë se 8,000 myslimanë boshnjakë në Srebrenicë të Bosnjës.

Rezoluta që u miratua mes kundërshtimit të ashpër nga serbët, dënon mohimin e gjenocidit, një gjë që vazhdimisht bëhet nga zyrtarët serbë si në Bosnje ashtu edhe në Serbi.

Teksti përfundimtar i rezolutës që është hartuar nga Gjermania dhe Ruanda, dënon mohimin e gjenocidit, gjë që vazhdimisht bëhet nga zyrtarët serbë si në Bosnje ashtu edhe në Serbi.

Një sulm izraelit të shtunën goditi një automjet që transportonte vëzhgues teknikë të Kombeve të Bashkuara jashtë qytetit kufitar të Libanit jugor, Rmeish, duke plagosur disa vëzhgues. Zëdhënësi i ushtrisë izraelite Avichay Adraee mohoi se forcat izraelite goditën një automjet që i përkiste misionit paqeruajtës të OKB-së në Libanin jugor, UNIFIL. Gjithashtu nuk kishte asnjë koment të menjëhershëm nga UNIFIL apo nga misioni vëzhgues teknik i OKB-së UNTSO.

Një nga burimet e sigurisë tha se makina mbante tre vëzhgues teknikë të OKB-së dhe një përkthyes libanez. Izraeli ka shkëmbyer zjarrin me grupin e armatosur libanez Hezbollah në Libanin jugor për gati gjashtë muaj paralelisht me Luftën e Gazës. Granatimet e Izraelit të Libanit kanë vrarë afro 270 luftëtarë të Hezbollahut, por gjithashtu kanë vrarë rreth 50 civilë duke përfshirë fëmijë, mjekë dhe gazetarë dhe kanë goditur UNIFIL dhe ushtrinë libaneze.

Në nëntor, UNIFIL tha se një nga patrullat e saj u godit nga të shtënat izraelite në Libanin jugor, pa lënë viktima. UNIFIL muajin e kaluar tha se ushtria izraelite shkeli ligjin ndërkombëtar duke qëlluar mbi një grup gazetarësh qartësisht të identifikueshëm, duke vrarë një gazetar të Reuters.

Këshilli i Sigurimit i Kombeve të Bashkuara pritet të votojë një rezolutë përmes së cilës do të dënohen dhe do të kërkohet ndalimi i menjëhershëm i sulmeve nga rebelët jemenas, Huthi, ndaj anijeve tregtare në Detin e Kuq.about:blank

Në draft-rezolutën, të përpiluar nga Shtetet e Bashkuara, të cilën e ka parë Associated Press, thuhet se dhjetëra sulme të kryera nga rebelët Huthi po pengojnë tregtinë globale “dhe po minojnë të drejtat dhe liritë për lëvizje, por edhe paqen dhe sigurinë rajonale”.

Zëvendësambasadori amerikan, Robert Wood, u tha gazetarëve më 10 janar se rezoluta e propozuar dërgon mesazhin se sulmet ndaj anijeve komerciale janë të papranueshme dhe duhet të ndalen.

“Shpresojmë që rezoluta të miratohet”, tha ai. “Nuk e di se si një anëtar i Këshillit të Sigurimit do të votojë”.

Wood iu referua Rusisë, e cila javën e kaluar ka ngritur pyetje lidhur me ndikimin e rezolutës mbi përpjekjet për paqe në Jemen dhe në përhapjen e konfliktit mes Izraelit dhe Hamasit – grupit palestinez të shpallur organizatë terroriste nga SHBA-ja dhe Bashkimi Evropian. Moska mund të abstenojë ose të vendosë veto ndaj rezolutës.

Kush janë rebelët Huthi dhe pse po i sulmojnë anijet në Detin e Kuq?

Rebelët Huthi, që mbështeten nga Irani, janë të përfshirë në luftën civile në Jemen dhe që nga viti 2014 luftojnë kundër Qeverisë që njihet ndërkombëtarisht. Ata kanë thënë se kryejnë sulme në Detin e Kuq me qëllim që Izraeli t’i japë fund ofensivës shkatërruese nga ajri dhe toka në Rripin e Gazës.about:blank

Lufta e fundit mes Izraelit dhe Hamasit nisi më 7 tetor, pasi radikalët palestinezë sulmuan jugun e Izraelit duke vrarë 1.200 persona dhe marrë peng 240 të tjerë. Izraeli u kundërpërgjigj me sulme ajrore, tokësore dhe detare që kanë lënë të vdekur mbi 23.000 palestinezë në Rripin e Gazës.

Në draft-rezolutë po ashtu kërkohet lirimi i menjëhershëm i anijes së parë që u sulmua nga Huthit, Galaxy Leader, që operohet nga japonezët. Kjo anije ishte e lidhur me një kompani izraelite dhe ajo së bashku me ekuipazhin u mor nën kontroll nga rebelët më 19 nëntor 2023.about:blank

Deti i Kuq lidh Lindjen e Mesme dhe Azinë me Evropën përmes Kanalit të Suezit. Pothuajse 10 për qind e gjithë tregtisë së naftës – që vlerësohet se kap shifrën e 1 trilion dollarëve – kalon përmes kësaj rruge brenda vitit.

Por, sulmet e rebelëve Huthi kanë detyruar shumë kompani transportuese të mallrave që ta shmangin këtë rrugë dhe të përdorin rrugë më të gjata dhe më të kushtueshme.about:blank

SHBA-ja po udhëheq një koalicion të shteteve që po patrullojnë në Detin e Kuq për të parandaluar sulmet./ REL

Një zyrtar i lartë i ndihmës së OKB-së ka paralajmëruar se gjysma e popullsisë së Gazës po vdes nga uria, ndërsa luftimet në Lindjen e Mesme vazhdojnë.

Carl Skau, zëvendësdrejtor i Programit Botëror të Ushqimit të OKB-së, tha se vetëm një pjesë e furnizimeve të nevojshme kanë mundur të hyjnë në Rripin e Gazës dhe 9 nga 10 persona nuk mund të hanë çdo ditë.

Kushtet në Gaza i kanë bërë dërgesat e ndihmës “pothuajse të pamundura”, tha Skau. Izraeli nga ana tjetër thekson se duhet të vazhdojë sulmet ajrore në Gaza për të eliminuar Hamasin dhe për të sjellë pengjet izraelitë në shtëpi.

Zëdhënësi i Forcave të Mbrojtjes të Izraelit, nënkoloneli Richard Hecht tha për BBC se “çdo vdekje për një civil është e dhimbshme, por nuk ka alternativë”