Tentativë grabitjeje në Shkodër – i maskuar me skafandër hyn në argjendari dhe ikën duke lënë motorin

Shkodër – Rreth orës 11:30 të paradites së sotme, në lagjen “Vasil Shanto”, është regjistruar një ngjarje e pazakontë pranë një argjendarie.

Një shtetas ende i paidentifikuar, i cili qarkullonte me një motomjet, ka ndaluar para dyqanit dhe, me një skafandër në kokë, është futur brenda. Pronari i argjendarisë i ka kërkuar që të hiqte mbulesën, por ai ka refuzuar dhe është larguar me vrap, duke braktisur motomjetin përpara dyqanit.

Sipas informacioneve paraprake, dyshohet se jashtë argjendarisë, autori i ka drejtuar një armë zjarri pronarit, për ta penguar që ta ndiqte.

Forcat e Policisë kanë mbërritur menjëherë në vendngjarje dhe po vijojnë kontrollet intensive në zonë me qëllim kapjen e tij.

Ndërkohë, grupi hetimor, nën drejtimin e Prokurorisë, po punon për identifikimin e autorit dhe dokumentimin e plotë të rrethanave të kësaj tentative grabitjeje. /noa.al

Trafiku i anijeve në ngushticën e Bosforit të Turqisë u pezullua mëngjesin e sotëm pas një incidenti me spirancën e një anijeje, njoftoi agjencia e anijeve Tribeca.about:blank

Sipas agjencisë, spiranca e cisternës Peria me flamur liberian u shkëput për shkak të motit të keq në zonën e urës së tretë gjatë kalimit të saj nëpër ngushticë dhe dy rimorkiatorë janë dërguar për ta ndihmuar.