Është shtyrë procesi gjyqësor për Sali Berishën dhe dhëndrin e tij, Jamarbër Malltezin, të përfshirë në dosjen “Partizani”.

Seanca e ardhshme do të mbahet më 15 shtator, mbrojtja kërkoi përjashtimin e trupës gjykuese.

Avokati Genc Gjokutaj nga seanca ka thënë se ‘Gjyqtarët nuk ofrojnë gjykim të paanshëm pasi janë nën vëzhgim nga SPAK. Kemi një kërkesë për të përjashtuar treshen gjykuese nga procesi’.

Ish-kryeministri Sali Berisha dhe dhëndri i tij, Jamarbër Malltezi janë nën akuzë për korrupsion e pastrim parash.

Arzhonzh Bintsuka nuk do të jetë në dispozicion të Partizanit për ndeshjen e Europës.

Sulmuesi nga Kongo ka humbur përgatitjet deri tani dhe vazhdon të jetë në Kongo. Partizani arriti të sigurojë rinovimin deri në vitin 2027 me opsion edhe për një sezon tjetër.

Arritje e madhe për një nga talentet, që u soll në Europë nga të kuqtë. 22-vjeçari llogaritet si investim që mund të sjellë të ardhura të konsiderueshme në të ardhmen. Për të ishte e pritshme që nuk do të ishte i gatshëm ndaj Kaljus.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Partizani fitoi 1-2 ndaj Dinamos në “Elbasan Arena”, në ndeshjen e vlefshme për vendin e 3-të në “Final Four”.

Dinamovitët festuan pas më shumë se çerek ore lojë. Një asist i Maliqit nga krahët, u shfrytëzua në maksimum nga Dejvi Bregu, i cili nga fare pranë dërgoi topin në rrjetë.

Të kuqtë nuk u pajtuan me rezultatin dhe u hodhën në sulm për të vendosur ekuilibrat. Në fundin e pjesës së parë, Tedi Malaj gjen të papërgatitur mbrojtjen kundërshtare dhe dërgoi shifrat në 1-1.

Partizani e nis në mënyrën më të mirë të mundshme pjesën e dytë. Pas disa pasimesh të bukura, Guxhufi finalizoi si duhet dhe me të djathtën ndëshkoi portierin.

Partizani mbrojti rezultatin, pavarësisht sulmeve të shtuara të Dinamos.

Përfundimisht, ekipi i Gegës renditet i 3-ti, ndërsa të besuarit e Dajës e mbyllin në vendin e katërt.

Me të dyja skuadrat që kanë siguruar Europën, ato tashmë do mendojnë për të planifikuar sezonin e ri futbollistik, me synimin arritjen e suksesit. Kujtojmë që të hënën luhet finalja e madhe e “Final Four”, aty ku do përballet Vllaznia me Egnatian.

Seanca paraprake për çështjen e privatizimit të ish-kompleksit sportiv “Partizani” është shtyrë për datën 11 prill.

Dosja lidhet me privatizimin e ish-kompleksit sportiv të klubit Partizani, një çështje që ka qenë në qendër të hetimeve për korrupsion dhe shkelje të ligjit.

Ish-kryeministri Sali Berisha dhe dhëndri i tij, Jamarbër Malltezi janë nën akuzë në lidhje me privatizimin e ish-kompleksit.

Mësohet se shkak për shtyrjen e seancës paraprake është bërë mungesa e avokatit Klodian Skënderi në seancë.

TIRANE – Partizani ka mposhtur Teutën me rezultatin 0-2 në Durrës. Sfida ishte e vlefshme për javën e 21-të të Superiores. Të dy golat u shënuan në pjesën e dytë. Fillimisht mbrojtësi Janjeva, u ndihmua nga devijimi i Simeut.

Më pas ishte Padstrelau, që vulosi rezultatin. Sulmuesi bjellorus u aktivizua në pjesën e dytë dhe shënoi golin e tij të parë me fanellën e Partizanit në kampionat.

Të kuqtë mbeten në krye të Superiores me 37 pikë, ndërsa Teuta ka zbritur në vendin e shtatë pasi Bylisi fitoi sfidën me Laçin. Në ndeshjen tjetër që u luajt pasditen e sotme, ka qenë një fitore spektakolare e Vllaznisë.

Shkodranët e Tomas Brdariç mposhtën me rezultatin 0-4 Skënderbeun, ku protagonist absolut u bë bomberi Bekim Balaj, i cili realizoi tripletë, ndërkohë që golin tjetër për Vllazninë e shënoi Mala. Falë këtij triumfi Vllaznia u ngjit në kuotën e 37 pikëve, po aq sa Partizani i vendit të parë.

