Ministri i Shëndetësisë Arben Tavari ka thënë se 101 pacientë që u dogjën nga zjarri që ra në diskotekën në Koçan janë dërguar jashtë shtetit për një mjekim më të specializuar.

Travai tha se pacientët janë në gjendje të qëndrueshme si dhe sot do të transferojnë në Suedi 5 të lënduar.

“101 pacientë janë jashtë shtetit, mbas mbledhjes së Shtabit të Krizave në mëngjes konstatuam se të gjithë pacientët fatmirësisht janë në gjendje relativisht stabile, uroj dhe shpresoj që dalëngadalë disa pacientë të fillojmë ti lëshojmë për në shtëpi, sot tre apo katër pacientë do të lëshohen në shtëpi. Transferimi i fundit do të bëhet sot, vetëm në Suedi 5 pacientë dhe mbas asaj nuk kemi më transferime tjera”, tha ai.

Ndërkohë në Serbi janë dërguar 30 pacientë, në Bullgari 15, në Greqi 12 dhe në vende të tjera më pak se 10 pacientë. Ndërsa në klinikën shtetërore të vendit po trajtohen 64 pacientë dhe 13 në klinikat private.

Zyrtarisht jemi në dimër por edhe drejt kulmit të qarkullimit të gripit dhe infeksioneve të tjera respiratorë. Urgjenca e Pediatrisë në QSUT është e mbingarkuar nga fluksi i lartë i pacientëve të vegjël. Influenca e tipit A apo gripi i stinës dhe RSV janë viruset që po dominojnë në moshat pediatrike duke shkaktuar temperatura të larta, kollë dhe bllokime të rrugëve të sipërme.

Në këtë periudhë virozash, afro 300 pacientë në ditë i drejtohen për ndihmë mjekëve të urgjencës në pediatri. Por më shumë se gjysma e tyre nuk janë raste urgjente për trajtim spitalor, por pacientë që fare mirë thonë pediatrit mund të trajtohen nga mjekët e familjes.

Me fillimin e stinës së ftohtë pritet rritje e sëmundshmërisë në popullatë nga infeksionet respiratore dhe kryesisht nga gripi i stinës. Muajt më të ftohtë të dimrit, janari dhe shkurti shënojnë edhe kulmin e përhapjes së tyre apo atë që njihet ndryshe epideminë e gripit.