Si pasojë e kalimit të një sistemi frontal nga Italia drejt territorit shqiptar do të kushtëzojë mot të paqëndrueshëm.

Orët e paradites paraqiten me alternime kthjellimesh dhe vranësirash deri mesatare, ku në zonat veriore do të jenë më të dendura duke gjeneruar rrebeshe të izoluara shiu ndërsa orët e pasdites dhe në vijim do të sjellin reshje shiu në të gjithë Ultësirën Perëndimore si edhe reshje dëbore në zonat malore përgjatë shtrirjes Lindore gjatë natës pritet intensifikim i reshjeve në të gjithë territorin e vendit.

Temperaturat e ajrit do të pësojnë rënie në të dy vlerat ekstremale ditore duke u luhatur nga 0°C vlera minimale e shënuar në zonat verilindore deri në 14°C vlera maksimale e cila pritet përgjatë vijës bregdetare.

Era do të fryjë mesatare deri e fortë gjatë gjithë ditës duke arritur shpejtësinë maksimale deri në 55 km/h nga drejtimi Jugor – Jugperëndimor, për pasojë në brigjet detare do të krijohet dallgëzim mbi 4 ballë.

Javë me “vranësira” të dukshme ishte xhiro e pestë e kampionatit të koshit, lokalizuar në sfidën Kamza Basket-Teuta. Vendasit fitojnë me një diferencë të thellë 91-53 ndaj finalistëve të edicionit 2023-2024. Një ndeshje e dominuar nga fillimi me episode qetësie dhe tërbimi. Kanë vazhduar uljet e “temperaturave” në Fier, ku djemtë e Apolonisë kanë fituar në sekondat e fundit në rezultatin 86-83 ndaj Vllaznisë. Një ndeshje me rivalitet dhe emocion, që i kanë futur ethet jo vetëm protagonistëve të ndeshjes, por edhe ekipeve të renditura më lart e më poshtë të Superligës. Tirana-Besëlidhja duket “mot i mirë”, nuk surprizon rezultati, Besëlidhja dominuese dhe kryesuese që nga java e parë. Mbyllet takimi me shifrat 65-93. Dhe pas kësaj vijojmë me Fieri Basket në kategorinë e parë meshkuj, mundin me rezultat 3-shifror Pogradecin 78-104.

Njëjtë ka pësuar ekipi i Partizanit meshkuj, që luftën direkte për tu ngjitur në Superligë e ka me Elbasanin, por tashmë jo vetëm Elbasanin…. Mbetet për tu parë dhe renditja e kësaj kategorie. Kategoria e Femrave njëtrajtësisht vazhdon “mot me diell”, ku vërejmë Vllazninë në vendin e tretë, edhe pse treshja rivale e kësaj kategorie vazhdon të mbetet Tirana-Partizani-Flamurtari. Ndërkohë që kampionatin e karakterizon një situatë sinoptike me “mot të paqëndrueshëm, herë me diell e herë me vranësira”, vëmendja shkon edhe te Kombëtarja. Kështu, edhe zyrtarisht është shpallur lista e lojtarëve të ekipit kombëtar meshkuj të rritur në sfidën e radhës ndaj Austrisë. Një kombëtare pa Hysenagollin! Ndërsa në federatë mbyllen aplikimet për trajnerë të ekipeve kombëtare të moshave, në pritje të shpalljes së emrave zyrtarë të tyre.

Kjo fundjavë sjell gradualisht depërtimin e masave ajrore të lagështa veriperëndimore duke sjellë kështu mot të paqëndrueshëm me reshje shiu me intensitet të ulët deri mesatar në pjesën më të madhe të territorit.

Në intervale të shkurtra kohore lokalisht në veriperëndim dhe në jug pas orëve të mesditës reshjet do të jenë me intensitet deri të lartë në formën e stuhive me shkarkesa elektrike.\