Partia e Lirisë ka zhvilluar mbrëmjen e sotme mbledhjen e shtabit të zgjeruar të Tiranës, nga ku Sekretari i Përgjithshëm Tedi Blushi ka njoftuar zhvillimin e një protestë para godinës së SPAK më 6 dhjetor.

“Në 6 dhjetor, në ora 12:00 do të nisim stinën e protestave para SPAK-ut. Mosbindja civile është rruga e vetme për t’i dhënë Shqipërisë paqe politike dhe sociale dhe një zgjidhje politike që do të garantojë zgjedhje të lira dhe të ndershme”, tha Blushi në mbledhjen e PL.

Blushi e ka cilësuar Prokurorinë e Posaçme si “koburja kryesore që po përdoret kriminalisht nga Edi Rama kundër opozitës”, që sipas tij e ka shndërruar Shqipërinë ndër të paktat vende në botë me të burgosur politikë.

“Arrestimet politike, fund e krye kriminale, të urdhëruara nga tribuna e Kongresit të PS nga Edi Rama ndaj Presidentit Meta, Z. Berisha, Salianjit dhe Belerit janë prova të pakundërshtueshme për asgjesimin total të reformës në drejtësi, të shtetit të së drejtës dhe të instalimit të një regjimi mafioz. Vendimtare mbetet qëndresa e brendshme e vetë shqiptarëve kundër regjimit, si edhe organizimi i shqiptarëve në Europë, SHBA e kudo për të protestuar dhe për t’u mobilizuar për zgjedhjet e ardhshme”, tha Blushi.

Sipas tij, “narkoregjimi sot mbahet në këmbë vetëm falë një strukture kriminale, SPAK e cila shërben vetëm si hanxhar në duart e Edi Ramës, për të asgjësuar pluralizmin politik, për të asgjësuar opozitën e vërtetë”.

Blushi pati edhe një thirrje për protestën e thirrur nga Partia Demokratike, e cila do të zhvillohet nesër në kryeqytet, duke kërkuar mbështetje masive nga qytetarët.

“Vetëm me mosbindje civile dhe me protesta të fuqishme shqiptarët do t’i shkurtojnë ditët dhe do t’i japin fundin e merituar regjimit të korruptuar dhe kriminal të Edi Ramës. Ndaj nesër, në ora 17:00, të marshojmë në Tiranë për të shprehur fuqishëm zemërimin qytetar për inkriminimin e tmerrshëm, korrupsionin skizofrenik dhe braktisjen e paskrupullt të qytetarëve, të pensionistëve, të të rinjve dhe të rejave nga Qeveria më antikombëtare që ka njohur vendi”, deklaroi Blushi.

11 korriku do të jetë protesta e radhës e opozitës, por këtë herë përballë kryeministrisë, aty ku për herë të parë Sali Berisha do t’u flasë mbështetësve të tij edhe pse virtualisht, por me spaletat e kryetarit të PD, tashmë edhe zyrtarisht me vendim gjykate.

12 ditë përpara kësaj proteste që pritet të jetë edhe një moment bashkimi me një pjesë demokratësh që deri para 2 javësh kishin qenë në krahë të Bashës, është zbuluar edhe slogani i këtij tubimi.

“Të bashkuar në betejë” kjo është motoja e kësaj proteste, por me gjasë edhe e gjithë aksionit opozitar në muajt në vazhdim deri në nisjen e fushatës për zgjedhjet e përgjithshme të pranverës së 2025.

Nga ajo që është mësuar deri më tani, protesta do të nisë në orët e vona të pasdites, në mënyrë që vapa e nxehtë e korrikut të mos bëhet pengesë si për protestuesit që do të vijnë nga rrethet por edhe ata që do të dalin në shesh nga Tirana.

Fillimisht kjo protestë kur u diskutua në kryesinë e PD u propozua që të zhvillohej më datë 12 korrik, që përkonte në ditë të premte, por më pas Këshilli Kombëtar vendosi për 11 korrikun, si datë më të përshtatshme, për shkak se jemi në sezon pushimesh dhe protesta në ditë të premte mund të ndikonte në një numër të ultë qytetarësh në shesh.

Kjo është protesta e dytë që PD organizon në bulevardin “Dëshmorët e Kombit” këtë vit, por vjen në një kohë që prej 6 muajsh poshtë banesës së berishës ka çdo natë protesta simbolikë të disa dhjetëra militantëve demokrat e çdo javë zhvilluar tubime përballë bashkisë së Tiranës.

Një aksident tragjik i ka marrë jetën një 47-vjeçari italian. Viktima është identifikuar si Massimo Tabaço , me origjinë nga Aprica, por që prej kohësh jeton në Inzago me familjen e tij.

