Të paktën 10 persona kanë mbetur të plagosur, dy prej tyre në gjendje të rëndë, pas përmbysjes së një autobusi në Santa Susanna, rreth 53 kilometra në verilindje të Barcelonës.

Sipas Sistemit të Emergjencave Mjekësore të Katalonjës (SEM), autobusi doli nga rruga në autostradën C-32. Në vendngjarje u dërguan tetë ambulanca, dy helikopterë dhe disa ekipe zjarrfikësish. Në autobusin e aksidentuar ndodheshin 53 pasagjerë. Të plagosurit janë transportuar në spitalet më të afërta, ndërsa dy prej tyre ndodhen në gjendje të rëndë. Autoritetet nuk kanë dhënë detaje të mëtejshme mbi identitetin apo moshën e të lënduarve.

Pamje të publikuara nga shërbimi zjarrfikës i Katalonjës tregojnë pjesëtarë të ekipit të ndërhyrjes brenda autobusit të përmbysur. Ata njoftuan se mjeti është stabilizuar dhe kanë nisur punimet për pastrimin e zonës. Kompania e transportit ka dërguar një tjetër autobus për të marrë pasagjerët që nuk kanë pësuar lëndime.

Sipas SEM, pasagjerët janë sistemuar përkohësisht në një qendër sportive në Pineda de Mar, ku po u ofrohet edhe mbështetje psikologjike. Zjarrfikësit thanë se shumica e pasagjerëve kanë arritur të dalin vetë nga autobusi dhe të ngjiten në një kodër pranë rrugës për t’u larguar nga vendi i aksidentit.

Tetë pasagjerë u plagosën gjatë një fluturimi të Ryanair që u detyrua të devijonte në një aeroport në jug të Gjermanisë, pasi përjetoi “turbulenca të forta” për shkak të motit të keq, deklaroi policia.

Incidenti ndodhi të mërkurën në mbrëmje dhe përfshinte një dyvjeçar që pësoi mavijosje dhe një grua që u dëmtua në kokë. Tre prej të plagosurve u dërguan në spital për trajtim, ndërsa një tjetër mori ndihmën e parë në vend.

Motori i një avioni të Delta Air Lines u përfshi nga flakët ndërsa po përgatitej të ngrihej nga Aeroporti Ndërkombëtar i Orlandos, njoftoi Administrata Federale e Aviacionit (FAA).

Pasagjerët, rreth 300, u evakuuan nga avioni duke përdorur daljet e emergjencës.

Airbus A330 ishte gati të nisej për në Atlanta kur motori i tij mori flakë në orën 11:15 të mëngjesit me orën lokale.

FAA ka deklaruar se do të hetojë ngjarjen.

Një numër incidentesh të ngjashme të kohëve të fundit në aeroportet amerikane kanë ngritur shqetësime për sigurinë e aviacionit.

Delta tha se fluturimi 1213 kishte 282 pasagjerë dhe 12 anëtarë të ekuipazhit në bord dhe nuk kishte raportime për lëndime.

Ekuipazhi “ndoqi procedurat e evakuimit” kur vunë re flakë në sistemin e shkarkimit të njërit prej dy motorëve, shtoi ai.

Avioni i Jeju Air në Korenë e Jugut, i cili transportonte 181 persona, doli nga pista dhe u përplas me një mur dhe më pas shpërtheu në flakë. Për pasojë 177 pasagjerë janë konfirmuar të vdekur, dy anëtarë të ekuipazhit janë shpëtuar, ndërsa dy të tjerë janë ende nën rrënoja.

Për këtë tragjedi, Presidenti në detyrë i Koresë së Jugut Choi Sang-mok ka shpallur një javë zi kombëtare.

Viktima më e re e aksidentit tragjik ishte një djalë tre vjeçar, sipas një liste të pasagjerëve të parë nga mediat lokale.

Pesë nga të vrarët në aksident ishin fëmijë nën moshën 10 vjeç. Ndërsa pasagjeri më i madh ishte një burrë 78 vjeç.

Hetimet për këtë ngjarje të rëndë janë në zhvillim, por paraprakisht dyshohet se shkak është bërë përplasja me zogj, të cilët i kanë bërë të pamundur edhe funksionimin e sistemit të rrotave.

Ndërkohë autoritetet kanë mundur që të gjejnë dy kutitë e zeza si dhe të gjitha komunikimet brenda kabinës së avionit.

