Puntata e radhës në “Shihemi në Gjyq” ka në qendër konfliktin mes dy vëllezërve. Alimi ka thirrur vëllanë e tij në rubrikën e së “Dielës Shqiptare” në Tv Klan dhe në hyrje të insertit, ngre akuza të forta.

“Po shkoj 43 vjeç, nuk e dija se kishte kaq mashtrues. Por të të mashtrojë edhe vëllai, ky është fundi i botës!”

Edhe kur hyn në studio, ai përforcon fjalët e tij duke shtuar: “Vëlla i thënçin, maskara!”

e të njëjtën gjuhë, përgjigjet edhe Blerimi në insertin e tij.

“Kjo është botë maskarenjsh! Duan të më rrjepin lëkurën! Ai që më ka sjellë këtu, kokërr leku nuk merr nga djersa ime!”

Kur të dy vëllezërit gjenden përballë njëri-tjetrit në studio, përdorin tone të ashpra me njëri-tjetrin. Alimi e akuzon vëllanë se ka marrë paratë që ai u kishte dërguar prindërve të moshuar.

Blerim: Po ti ore maskara si më solle këtu mua ti?

Alim: Si mos të të sillja?

Blerim: Nuk të vjen një çikë zor?

Alim: Kollaj kur hëngre lekët e mia? Lekët e mia për çfarë i more? Për çfarë ua hëngre lekët pleqve?

Blerim: Kur i mora lekët e tua unë? S’kam lidhje fare unë! Mashtrues, o mashtrues! Një avaz tërë jetën ti!  

Alim: Kisha dy pleqtë sëmurë. Kam 25 vjet, jam i martuar në Greqi. Kam punuar si qeni, kisha mbështjellë ca lekë, ca të ardhura që ua kisha lënë se ishin të sëmurë se unë rri në një ishull shumë larg, Paros. Tani që të vija unë që atje deri këtu…

Autoritetet në pikën kufitare të Kakavijës kanë zbuluar një rast të mosdeklarimit të të hollave dhe sendeve me vlerë, ndërsa është proceduar penalisht autori nga Gjermania që i posedonte.

Raportohet se janë sekuestruar 8390 euro, 12 300 franga zviceriane, 85 000 fiorenta hungareze, 470 dinarë dhe 15 lingota floriri.

Sakaq, materialet proceduarale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

PKK Kakavijë/Kontrolle të detajuara nga shërbimet e Policisë, për parandalimin dhe goditjen e krimeve kufitare.

Në kuadër të rritjes së efektivitetit të punës së strukturave të kufirit e migracionit, për goditjen e krimeve ndërkufitare, është goditur 1 rast i mosdeklarimit të të hollave dhe sendeve me vlerë.

Sekuestrohen 8390 euro, 12 300 franga zviceriane, 85 000 fiorenta hungareze, 470 dinarë dhe 15 lingota floriri.

Procedohet penalisht shtetasi gjerman 69-vjeçar që i posedonte.

Si rezultat i angazhimit maksimal të shërbimeve të Policisë Kufitare të PKK Kakavijë, si dhe i koordinimit të informacionit, për parandalimin dhe goditjen e krimeve kufitare, krahas punës për ofrimin e një shërbimi cilësor dhe me etikë, qytetatëve në hyrje/dalje, është goditur një rast i mosdeklarimit të të hollave dhe sendeve me vlerë.

Në bazë të analizës së riskut, në dalje të RSh-së, u kalua për kontroll në vijë të dytë, automjeti tip furgon me të cilin udhëtonte shtetasi A. F.

Gjatë kontrollit në automjet u gjetën 8390 euro, 12 300 franga zvicer ane, 85 000 fiorinta hungareze, 470 dinarë dhe 15 lingota floriri, të cilat nuk i kishte deklaruar para autoriteteve doganore.

Furgoni dhe shumat e parave u sekuestruan në cilësinë e provës materiale.

Në vijim të veprimeve procedurale për këtë rast u procedua në gjendje të lirë shtetasi gjerman A. F., 69 vjeç, banues në Greqi.

Materialet proceduarale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

-Dy persona i kanë zënë rrugën një automjeti në afërsi të vendit të quajtur “Tregu i Orizit”, dhe kanë grabitur shoferin duke i marrë para e karta bankare.

Raportohet se ngjarja ka ndodhur rreth orës 23:00 të mbrëmjes së 2 marsit në Vlorë. Dy autorët e dyshuar, shtetasit me iniciale S. D., 49 vjeç dhe D. L., 36 vjeç, janë arrestuar nga policia.

“Nga veprimet hetimore dyshohet se këta dy shtetas, në bashkëpunim me njëri-tjetrin, më datë 02.04.2024, rreth orës 23:00, në afërsi të vendit të quajtur “Tregu i Orizit”, i kanë zënë rrugën me automjet, shtetasit A. T., dhe më pas i kanë marrë me forcë atij, një shumë parash dhe disa karta bankare”, raportojnë uniformat blu.

Gjatë kontrollit të ushtruar në lokalin e 36-vjeçarit shërbimet e Policisë gjetën disa doza lënde të dyshuar narkotike cannabis, të cilat u sekuestruan në cilësinë e provës materiale, bashkë me sendet e vjedhura dhe automjetin që autorët e dyshuar kanë përdorur për të kryer krimin.

Jasir Asani ka rrëfyer më shumë për jetën e tij në një intervistë për vëllezërit Veshaj në “Më lër të flas”. I pyetur për pagesën që merr, Asani tha se nuk është ndonjë shumë e madhe, por ato para ia jep babait të tij.

“Unë pagesën që marr, s’po e them sa se nuk është ndonjë shumë e madhe, aq sa marr pothuajse të gjitha ja nis babit. Sepse babai ka bërë çdo gjë për mua”, tha Asani.

Një burrë është arrestuar në Angli pasi një vinç u përdor në përpjekje për të vjedhur një bankomat parash nga një supermarket.

Policia u thirr në një kantier ndërtimi në Yapton Road, Barnham, West Sussex pas një raportimi se një vinç i vogël ishte vjedhur. Oficerët kur nisën hetimet zbulun se vinçi i vjedhur po përdorej për të vjedhur një bankomat parash.

Kur policia mbërriti në vendngjarje arrestoi një 43-vjeçar, nga Ashford, Middlesex pasi po tentonte të vidhte paratë e bankomatit.

Kjo ngjarje shkaktoi probleme edhe në një nga linjat e trenave, e cila u mbyll për disa orë, pasi vinçi kishte krijuar probleme te shinat.