Aksidenti ndodhi mëngjesin e sotëm, pak para orës 7:00, në via Emanuele Filiberto, në periferi të qytetit.

47-vjeçari ka gjetur vdekjen e menjëhershme, pasi u përplas nga një furgon, që drejtohej nga një vajzë shqiptare 32-vjeçare. Kjo e fundit është transportuar në spital për shkak të traumave dhe konfuzionit, ndërsa automjeti që drejtonte pas aksidentit që i mori jetën 47-vjeçarit, është përplasur edhe me një pemë.

Drejtueses së mjetit i janë sekuestruar automjeti dhe celulari i saj dhe do t’i nënshtrohet edhe analizave toksikologjike .

Partia e kryeministres italiane Giorgia Meloni, “Fratelli d’Italia”, ka paditur për shpifje autorin e emisionit “Report” në Rai3, Giorgio Mottola, me një kërkesë për dëmshpërblim mbi 50 mijë euro.

Sipas “La Repubblica”, padia vjen lidhur me episodin “mafia me tre koka”, ku u tha se krerët e grupeve kriminale në Itali Ndrangheta, Camorra dhe Cosa Nostra, kanë hyrë në kontakt me disa politikanë të shquar të partisë së Melonit.

Kjo padi është konsideruar si e paprecedentë nga sindikata e gazetarëve Rai, të cilët reaguan duke shkruar: “Nëse ‘Fratelli d’Italia’ mendon të frikësojë, dhe për rrjedhojë të bëjë të heshtë ata që bëjnë gazetari investigative, e kanë të kotë”.

Padia nuk është vetëm ndaj autorit të pavarur të raportit, por edhe ndaj zv/drejtorit Sigfrido Ranucci.

Ndërkohë, deputetët e Partisë Demokratike të Italisë bëjnë të ditur se do ta çojnë çështjen në Autoritetin Mbikëqyrës.

“Nuk ka ndodhur që një parti të padisë një gazetar të Rai-t. Këto janë të dhënat e vërteta të qeverisë Melonit. Me padinë për shpifje konfirmojnë se kërcënimi dhe frikësimi i shtypit është vulë e veprimit të tyre politik”, deklaruan ata.

Partia opozitare Lëvizja për Bashkim Kombëtar e Gjeorgjisë tha të shtunën se zyrat e saj në Tbilisi u sulmuan gjatë natës nga dhjetëra burra të maskuar.

Gjatë sulmit u dëmtuan pajisjet dhe u thyen xhamat e zyrës, sipas pamjeve të publikuara nga kjo parti në rrjetet sociale.

Ministria e Brendshme e Gjeorgjisë tha për Shërbimin gjeorgjian të Radios Evropa e Lirë se ka nisur një hetim për këtë sulm.

Ky incident ndodhi në një kohë kur tensionet në Gjeorgji janë të larta, pasi partia në pushtet, Ëndrra Gjeorgjiane, e miratoi një legjislacion kundërthënës për “agjentët e huaj”.

Ky ligj ka nxitur protesta shumë të mëdha nëpër rrugët e Tbilisit.

Kundërshtarët e këtij ligji thonë se ai është autoritar dhe është i frymëzuar nga një ligj i ngjashëm në Rusi.

Bashkimi Evropian thotë se ky ligj ia rrezikon Gjeorgjisë rrugën drejt integrimit në bllokun 27-anëtarësh.

Këtë javë, sekretari amerikan i Shtetit, Antony Blinken, vendosi regjim vizash dhe tha se bashkëpunimi dypalësh me Gjeorgjinë do të rishikohet.

Ëndrra Gjeorgjiane ka ngulur këmbë se mbetet e përkushtuar që t’iu bashkohet institucioneve perëndimore dhe ka thënë se ligji ka për qëllim vetëm rritjen e transparencës për financimin e OJQ-ve./REL

TIRANË- Partia Socialiste ka miratuar emrat që do të jenë pjesë në dy Komisionet hetimore që do të ngrej Opozita. Mësohet se në Komisionin për Sterilizimin dhe Check-Up do të jetë nënkryetar deputeti Plarent Ndreca. Ndërsa në Komisionin hetimor për sistemin TIMS do të jetë nënkryetar deputeti Toni Gogu.

Njoftimi:

Komisioni Hetimor i Kuvendit për Shërbimin Publik të Sterilizimit dhe Shërbimin Publik të Check-Up në Shëndetësi

Z. Plarent Ndreca Nënkryetar

Komisioni Hetimor i Kuvendit për Trajtimin e të Dhënave të Sistemit TIMS

Z. Toni Gogu Nënkryetar