Ndërkohë që Skënderbeu i Gjokës, është zhytur në fundin e tabelës me 16 pikë në 21 javë dhe një golavarazh –14. Në duelin e radhës Skënderbeu do të presë Teutën ndërsa Vllaznia luan në shtëpi ndaj Egnatias.

Rezultatet e punës së SPAK për vitin 2024 u diskutuan në një studio televizive me gazetarin Ferdinand Dervishi dhe avokatin Edmond Petraj.

‘SPAK ka qenë rezultativ gjatë gjithë vitit. Ka bërë dosje të paimagjinueshme më parë. Kemi pasur arrestimin e një ish kryeministri Ilir Meta. E njëjta gjë me ish kryeministrin Berisha. Kemi një numër ministrash dhe ish ministrash që i bëri bashkë gjithë ky vit. Viti ku drejtësia ka bërë goditjet më të forta ose punën më të mirë në 34 vjet. Pastaj si do shkoj historia, ajo duhet të themi, viti tjetër do provojë SPAK. nëse SPAK është dështim, nëse e ka bërë Edi Rama, është viti i ardhshëm që do i vulos gjitha këto. SPAK është opozita e vetme e kastës së vjetër politike në Shqipëri.’

Më tej theksoi zbërthimet e bëra nga përgjimet në Sky dhe Encro Chat. Ndërsa deklaroi se pikë kyçe do jetë zbardhja se çka ndodhur me Ervis Martinajn.

‘Duke mbetur te krimi i organizuar. SPAK ka thyer aplikacionet telefonike, Sky Eç. Dhe më prapa është Matrix. SPAK e habitshme si pati këtë fat. Përgjimet nuk të falin. Ky është fati i madh i SPAK për këto avantazhe. Është thyer dhe aplikacioni tjetër që mbulon kohën. Ende nuk kemi konfirmuar Vis Martinaj. Ai nuk është më mister. Kundërshtarët e tij kanë mbaruar punë me të. Kanë përdorur Matrix edhe Vis Martinaj edhe kundërshtarët e tij. Mjafton të zbardhet kjo ngjarje, shkatërrohet piramida e krimit cilësor në Shqipëri. Për mua shteti do ngrejë kokën edhe më, do i japë goditje që do zgjas shumë gjatë. Mjaft të bëhet hetimi, si u mor ky njeri. Dhe bëhet e gjitha bashkë.’

Avokati Petraj thotë se SPAK ka patur lëvizje shumë të forta edhe gjatë 2023 dhe 2024.

‘Këtë vit ka pasur goxha lëvizje sa i përket SPAK. Edhe ato dosje që u transferuan nga Krimet e Rënda. Nga 2023 dhe 2024 ka patur lëvizje shumë të forta për dosjet e nivelit të lartë. Duke pasur mundësinë dhe asetet e plota për zgjidhjet e ndërhyrjeve emergjente të organit të akuzës. SPAK ka kompetencën që të bëjë hetimin e themelit për çdo rast. Se ç’del më pas është tjetër gjë. E shoh rezultanten e SPAK, e shoh më të fortë përballjen si do argumentojë me forcë mbrojtjen e asaj që ka argumentuar në gjykatë.’

Më rëndësi ai sheh se ç’do ndodh me dosjen CEZ DIA për të cilën është vënë në arrest në burg ish-presidenti Ilir Meta. Nëse zbërthehet privatizimi i kompanisë CEZ DIA thotë ai do hapet Kutia e Pandorës, pasi do zbulohet edhe roli i Berishës.

‘Për dosjen Meta ku është i përfshirë edhe Berisha. Të gjithë janë në masë sigurie, përveç dy personave. Vetëm për Berishën nuk ka një thirrje për dëshmi në SPAK. prezenca e një funksionari të CEZ do hapë kutinë e pandorës. Do shohim si do rrënohet bashkëqeverisja sa i përket privatizimit të CEZ. Kishte lum abuzimesh që bënë CEZ ta dorëzonte. Nëse kjo dosje hapet, 2025 do kemi surpriza për CEZ DIA. Nuk do ketë më ndryshime apo rikualifikime. CEZ DIA ngelet pika kyçe për Metën. Shikoni kënaqësinë që i dha pushteti. Do kemi hetim pasuror.’

Sipas Petrajt Meta rrezikon 10-15 vite burg, ndërsa për dosjen Partizani mendon se SPAK nuk ka dashur ta hetoje deri në fund Berishën.

‘Sipas gjasave 10-15 vjet i ka si pjesë të masës që mund të kërkojë Prokuroria e Posaçme. Kurse Dosja Partizani është një dosje që nuk është hetuar fare. Ka gjasa që SPAK nuk ka dashur të hetojë më tepër për zotin Berisha. Për zotin Berisha mendoj se mund të kishte elementë të tjerë të veprës penale.’

