Kryetari i Partisë Demokratike, Sali Berisha përcolli sot mesazhe urimi për Pashkën edhe nga Kisha Ortodokse Autoqefale.

Berisha tha ndër të tjera se qeveria u përpoq ta fshijë opozitën, por kjo e fundit sipas tij u ringjall. 

Ringjallja në një farë mënyre të duket se ka një djep edhe në Shqipëri.

Ringjallja e Krishtit është ngjarja më e madhe në historinë e qytetërimit perëndimor. Por edhe ringjallja e besimeve fetare nga këta burra të përkushtuar pafundësisht që i ngritën ato nga shkrumbi, nga hiri i diktaturës dhe i shndërruan sot në institucione të dashura, të respektuara, të fuqishme që japin një ndihmesë shumë të madhe, si në mësimet e shenjta ashtu dhe në shkollimin, në ndihmën e atyre që janë më në nevojë.

Një ndihmë të pazëvendësueshme. Kështu që, në një mënyrë, historia e tyre është historia e ringjalljes. Pra, është dëshmi e pavdekësisë.

Në fakt e ka një analogji edhe me opozitën shqiptare. U përpoqën ta fshijnë nga faqja e dheut, u ringjall, u ringjall dhe sot është me e fuqishme se kurrë, që të përzejë antikrishtin nga trojet shqiptare”, tha Berisha.

21:00 në tubimin që kreu i PD, Sali Berisha njoftoi menjëherë pas vendimit të qeverisë për mbylljen e këtij rrjeti social.

Sipas shkresës dorëzuar në Drejtorinë Vendore të Policisë Tiranë, PD ka njoftuar se qytetarët do të mblidhen në bulevardin “Dëshmorët e Kombit”, para godinës së kryeministrisë.

Ndërkohë policia ka bërë gati edhe planin e masave për mbarëvajtjen e kësaj proteste, ku do të bllokohen të gjitha rrugët që lidhen me bulevardin “Dëshmorët e Kombit”, si dhe do të ketë devijime në disa prej tyre.

Në terren do të jenë rreth 1 200 efektivë. Në gatishmëri do të jenë edhe forcat RENEA, nëse do të duhet ndërhyrja e tyre. Ndërsa punonjës të Gardës së Republikës do të marrin në ruajtje institucionet e rëndësisë veçantë.

Berisha bën thirrje për pjesëmarrje në protestë

Kreu i PD-së, Sali Berisha ftoi sot qytetarët qe te marrin pjese në protestën e nesërme kundër mbylljes së TikTok. Berisha shprehet se mbyllja e aplikacionit është një akt censure nga qeveria.

“Nesër është një ditë ku ne të protestojmë që të gjithë për fjalën e lirë. Të protestojmë kundër censurës. Të protestojmë kundër një qeverie të korruptuar që kërkon të kontrollojë informacionin që marrin qytetarët. Në dekadat e mia në diktaturë, gjëja që urreja më shumë ishte censura, fondet rezervë të bibliotekave, të cilat mund të shfrytëzoheshin vetëm me autorizime speciale, se përndryshe nuk i prekje dot me dorë. Kurse Edi Rama tejkaloi edhe këtë dhe censuron TikTokun, mjetin aktualisht më modern të komunikimit. Bazuar fund e krye në intolerancën e tij ndaj kritikave që i bëhen në këtë mjet”, tha Berisha.

Berisha garantoi nxënësit dhe të rinjtë se në datë 12 maj do ta kenë sërish TikTok në telefonin e tyre.

