Kjo u bë e ditur për gazeta demos nga përfaqësuesit ligjor të festivalit, avokatët Gent Gjini e Blend Gjini.

G-Bani ishte planifikuar të performonte në edicionin e sivjetmë të festivalit, por pas sjelljeve të tij të papranueshme dhe deklaratave fyese ndaj kosovarëve, menaxhmenti ka vendosur që ta anullojë pjesëmarrjen e tij dhe ta shpallë “non grata” në ngjarje.

Pas këtij vendimi, artisti ka reaguar në rrjetin social TikTok, ku sipas organizatorëve, ka shpërndarë një video me fjalë fyese dhe nxitëse ndaj qytetarëve të Kosovës, duke thënë ndër të tjera: “Juve ju kanë shtypur, ju jeni racistë, mirë ju kanë bërë, e keni merituar të shtypeni”.

Këto deklarata janë konsideruar si ofenduese, përçarëse dhe nxitëse të urrejtjes ndërkombëtare, gjë që ka shtyrë organizatorët që t’i drejtohen institucioneve të drejtësisë. Ata e cilësojnë këtë akt si një sulm të drejtpërdrejtë jo vetëm ndaj qytetarëve të Kosovës, por edhe ndaj vetë festivalit dhe misionit të tij për bashkimin e shqiptarëve kudo që janë.

Si provë, kallëzimi përfshin edhe videon e postuar nga artisti në TikTok, e cila tashmë është pjesë e dosjes në Prokurori. Festivali “Muaji i Mërgatës” kërkon që G-Bani të hetohet për veprën penale të nxitjes së përçarjes dhe urrejtjes kombëtare, e sanksionuar në Kodin Penal të Republikës së Kosovës.

Sali Berisha, kreu i Partisë Demokratike, ka kritikuar ashpër draftin e Kodit të ri Penal, duke e cilësuar si një “narkokod” dhe “prodhuar në shpellat e mafies”. Ai nxori në pah faktin se Prokurori i Përgjithshëm ka deklaruar se nuk është përfshirë në konsultimet për këtë ligj, çka sipas Berishës, dëshmon mungesën totale të transparencës dhe arbitraritetin në procesin e hartimit të tij nga qeveria Rama-Ulsi.

Berisha u shpreh se ky kod përmban dënime më të rënda se ato të periudhës komuniste dhe po shërben si një mjet shtypjeje për qytetarët. Ai kritikoi ashpër dispozitat që parashikojnë burg për shkelje të vogla si parkimi, vonesa në pagesën e faturave të ujit dhe energjisë, si dhe për ndërtimet në pronën private. Ndërkohë, dënimet ndaj zyrtarëve që kryejnë abuzime janë lehtësuar, duke treguar një papërputhje të theksuar në drejtësi.

Në fjalën e tij, Berisha e cilësoi këtë ligj si një “sulëm të rëndë ndaj të drejtës së fjalës së lirë dhe të denoncimit të padrejtësive”, duke theksuar se kodi synon të mbrojë individë të veçantë në sistemin e drejtësisë, si Altin Dumani dhe Irena Gjoka, të cilët sipas tij janë pjesë e problemeve në këtë sistem.

Policia e Orikumit ka ndaluar dy të rinj, një prej tyre i mitur, të dyshuar si autorë të dy vjedhjeve banesash në qytet, nga ku janë marrë para dhe bizhuteri me vlerë.

Njoftimi i policisë: 

Vlorë/Zbardhen dhe dokumentohen dy raste vjedhjesh në Orikum, ndalohen dy shtetas me precedent penal në fushën e vjedhjes