Parashikimi i motit – JiL.al | Informohu – Frymëzohu – Jeto i Lumtur

Parashikimi i motit, ja si do të jenë kushtet atmosferike

Jil — Mon, 23 Oct 2023 19:23:26 +0000

Teksa sot java ka nisur me diell kjo mund të ndryshojë në ditët nëvijim me kushte të paqëndrueshme të motit.

Siç njofton Shërbimi meteorlogjik ushtarak për ditën e Hënë dhe ditën e Martë moti parashikohet me kthjellime si dhe alternime vranësirash të cilat do të shoqërohen me reshje shiu të izoluara dhe të dobta kryesisht në relievet e larta malore.

Për ditën e Mërkurë dhe atë të Enjte moti parashikohet kryesisht i vranët edhe nuk do të mungojnë orët me diell.

Sipas parashikimit të SHMU nga orët e pasdites të ditës së Mërkurë deri në orët e mëngjesit të ditës së Enjte përgjatë ultësirës perëndimore priten reshje shiu me intensitet mesatar dhe të lartë. Lokalisht këto reshje do të jenë të rrëmbyeshme në formën e stuhive shoqëruar me shkarkesa elektrike dhe breshër. Në pjesët e tjera të vendit reshjet do të jenë me intensitet të ulët dhe mesatar.

Java mbyllet me ditën e Premte ndërsa moti parashikohet fillimisht me alternime kthjellimesh e vranësirash. Më pas mot i vranët e reshje shiu të herëpashershme. Reshjet në zonën e veriut dhe qendër do të jenë me intensitet hera-herës deri të lartë në formën e shtrëngatave apo rrebesheve.

Vlen për tu theksuar gjithashtu se pritet luhatje e ndjeshme e temperaturave herë në vlerat minimale dhe herë në ato të mesditës (si pasojë e ndryshimit drastik të masave ajrore por edhe elementit të erës). Duke iu referuar elementit të erës ajo pritet përsëri intensive dhe relativisht problematike nga dita e Mërkurë deri ditën e Premte pasdite. Për këto ditë era pritet të fryjë nga kuadrati i jugut dhe shpejtësi mesatare 3-12 m/s ndërsa përgjatë vijës bregdetare dhe lugina era fiton shpejtësi deri në 18-23 m/s duke bërë që dallgëzimi në dete të jetë i lartë.

Edhe sa do të zgjasë “vera”/ Parashikimi i motit për javën

Jil — Mon, 09 Oct 2023 16:46:54 +0000

Përgjatë relieveve malore në orët e mesditës vranësirat do të pasohen nga reshje lokale shiu me intensitet të ulët.

Gjatë kësaj jave vendi ynë do të jetë në ndikim të kushteve atmosferike të qendrueshme. Orët me diell do të mbizotërojnë në pjesën më të madhe të vendit. Vranësirat pritet të jenë të pakta kalimtare në orët e mesditës.

Përgjatë relieveve malore në orët e mesditës vranësirat do të pasohen nga reshje lokale shiu me intensitet të ulët. Era do të jetë nga kuadrati i veriut me shpejtësi mesatare deri në 7m/sek, e hera-herës përgjatë bregdetit fiton shpejtësi deri në 12m/sek.

Valëzimi në dete pritet të jetë i ulët i forcës 1-2 ballë.

Parashikimi i motit për ditën e nesërme, ja çfarë do të ndodhë

Jil — Thu, 05 Oct 2023 16:25:16 +0000

Nga e premta kemi përsëri mot kryesisht stabil dhe me diell. Mund të ndodhë ndonjë rrebesh lokal shiu afatshkurtër në disa vise në qendër dhe juglindje të Shqipërisë, ndërsa dita e premte pritet të jetë paksa më e freskët.about:blank

Të shtunën pak më nxehtë, ndërsa të dielën pak më freskët.

Parashikimi i motit/ Vera që nuk po vjen, si do të jetë koha ditën e zgjedhjeve (Temperaturat)

Jil — Fri, 12 May 2023 18:08:11 +0000

Në një lidhje direkte me edicionin e lajmeve në Top Channel, ka qenë sinoptikania Lajda Porja, e cila ka bërë parashikimin e motit për ditën e votimeve.

Sipas saj do jetë një mot i favorshëm e me kushte ideale për të votuar. Temperaturat në ultësirën perëndimore do jenë 24-25 gradë, ndërsa në zonat malore rreth 19-20 gradë.

“Jo vetëm që do jetë mot i favorshëm, por janë kushte ideale për të votuar. Megjithëse vranësirat do të jenë prezente, do kemi reshje të pakta, ose momente me pika shiu në shumë qytete të ultësirës perëndimore, zonat veriore kanë reshje disi më të dukshme, megjithatë, jo më shumë se 3-4 milimetra. Them e favorshme se nuk do të jetë një ditë me shumë diell apo temperatura të larta që njerëzit të frekuentojnë detin, është e pamundur.

Ora 5-6 e mëngjesit ka reshje të pakta, kemi pastaj një interval të gjatë deri rreth orës 5-6 e pasdites ku do të kemi kthjellime, vranësira, momente shiu në kryeqytet dhe në disa qytete kryesore, reshjet më në veri edhe pse e paqëndrueshme situata, reshjet nuk do të jenë fare problematike, matjet do të jenë në sasi të papërfillshme.

Vijon situata deri në mesin e javës tjetër, pra deri ditën e mërkurë, ku vranësirat mbeten prezent edhe reshjet e pakta. Pas ditës së mërkurë do të kemi ditë me diell, temperatura të larta, madje deri në 30 gradë, ku njerëzit mund të frekuentojnë më në fund edhe plazhin”, është shprehur Lajda Porja.