329 pasagjerë dhe 19 anëtarë të bordin të një avioni të kompanisë Lufthansa janë përballur me momente tmerri teksa ishin rreth 10 mijë metra lartësi.

Avioni i nisur nga Buenos Aires dhe kishte si destinacion Frankfurtin u përball me turbulenca të mëdha gjatë kalimit mbi Oqeanin Atlantik dhe për pasojë 11 persona mbetën të lënduar, 5 pasagjerë dhe 6 anëtarë të bordit.

Kompania gjermane ka bërë të ditur se pjesa më e madhe e pasagjerëve dhe ekuipazhit që u lënduan nuk ishin të lidhur me rripin e sigurisë gjatë turbulencës.

Pasi avioni arriti në Frankfurt më 10:53, pasagjerët dhe anëtarët e ekuipazhit u dërguan menjëherë në spital për trajtim mjekësor.

Të paktën 150 persona janë zhdukur pasi një anije me pasagjerë u përmbyt në rajonin Niger të Nigerisë. Drejtori i Përgjithshëm i Agjencisë për Situata Emergjente, Abdullahi Baba Arah tha se anija me rreth 300 persona u përmbyt mbrëmë në një lum në rajonin Mokwa.

Gjithashtu ai theksoi se të paktën 150 persona janë zhdukur në fatkeqësi. Sipas mediave nigeriane, zhytësit vendas shpëtuan shumë udhëtarë pas fatkeqësisë ndërsa përpjekjet e kërkim-shpëtimit vazhdojnë në rajon

Sipas Autoritetit të Aviacionit Civil gjate 2 javëve të para të këtij muaji janë përpunuar në Aeroportin Ndërkombëtar “Nënë Tereza” mbi 571,338 pasagjerë, rreth 162 mijë pasagjerë më shumë se në të njëjtën periudhë të gushtit të 2023.

Rritje të konsiderueshme gjatë javëve te para të këtij muaji ka shënuar edhe numri i avionëve të përpunuar në Rinas. Me konkretisht rezulton se pjesë e trafikut ajror shqiptar kanë qenë 3,308 avionë, kundrejt 2,566 avionë që u regjistruan në 2 javët e para të gushtit të 2023.

Shumica e pasagjereve dhe avionëve të përpunuar janë regjistruar në flukset hyrëse të vendit tonë, duke konfirmuar se edhe përgjatë këtij muaji Shqipëria është kthyer në destinacionin e shumë turistëve të huaj. Edhe gjate muajit Korrik ne vendin tone kane hyre mbi 1 milionë pasagjerë vetëm nga aeroporti “Nënë Tereza” në Rinas. Ndërsa referuar shifrave zyrtare nga Janari deri në Korrik të këtij viti në aeroport janë përpunuar mbi 5 milionë e 982 mijë pasagjerë, prej të cilëve 3 milionë e 547 mije e 987 janë të huaj, dhe mbi 2 milionë e 430 mijë janë shqiptarë.

Duke qene se muaji gusht rezulton si periudha më e ngarkuar me flukset e vizitorëve të shumtë, pritet që fluksi i pasagjerëve në Aeroportin Ndërkombëtar të Rinasit të jetë tepër i lartë.

Dy 20-vjeçarë kanë humbur jetën pasi aeroplani më të cilin po udhëtonin u rrëzua në një fushë në qarkun North Yorkshire të Britanisë së Madhe

Departamenti i Policisë në North Yorkshire deklaroi se “Ne u thirrëm në një incident që përfshinte një avion të lehtë në një vend rural në Thorganby, Selby rreth orës 15: 50 të drekes”.

Duke theksuar se aktualisht janë duke punuar me Degën e Hetimit të Aksidenteve Ajrore për të nisur hetimin e plotë të rrethanave, deklarata shton se nuk raportohet për të lënduar të tjerë.

Një autobus me pasagjerë ukrainas u përplas në Poloni, duke shkaktuar 9 të plagosur. Përplasja ndodhi rreth orës 5 të mëngjesit në zonën e Swiebodzin në Poloninë perëndimore.

Pesë nga pasagjerët u plagosën rëndë, mes tyre katër fëmijë të moshës 2 deri në 15 vjeç. Në qershor, katër persona u shtruan në spital pasi një autobus me 57 ukrainas në bord u aksidentua pranë qytetit të Konstancës në Rumani.

Dyzet e dy nga pasagjerët në autobus ishin të mitur ukrainas, dy prej të cilëve u shtruan në spital pas aksidentit.