Një avion pasagjerësh në Korenë e Jugut është përfshirë nga flakët e zjarrit, duke shkaktuar panik dhe kaos.
Ngjarja raportohet të ketë ndodhur (sipas orës lokale të Koresë së Jugut në orën 22:30) në aeroportin Gimhae në zonën Busan.

Për fat të mirë nga zjarri nuk ka pasur pasoja në njerëz.
Mësohet se pjesa e pasme e avionit shpërtheu në flakë pak para se avioni me 169 pasagjerë dhe 7 persona në ekuipazh të ngrihej për fluturim.

Avion kishte destinacion Hong Kongun. Autoritetet po punojnë për zbardhjen e rrethanave që shkaktuan zjarrin.

Sipas Autoritetit të Aviacionit Civil gjate 2 javëve të para të këtij muaji janë përpunuar në Aeroportin Ndërkombëtar “Nënë Tereza” mbi 571,338 pasagjerë, rreth 162 mijë pasagjerë më shumë se në të njëjtën periudhë të gushtit të 2023.

Rritje të konsiderueshme gjatë javëve te para të këtij muaji ka shënuar edhe numri i avionëve të përpunuar në Rinas. Me konkretisht rezulton se pjesë e trafikut ajror shqiptar kanë qenë 3,308 avionë, kundrejt 2,566 avionë që u regjistruan në 2 javët e para të gushtit të 2023.

Shumica e pasagjereve dhe avionëve të përpunuar janë regjistruar në flukset hyrëse të vendit tonë, duke konfirmuar se edhe përgjatë këtij muaji Shqipëria është kthyer në destinacionin e shumë turistëve të huaj. Edhe gjate muajit Korrik ne vendin tone kane hyre mbi 1 milionë pasagjerë vetëm nga aeroporti “Nënë Tereza” në Rinas. Ndërsa referuar shifrave zyrtare nga Janari deri në Korrik të këtij viti në aeroport janë përpunuar mbi 5 milionë e 982 mijë pasagjerë, prej të cilëve 3 milionë e 547 mije e 987 janë të huaj, dhe mbi 2 milionë e 430 mijë janë shqiptarë.

Duke qene se muaji gusht rezulton si periudha më e ngarkuar me flukset e vizitorëve të shumtë, pritet që fluksi i pasagjerëve në Aeroportin Ndërkombëtar të Rinasit të jetë tepër i lartë.

Shtatë turiste franceze kanë përfunduar në spitalin e Lushnjes. Shkak është bërë një aksident që ka ndodhur kur furgoni me të cilin udhëtonin në drejtim të Beratit është përplasur me një autokombajnë që lëvizte nga njëri krah i rrugës në tjetrin.
Furgoni i linjës Tiranë-Berat me të cilin udhëtonin turistët dhe qytetarë të tjerë u përplas me autokombajnën.

Policia në vendngjarje ka ndaluar drejtuesit e mjeteve të përfshirë dhe po disiplinon trafikun si dhe po dokumenton ngjarjen që mund të kishte përfundim tragjik. Të aksidentuarit po marrin ndihmë mjekësore. Disa prej turistëve kanë thyeje gjymtyrësh dhe dëmtime të tjera në trup. Fatmirësisht sipas mjekëve nuk ka probleme serioze për shëndetin dhe po kryhen ekzaminimet përkatëse. Segmenti rrugor nacional Lushnje-Berat është vazhdimisht burim aksidentesh pasi është vetëm me dy korsi vajtje-ardhje dhe kalon nëpër zonë bujqësore ku mjetet motorrike kalojnë nga njëra anë në tjetrën.