“Garantoj të gjithë shkollarët e Shqipërisë, nxënësit e shkollave 9-vjeçare, gjimnazistët, studentët dhe të tjerët, se me datën 12, TikTokun do e kenë në telefonat e tyre, në kompjuterat e tyre dhe do ndëshkohet rëndë për veprën antikushtetuese një megakrim i përmasave gjigante, Edi Rama për këtë akt të tij. Ndaj dhe të lëmë çdo gjë në respekt të fjalës së lirë dhe të lirisë, të protestojmë nesër në ora 7 në sheshin Skënderbej të Tiranës, të mblidhemi nga e gjithë Shqipëria. Veçanërisht të rinjtë. Kjo është protesta juaj. Nesër fjala do jetë e juaja. Nesër fjala e lirë do u ketë ju kalorësit mbrojtës të saj. Ndaj dhe të mblidhemi të gjithë në mbështetje të tyre në kërkesën që kanë”, tha Berisha.

Ministrja e Arsimit dhe Sportit, Ogerta Manastirliu njoftoi se TikTok do të mbyllej si një masë të nevojshme për sigurinë e fëmijëve. Ky vendim u kundërshtua nga opozita, e cila tha se mbyllja vjen vetëm 2 muaj para zgjedhjeve parlamentare.

Tre deputetë të opozitës italiane, Rachele Scarpa dhe Andrea Casu nga Partia Demokratike dhe Alfonso Colluçi nga “Lëvizja 5 Yjet,” vizituan kampin e emigrantëve në Gajdër të Lezhës për të parë nga afër kushtet e emigrantëve.

Ata i përshkruan kushtet e kampit si të ngjashme me një burg dhe akuzuan qeverinë e kryeministres Giorgia Meloni për shpërdorim të taksave të qytetarëve italianë për krijimin e kësaj strukture.

Deputetët vunë re se ndonëse struktura në Shëngjin është projektuar për të strehuar qindra emigrantë, aktualisht aty janë akomoduar vetëm tetë emigrantë, dy prej të cilëve janë kthyer tashmë në Itali.

Ata shprehën shqetësimin për përdorimin e burimeve publike në një projekt që, sipas tyre, ka qenë i paefektshëm dhe me kosto të larta në çdo fazë të tij.

Sot në orën 12:00 pritet protesta e opozitës në qytetin e Shkodrës, e treta në radhë për mosbindjen civile. Ishte kreu i demokratëve Sali Berisha ai i cili njoftoi se aksioni i së djathtës këtë herë do zhvendosej në qytetin verior. Teksa u bëri thirrje qytetarëve t’i bashkohen revoltës, tha se ky do jetë një marshim kundër krimit. Ai u ndal te atentati me 3 viktima në Dobraç të Shkodrës, ku mes tyre është edhe një qytetare krejtësisht e pafajshme.

“Në shenjë solidariteti me qytetarët e Shkodrës, ftoj të gjithë opozitarët kudo që janë, të shtunën në ora 12:00 në Shkodër, solidaritet me qytetarët e këtij vendi, me këtë qytetar të bekuar, si dëshmi që nuk do të pranojmë kurrë që krimi të mposhtë Shkodrën dhe shkodranët. Në këtë protestë, mosbindje civile, ne i themi jo, dhunës së mafias së Edi Ramës. Kjo mosbindje civile do të duhej të thirrej në Tiranë, por dëshiroj t’u shprehim nga afër të gjithë solidaritetin tonë, qytetarëve të Shkodrës”, deklaroi Berisha.

Kujtojmë se protesta e parë në kuadër të mosbindjes civile erdhi fill pas arrestimit të ish-deputetit Ervin Salianji. Për demokratët, vendimi për 1 vit heqje lirie ndaj tij ishte tërësisht politik.

Protesta e dytë erdhi në formë bllokade në disa qytete të vendit, përfshirë edhe Tiranën. Edhe ky tubim pasoi arrestimin e një prej eksponentëve më të rëndësishëm të opozitës, ish-Presidentit Ilir Meta e njëkohësisht kryetarit të Partisë së Lirisë.

Të dyja protestat e mëhershme zgjatën 3 orë. Ajo e 7 Tetorit regjistroi më shumë tensione, ku protestuesit hodhën molotov ndaj institucioneve dhe patën disa përplasje me Policinë. Ndërsa, bllokimi i 6 akseve nacionale rezultoi relativisht më paqësor si akt.