Noterja Sanja Telhallari, është sot në qendër të mediave pasi policia trumbetoi bujshëm një aksion sekuestrosh të cilat nuk u shoqëruan me masa sigurie.

Noterja 34 vjeçare në një prononcim publik tha sot se e kaluara e burrit të saj nuk mund ta prekë dhe shtoi se pasuritë që ka vënë janë të ligjshme.

Reagimi i Telhallarit erdhi pas më herët sot, policia sekuestroj tre milionë euro pasuri që tha se vinin nga aktivitet kriminal.

Por noterja Sanja Telhallari, vë në dukje se ajo po e vazhdon normalisht punën normalisht dhe se e shkuara e ish-bashkëshortit nuk ka lidhje me aktivitetin e saj.

Noterja tha se të gjitha të ardhurat e saj janë të ligjshme dhe shtoi se ajo do të flasë vetëm kur prokuroria dhe gjykata të dalin me një vendim përfundimtar. Telhallari theksoi edhe se e shkuara e ish-bashkëshortit nuk mund të prekë aktivitetin e saj profesional.

Nga hetimet dyshohet se një pjesë e fondeve të përdorura për blerjen e pasurive mund të kenë ardhur nga ish-bashkëshorti i saj, Klodian Porja. Ky i fundit rezulton i shpallur në kërkim ndërkombëtar nga autoritetet italiane dhe i dënuar për disa vepra të rënda penale, mes tyre edhe “shfrytëzimi i prostitucionit”, me një dënim deri në 21 vjet burg.

Çfarë tha sot policia

Tiranë/Finalizohet operacioni policor i koduar “Nënshkrimi”.

Sekuestrohen 18 asete me vlerë 3 milionë euro, me burime të dyshuara kriminale, që dyshohet se i ka përfituar një 35-vjeçare, gjatë kryerjes së detyrës si notere.

Asetet e sekuestruara: 13 pasuri të paluajtshme dhe 5 llogari bankare.

Paralelisht po kryhen veprime hetimore dhe procedurale, për të gjurmuar dhe sekuestruar pasuri të tjera të 35-vjeçares, me burime të dyshimta, si dhe për të dokumentuar me prova ligjore burimin e të ardhurave të kësaj shtetaseje.

Në kuadër të një procedimi penal, të iniciuar në Prokurorinë e Tiranës, me objekt gjurmimin e aseteve kriminale, të dyshuara të përfituara nga shtetasja S. T., 35 vjeçe, banuese në Tiranë, gjatë kryerjes së detyrës si notere, Seksioni për Hetimin e Pastrimit të Parave dhe Aseteve Kriminale finalizoi operacionin “Nënshkrimi”.

Në vijim të veprimeve procedurale, të kryera në kuadër të këtij procedimi, u ekzekutua vendimi i Gjykatës së Tiranës, për ekzekutimin e 18 pasurive të 35-vjeçares, me vlerë 3 milionë euro, konkretisht 13 pasuri të paluajtshme dhe 5 llogari bankare.

Hetimet dhe veprimet operacionale, vijojnë.

Materialet procedurale iu referuan Prokurorisë së Tiranës, për veprime të mëtejshme.

Janë konfiskuar pasuritë e ish-ministrit Lefter Koka dhe 4 personave të tjerë Miklovan Xhafa, Agim Seferi, Arbër Denizi dhe Mateo Rustani.

Po ashtu, policia sqaron se janë konfiskuar edhe 5 shoqëri tregtare, njera prej te cilave me 88.19% e aksioneve në pronësi të shtetasit Lefter Kokës, me vlerë korensponduese 244 442 972 lekë.

Njoftimi i policise:

Përveç subjekteve tregtare, janë konfiskuar edhe 8 apartamente si dhe truall me sipërfaqe 147 m2 dhe ndërtesë me sipërfaqe 126 m2, me vlerë rreth 12 757 500 lekë.

Pasuritë e konfiskuara do të administrohen nga Agjencia për Administrimin e Pasurive të Sekuestruara dhe të Konfiskuara, në Ministrinë e Brendshme.

