=Dy persona kanë rënë në prangat e policisë së Kosovës, pasi dyshohet se kanë sulmuar fizikisht dy persona të tjerë.

Dy të dyshuarit janë arrestuar dhe me urdhër të prokurorit pas marrjes në pyetje janë liruar, rasti vazhdon në procedurë të rregullt.

Njoftimi i policisë:

Mitrovicë / Dy viktimat meshkuj kosovar kanë njoftuar se janë sulmuar fizikisht nga dy të dyshuar meshkuj kosovar, viktimat kanë pranuar tretman mjekësor dhe janë liruar në shtëpi, ndërsa dy të dyshuarit janë arrestuar dhe me urdhër të prokurorit pas intervistimit janë liruar, rasti vazhdon në procedurë të rregullt.

Një rast i organizimit të lojërave të fatit në mënyrë të paligjshme është goditur në Koplik. Si pasojë, administratori i lokalit po procedohet penalisht. Sakaq, janë sekuestruar tre makineta që shërbenin për lojëra fati.

“Vuri lokalin në Koplik, në dispozicion të organizimit të lojërave të fatit, me makineta, procedohet penalisht administratori dhe sekuestrohen 3 makineta.

Komisariati i Policisë Malësi e Madhe referoi materialet në Prokurori, ku filloi procedimi në gjendje të lirë për shtetasin 23 vjeç, banues në Koplik, pasi nga kontrolli i kryer në lokalin që administronte ky shtetas, në Koplik, u gjetën 3 makineta që shërbenin për lojëra fati”, thuhet në njoftimin e policisë.

Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.