Një ngjarje e rëndë ka ndodhur sot rreth orës 14:00 në lagjen “28 Nëntori” të qytetit të Vlorës, ku një 46-vjeçar ka humbur jetën pasi dyshohet se është vetëhedhur nga kati i tretë i pallatit ku banonte. Viktima është identifikuar si shtetasi G. D., i cili fatkeqësisht nuk ka mundur të mbijetojë plagëve të marra nga rënia.

Sipas të dhënave paraprake, G. D. rezulton të ketë qenë përdorues i lëndëve narkotike dhe të ketë vuajtur nga probleme të shëndetit mendor, çka mund të ketë ndikuar në aktin e rëndë. Në vendin e ngjarjes ka mbërritur menjëherë grupi hetimor, i cili po punon për zbardhjen e plotë të rrethanave dhe shkaqeve që çuan në këtë tragjedi.

Një ngjarje e rëndë ka ndodhur në lagjen Apllonia në Fier ku një grua raportohet se ra nga kati i 7-të i pallatit. Ajo u dërgua me ambulancë në spitalin Rajonal të Fierit. Por, gruaja nuk ka mundur të mbijetojë duke humbur jetën në spital.

Gruaja mësohet se ka rënë nga kati i 7-të në shkallët e një biznesi.

Një 58-vjeçar ka humbur jetën, pasi është rrëzuar nga lartësia e një pallati në ndërtim e sipër.

Ngjarja ka ndodhur paraditen e sotme (27 gusht) në kryqëzimin e rrugës “Dërvish Luzha” dhe mësohet se 58-vjeçari ka ndërruar jetë në vend.

Policia ka nisur punën për zbardhjen e rrethanave të ngjarjes.

Njoftimi i policisë:

Më datë 27.08.2024, në kryqëzimin e rrugës “Dërvish Luzha”, dyshohet se, aksidentalisht duke punuar, është rrëzuar nga lartësia e një pallati në ndërtim e sipër, shtetasi K. I., 58 vjeç, i cili si pasojë e dëmtimeve të marra, ka ndërruar jetë në vendngjarje.

Grupi hetimor po punon për sqarimin e rrethanave të ngjarjes.

Një ngjarje e rëndë ka ndodhur pak çaste më parë në Vlorë, ku ka humbur jetën një i moshuar italian.

Sipas informacionit paraprak nga policia, dyshohet se italiani i moshës 87-vjeç, në kushte të rënda psikologjike është vetëhedhur nga lartësia.

‘Sot, në lagjen “Pavarsia 3”, Vlorë, dyshohet se në kushte të rënduara psikologjike është vetëhedhur nga kati i nëntë i banesës së tij, shtetasi italian L.B., 87 vjeç (person paraplegjik), i cili si pasojë ka humbur jetën.

Grupi hetimor po punon për sqarimin e plotë të rrethanave të ngjarjes’, njofton policia.

Humb jetën në vend pasi ra nga pallati një grua.

‘Gjatë natës, në Spitalin Rajonal Berat, është dërguar pa shenja jete, shtetasja F. M., 67 vjeçe, banuese në Kuçovë.

Në bazë të ekzaminimeve mjeko-ligjore dhe të informacioneve të marra, dyshohet se shtetasja F. M., në gjendje të rënduar psikologjike, është vetëhedhur nga kati i tretë i pallatit ku banonte.

Materialet procedurale për rastin i kaluan për vlerësim, Prokurorisë pranë Gjykatës së Shkallës së Parë të Juridiksionit të Përgjithshëm Berat’, njofton policia vendore.

Një ngjarje e rëndë është regjistruar këtë të dielë në qytetin e Elbasanit, ku një person është hedhur nga kati i katërt i pallatit ku banonte dhe ka ndërruar jetë në vend.

Raportohet se viktima është shtetasi S. M., 73 vjeç, teksa ngjarja e rëndë ka ndodhur rreth orës 19:50, në lagjen “Qemal Stafa”.

Mësohet se i moshuari e ka ndërmarrë aktin ekstrem në kushte të rënduara psikologjike të jetë vetëhedhur nga kati i katërt i pallatit ku banonte.

Grupit hetimor vijon punën për sqarimin e rrethanave të ngjarjes.