Një vatër zjarri është regjistruar sot në Mitropolinë Ortodokse të Gjirokastrës. Nga kjo vatër zjarri raportohet se është djegur vendi i lutjeve dhe disa sende të tjera me vlerë. Zjarri ka rënë rreth orës 11:20 dhe menjëherë mësohet se kanë mbërritur forcat zjarrfikëse në lagjen “Meçite”, ku ndodhet Mitropolia.

Gjithashtu mësohet se zjarri është izoluar dhe nuk ka arritur të përhapet në pjesët e tjera të ndërtesës, të cilat ishin me konstruksion prej druri dhe mund të kishin shkaktuar një zjarr masiv. Nga zjarri u dëmtua vendi i qirinjve, disa libra dhe hapësira e lutjeve. Sipas informacioneve paraprake, zjarrin e shkaktoi lënia ndezur e qirinjve në vendin e lutjeve.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Teksa besimtarët ortodoksë festojnë Pashkët ditën e sotme, raportohet se mijëra shqiptarë kanë vendosur të kthehen në atdhe për të festuar me familjet e tyre nga Greqia.

Mësohet se në 24 orët e fundit në pikën kufitare të Kakavijë ka patur rreth 8 mijë shtetas në hyrje dhe dalje të vendit.

Nga këta të fundit mbi 4 mijë kanë hyrë në Shqipëri, ndërsa 3755 kanë dalë nga territori shqiptar.

Po ashtu raportohet se në Shqipëri kanë hyrë rreth 1300 automjete në 24 orët e fundit nga kjo pikë kufitare.