Sektori për Hetimin e Korrupsionit, në Drejtorinë për Hetimin e Krimeve Ekonomike dhe Financiare, në Departamentin e Policisë Kriminale, në Policinë e Shtetit, në bashkëpunim me Agjencinë për Administrimin e Pasurive të Sekuestruara dhe të Konfiskuara, në Ministrinë e Brendshme, në drejtimin e Prokurorisë së Posaçme kundër Korrupsionit dhe Krimit të Organizuar, në kuadër të procedimit penal të vitit 2020, për veprat penale “Shpërdorimi i detyrës”, “Korrupsioni aktiv i funksionarëve të lartë shtetërorë ose të zgjedhurve vendorë”, “Korrupsioni pasiv i funksionarëve të lartë shtetërorë ose të zgjedhurve vendorë” dhe “Pastrimi i produkteve të veprës penale ose veprimtarisë kriminale”, ka ekzekutuar vendimin e Gjykatës së Posaçme të Apelit për Korrupsionin dhe Krimin e Organizuar, për konfiskimin e 12 pasurive të paluajtshme dhe të 5 shoqërive tregtare, në pronësi të shtetasve L. K., M. Xh., A. S., A. D. dhe M. R., konkretisht:

-88.19% e aksioneve në pronësi të shtetasit L. K., në një shoqëri tregtare në Rashbull, Durrës, me vlerë korensponduese 244 442 972 lekë;

-1 njësi me sipërfaqe 206 m2, në një subjekt tregtar, me vlerë rreth 20 857 500 lekë;

-1 njësi me sipërfaqe 22.8 m2, në një subjekt tregtar, me vlerë rreth 2 308 500 lekë;

-1 njësi me sipërfaqe 68 m2, në një subjekt tregtar, me vlerë rreth 6 885 000 lekë;

-1 apartament me sipërfaqe 82 m2, me vlerë rreth 5 535 000 lekë;

-1 apartament me sipërfaqe 110 m2, me vlerë rreth 7 425 000 lekë;

-1 apartament me sipërfaqe 87 m2, me vlerë rreth 5 872 500 lekë;

-1 apartament me sipërfaqe 84 m2, me vlerë rreth 5 670 000 lekë;

-1 apartament me sipërfaqe 81 m2, me vlerë rreth 5 467 500 lekë;

-1 apartament me sipërfaqe 116 m2, me vlerë rreth 7 830 000 lekë;

-1 apartament me sipërfaqe 94 m2, me vlerë rreth 6 345 000 lekë;

-1 apartament me sipërfaqe 135 m2, me vlerë rreth 9 112 500 lekë;

-pasuri e paluajtshme truall me sipërfaqe 147 m2 dhe ndërtesë me sipërfaqe 126 m2, me vlerë rreth 12 757 500 lekë.

Pasuritë e konfiskuara do të administrohen nga Agjencia për Administrimin e Pasurive të Sekuestruara dhe të Konfiskuara, në Ministrinë e Brendshme.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një aleat i presidentit Vladimir Putin paralajmëroi sot Europën se Rusia tashmë ka hartuar legjislacionin për t’u hakmarrë nëse Perëndimi sekuestron afro 300 miliardë dollarë në asete ruse dhe i përdor ato për të ndihmuar Ukrainën.

Pasi Presidenti Vladimir Putin dërgoi trupa në Ukrainë në vitin 2022, Shtetet e Bashkuara dhe aleatët e saj ndaluan transaksionet me bankën qendrore të Rusisë dhe ministrinë e financave, duke ngrirë rreth 300 miliardë dollarë në asetet shtetërore ruse të mbajtura në Perëndim.

Zyrtarët e lartë amerikanë duan të konfiskojnë asetet dhe t’i përdorin ato për të ndihmuar në rindërtimin e Ukrainës, megjithëse disa bankierë dhe zyrtarë europianë kanë shprehur shqetësimin se kjo do të krijonte një precedent të rrezikshëm.

Dhoma e Përfaqësuesve e SHBA-së miratoi të shtunën legjislacionin që përfshin një projekt-ligj që do të lejonte sekuestrimin e aseteve shtetërore ruse, megjithëse pjesa më e madhe e këtyre aseteve ndodhet në Europë.

Kremlini ka thënë vazhdimisht se çdo sekuestrim i aseteve të tij do të ishte në kundërshtim me të gjitha parimet e tregut të lirë perëndimor dhe do të minonte besimin në dollarin amerikan dhe euron, ndërsa do të pengonte investimet globale dhe do të dëmtonte besimin në bankat qendrore perëndimore.

Rusia ka thënë gjithashtu se do të ndërmarrë veprime ligjore kundër çdo sekuestrimi të aseteve të saj.

Kryetari i dhomës së ulët të parlamentit rus, Vyacheslav Volodin, tha të hënën se Rusia ka arsye për të sekuestruar asetet perëndimore pas vendimit të Dhomës së Përfaqësuesve të SHBA-së.