Partizani arriti një fitore të rëndësishme me rezultatin 2-0 ndaj Vllaznisë në ndeshjen e vlefshme për javën e 19-të të Superligës.

Golat e shënuar nga Cara në minutën e 2-të dhe Rrapaj në minutën e 63-të i dhanë suksesin kryeqytetasve, të cilët ngjiten në krye të renditjes me 33 pikë, në pritje të përballjes Dinamo-Egnatia.

Nga ana tjetër, Vllaznia u paraqit në këtë ndeshje me mungesa të shumta, gjë që u pasqyrua në performancën e saj në fushë. Me këtë humbje, shkodranët mbeten në vendin e tretë me 31 pikë.

Pas shumë dueleve derbi mes Tiranës dhe Partizanit të barabarta, ky i kësaj të diele do të vërë përballë dy skuadra që po luajnë dy kampionate krejtësisht të ndryshme. Nga njëra anë është Tirana, që ka përmirësuar disi gjatë dy javëve të fundit një nisje nën pritshmërive të këtij sezoni, duke marrë dy rezultate pozitive radhazi.

Nga ana tjetër është Partizani, që ka pësuar vetëm një humbje në javën e parë ndaj Vllaznisë dhe që është në krye të klasifikimit, dy pikë para skuadrës shkodrane. Një nga arsyet e kryesimit të Partizanit është pikërisht mbrojtja, që është më e mira në kampionat, me vetëm 10 gola të pësuar. Sulmi i Partizanit është gjithashtu i treti në kampionat, me 19 gola të shënuar, një më shumë se Tirana.

Pavarësisht diferencave fillestare të këtyre dy skuadrave në këtë sezon, disa lojtarë po dalin në pah këtë sezon. Haxhiu i Tiranës është lojtari që ka bërë më shumë krosime në të gjithë kampionatin, me më shumë se 5 krosime për ndeshje.

Sa i përket krosimeve nga e majta, në këtë renditje janë respektivisht i dyti Prengaj i Tiranës dhe i treti Buxhelaj i Partizanit, që bëjnë rreth 3,5 krosime për ndeshje. Haxhiu gjithashtu ka spikatur për driblimet e kryera, me një mesatare pak më shumë se 6 në ndeshje, duke u renditur mbi Carën e Partizanit në këtë klasifikim. Të dy janë në top 5 të kampionatit për driblimet.

Në mbrojtje, Kola i Tiranës është lojtari i dytë që fiton më shumë duele (i pari është Qaqi i Elbasanit), me 79%, ndërsa i pesti është Preka i Partizanit, me 77% të dueleve të fituara.

Në renditjet individuale gjendet arsyeja e forcës së mbrojtjes së Partizanit; Mehmeti, mesfushori mbrojtës, është i katërti në renditjen e lojtarëve që kanë rikuperuar më shumë topa, një statistikë tipike për mbrojtësit, me 5,83 rikuperime topash për ndeshje. Po ashtu, Preka është i pesti në këtë renditje në të gjithë kampionatin, me 5,74 rekuperime për ndeshje.

Sidoqoftë, derbi gjithmonë rezervon surpriza. Ajo që është e sigurt është se do të ketë shumë lojtarë për t’u mbajtur nën vëzhgim.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Java e 15 e Kategorisë Superiore është mjaft e rëndësishme sa i përket vazhdimësisë në këtë kampionat për shumë skuadra, pasi ka përballje mes ekipeve që kanë pretendime të njëjta, pa harruar këtu edhe derbin kryeqytetas.

FSHF ka ndarë ndeshjet në tre ditë të ndryshme duke filluar nga e premtja, me përballjen mes Bylisit dhe Vllaznisë që hap javën.
Të shtunën luhen tre sfida. Dy të parat, janë ato Egnatia-Elbasani dhe Laçi-Skënderbeut, ku e para është ndikuese në luftën për “Final 4”, ndërsa e dyta për mbijetesën. Kurse në darkë luhet një duel po aq i rëndësishëm për katërshen e parë mes Dinamos dhe Teutës.

Ndërkaq, derbi i kryeqytetit me Tiranës dhe Partizanit, është caktuar të luhet të dielën në orën 19:00 dhe do të jetë sfida e vetme e Superiores për këtë ditë.

JAVA 15

29.11.2024
Bylis-Vllaznia ora 13:30

30.11.2024
Egnatia-Elbasani ora 13:30
Laçi-Skënderbeu ora 13:30
Dinamo-Teuta ora 17:00

01.12.2024
Tirana-Partizani ora 19:00