Partia Demokratike ka siguruar deri tani 14 mandate në qarkun e Tiranës, me rreth 30% të kutive të votimit të numëruara.

Kjo do të thotë se, përveç 12 emrave të listës së mbyllur, dy deputetë të tjerë do të zgjidhen nga lista e hapur përmes votës preferenciale.

Një zhvillim i rëndësishëm lidhet me fatin politik të Ilir Metës. Presidenti i Partisë së Lirisë, aktualisht në paraburgim, rrezikon seriozisht të mos bëhet pjesë e Parlamentit të ri, për shkak të rezultatit të dobët të koalicionit në Tiranë dhe numrit të ulët të votave personale që ka marrë deri tani.

Duke iu referuar të dhënave nga Vorë dhe Njësia nr.10, Meta është larg pozicioneve të para në listën e hapur.

Në Vorë ai ka marrë vetëm 94 vota, duke u renditur i 11-ti në listë, ndërsa në Njësinë 10 ka marrë 246 vota, duke u renditur i treti.

Shanset bien akoma kur llogarit se Partia Mundësia renditet e treta me 7523 vota në Tiranë ose 4.93 %, duke i marrë një mandat Partisë Demokratike.

Nga numërimi i deritanishëm, projeksioni i ndarjes së mandateve në këtë qark është: PS, 19 mandate; PD 13 mandate, Mundësia 2 mandate, Shqipëria bëhet 1 mandat, Lëvizja Bashkë 1 mandat dhe PSD 1 mandat.

Nëse ky trend vijon edhe në zonat e tjera të Tiranës, mundësitë që Ilir Meta të zgjidhet deputet janë minimale.

Qindra shqiptarë kanë dalë në sheshin “Sindagma” të Athinës për të festuar festën kombëtare të 28 Nëntorit. Ata ia kanë marrë valles, ndërsa mbajnë në duar flamujt kuqezi. Shqiptarët në të gjithë botën festuan ngritjen e flamurit në Vlorë.

28 Nëntori i vitit 1912 shënoi një kthesë historike për popullin shqiptar, sepse nga njëra anë mori fund sundimi gati pesëshekullor i Perandorisë Osmane, nga ana tjetër u krijuan kushtet e reja politike për të dalë nga prapambetja e madhe dhe për zhvillimin e tij më të shpejtë ekonomik, shoqëror e kulturor.

Shpallja e Pavarësisë ishte një fitore e madhe e shqiptarëve edhe kundër politikës antishqiptare të monarkive fqinje ballkanike, kundër synimeve e planeve të tyre për copëtimin e plotë të Shqipërisë.

Qytetarë të shumtë janë mbledhur pasditen e sotme në rrugën kryesore para Parlamentit, të thirrur nga opozita në protestë për miratimin e buxhetit të vitit të ardhshëm.

Nga ana tjetër forcat e Policisë së Tiranës dhe ato të Shtetit janë pozicionuar rreth perimetrit të Parlamentit, për të siguruar mbarëvajtjen e protestës së thirrur.