Një ngjarje e rëndë aksidentale u regjistrua pasditen e djeshme në një kantier ndërtimi në lagjen “Kushtrim” në qytetin e Beratit. Një punëtor 66-vjeç (murator) ka qënë duke punuar dhe ka rënë nga kati i tretë i ndërtesës.

Ai u transportua menjëherë drejt Spitalit Rajonal Berat, ku megjithë ndërhyrjen e mjekëve, nuk mundi dot ti mbijetojë plagëve të marra dhe vdiq disa minuta pas mbërritjes në spital. Në vendngjarje shkuan forca të shumta policie si dhe grupi, që po vijoj punën për zbardhjen plotë të rrethanave të ngjarjes.

Një ditë pas ngjarjes, DVP Berat konfirmon se, pas kryerjes së verifikimeve të nevojshme, është shpallur në kërkim 65-vjeçari Tahir Numani, pronar i firmës BIFFER & CO SHPK, i cili u arratis menjëherë pas ngjarjes, pa dhënë asnjë shpjegim.

Burimet zyrtare të DVP-së Berat konfirmojnë se ka filluar proçedimi penal edhe për teknikun e firmës, shtetasin S.B,69-vjeç.Pronari Tahir Numani dhe tekniku i firmës akuzohen për veprën penale “Shkelja e rregullave të mbrojtjes në punë”.

Siç edhe mund të shihet qartë nga pamjet filmike, të siguruara nga përditshmëria e punës në këtë Kantier, shihet qartë se punonjësit punojnë pa asnjë siguri. Ata shihen të palidhur, të papajisur me mjete mbrojtëse dhe pa asnjë parmak rrethues që ti mbrojë nga rënia. Viktima Ramadan Hatija, i është nënshtruar mbrëmjen e djeshme autopsisë mjeko-ligjore, cila ka konfirmuar se viktima nuk ka pësuar asnjë arrest kardiak, nuk ka pasur luhatje tensioni dhe në gjak nuk ka pasur alkool.

Sipas autopsisë, plagët më të rënda që kishte marrë viktima ishin në kokë. Ndërkohë që mesditën e sotme trupi i pajetë i 66-vjeçarit Ramadan Hatija, banues në lagjen “Uznovë” është përcjellë për në banesën e tij të fundit, pronari i firmës Tahir Numani është në arrati, pas dhënë asnjë shpjegim se përse mungonin kushtet e sigurisë teknike në këtë kantier ndërtimi, ku disa muaj më parë është plagosur gjatë punës një tjetër punëtor. Që prej ditës së djeshme, kantieri i ndërtimit të këtij pallati është mbyllur nga policia për disa ditë, deri në përfundimin e hetimeve të para të ngjarjes.

Tiranë, 31 maj 2025 – Një ngjarje e rëndë ka ndodhur paraditen e sotme në rrugën “Brigada VIII” në kryeqytet, ku një punëtor ndërtimi ka humbur jetën si pasojë e rrëzimit nga lartësia gjatë punës në një objekt në ndërtim.

Sipas informacionit paraprak të Policisë, viktima është shtetasi i huaj V. N., rreth 48 vjeç, me origjinë nga Bosnja dhe Hercegovina. Dyshohet se ai ka rënë nga një lartësi e konsiderueshme teksa punonte në një pallat në ndërtim dhe ka ndërruar jetë në vendngjarje.

Në vend janë të pranishëm grupi hetimor dhe shërbimet e Policisë, të cilët po punojnë për sqarimin e plotë të rrethanave të aksidentit dhe për të verifikuar nëse janë respektuar standardet e sigurisë në punë.

Hetimet janë në vijim. /noa.al

Një zjarr ka rënë këtë të diel në katin e katërt të një pallati në lagjen nr. 7 në qytetin e Durrësit.

Nga informacionet e para, raportohet se gjashtë persona kanë pësuar asfiksi nga tymi dhe janë dërguar me urgjencë në spital për trajtim mjekësor.

Në vendngjarje kanë mbërritur forca të shumta të policisë dhe shërbimit zjarrfikës, të cilët po punojnë për të shuar zjarrin dhe për të evakuuar banorët e pallatit.

Ende nuk dihen shkaqet e zjarrit, ndërsa hetimet janë në vijim për të zbardhur rrethanat e ngjarjes.

Gjendja shëndetësore e personave të dërguar në spital nuk është bërë ende e ditur.

Një ngjarje e rëndë ka ndodhur sot në Tiranë, ku një 35-vjeçar ka mbetur i plagosur.

Mësohet se i riu ka rënë nga pallati ku banonte, në rrugën “Myslym Shyri”, dhe është dërguar menjëherë në spital, ku po merr dhe ndihmë mjekësore. Paraprakisht dyshohet se ka qenë rënie aksidentale, por po hetohet edhe pista e një përpjekjeje për vetëvrasje.

Njoftimi i policisë:

Më datë 28.12.2024, në rrugën “Myslym Shyri”, dyshohet se ka rënë nga pallati shtetasi 35 vjeç, i cili u dërgua në spital, nën kujdesin e mjekëve.

Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një ngjarje e rëndë ka ndodhur këtë të premte në fshatin Bradashesh pranë Elbasanit.
Një punëtor ka rënë nga lartësia e një pallati që ishte nën rikonstruksion.

Policia raporton 54-vjeçari me inicialet L.B., i cili ishte punonjës i firmës së ndërtimit që po merrej me rikonstruksionin e pallatit ndodhet në kujdesin e mjekëve.

Një defekt në kondicionerin në katin e 9-të është bërë shkak për zjarrin që përfshiu ditën e djeshme pallatin te ish-Nesharaku në Tiranë. Kjo është ekspertiza paraprake e nxjerr nga autoritete pas më shumë se 24 orë nga ngjarja.

Nga hetimet paraprake tre apartamente janë djegur plotësisht dhe 13 të tjerë pjesërisht, por mbeten të pabanueshëm.

Flakët u vunë me vështirësi nën kontroll nga zjarrfikësit, pasi përhapja e flakëve ishte e shpejt për shkak të materialit të fasadës.

Përveç dëmeve të mëdha materiale, fatmirësisht nga zjarri nuk pati persona të lënduar.