Një person ka vdekur pasi një person i armatosur mori peng një autobus të qytetit amerikan të Los Angelos, duke shkaktuar një ndjekje policore nëpër qytet për më shumë se një orë përpara se të arrestohej i dyshuari.

Një person i plagosur u gjet në autobus në orët e para të së mërkurës, i cili më pas vdiq në një spital lokal, tha zëvendës shefi i Departamentit të Policisë, Donald Graham.

Shoferi i autobusit dhe një pasagjer u shpëtuan pasi policia e ndali autobusin duke shfrytëzuar shiritat që shpojnë goma, përpara se të intervenonte ekipi i SWAT-it.

Janë publikuar emrat e dy 19-vjeçarëve, që kanë marrë peng, shantazhuar në Tik Tok dhe kanë ngacmuar seksualisht një 17-vjeçar në Lezhë. Të arrestuarit janë shtetasit Amarildo Gjoka dhe Antonino Lleshi.

Policia njoftoi se dy 19-vjeçarët kanë marrë peng në automjet të miturin dhe e kanë drejtuar drejt fshatit Kolsh-Malsi, Njësia Administrative Kolsh, Bashkia Lezhë, pa dëshirën e tij.

“Pasi kanë ndaluar automjetin, këta dy shtetas e kanë shantazhuar 17-vjeçarin me video duke e nxjerrë “Live” në rrjetin social “TikTok” dhe duke e detyruar të përdorë fjalë fyese në video, veprime këto të cilat janë shoqëruar me dhunë fizike ndaj 17-vjeçarit, si dhe e kanë ngacmuar seksualisht”, thuhet në njoftimin e policisë.

Materialet procedurale në ngarkim të shtetasve të arrestuar A. Gj. dhe A. Ll. do t’i kalojnë Prokurorisë pranë Juridiksionit të Përgjithshëm Lezhë, për veprime të mëtejshme për veprat penale, “Dëmtime të tjera me dashje”, “Kanosja” dhe “Ngacmimi seksual”.

“Lezhë

Specialistët për Hetimin e Krimit në Komisariatin e Policisë Lezhë bënë arrestimin në flagrancë të shtetasve:

– A. Gj., 19 vjeç, dhe A. Ll., 19 vjeç, të dy banues Malsi, Njësia Administrative Kolsh, Lezhë.

Arrestimi i tyre u bë pasi një 17-vjeçar bëri kallëzim në Komisariatin e Policisë Lezhë, duke treguar se më datë 21.07.2022, rreth orës 22:30, është marrë në automjet pa dëshirën e tij nga këta dy shtetas dhe është çuar në drejtim të fshatit Kolsh-Malsi, Njësia Administrative Kolsh, Bashkia Lezhë.

Pasi kanë ndaluar automjetin, këta dy shtetas e kanë shantazhuar 17-vjeçarin me video duke e nxjerrë “Live” në rrjetin social “TikTok” dhe duke e detyruar të përdorë fjalë fyese në video, veprime këto të cilat janë shoqëruar me dhunë fizike ndaj 17-vjeçarit, si dhe e kanë ngacmuar seksualisht.

Materialet procedurale në ngarkim të shtetasve të arrestuar A. Gj. dhe A. Ll. do t’i kalojnë Prokurorisë pranë Juridiksionit të Përgjithshëm Lezhë, për veprime të mëtejshme për veprat penale, “Dëmtime të tjera me dashje”, “Kanosja” dhe “Ngacmimi seksual””, njoftoi policia.

Policia e Korçës ditën e sotme ka zbardhur detaje të reja në lidhje me ngjarjen e regjistruar një ditë më parë, ku një i ri u dhunua nga disa persona. Sipas njoftimit të policisë janë ndaluar dy persona mes të cilëve edhe 18-vjeçari i plagosur.

I riu ishte së bashku me një 40-vjeçar kanë goditur fizikisht njërin nga personat e shpallur në kërkim në lidhje me ngjarjen e djeshme, konkretisht 27-vjeçarin me inicialet A. D. Ndërkohë bëhet me dije se janë shpallur në kërkim edhe 5 persona të tjerë ndërsa vazhdon puna për kapjen e tyre.

Njoftimi i plotë:

Korçë/ Në vijim të informacionit paraprak të dhënë ditën e djeshme, në lidhje me një konflikt midis disa shtetasve, të ndodhur në lagjen nr. 17, Korçë, specialistët për Hetimin e Krimeve të Komisariatit të Policisë Korçë, në drejtimin e Prokurorisë, vijuan veprimet hetimore për zbardhjen dhe dokumentimin e ngjarjes.

Në vijim të veprimeve hetimore u ndaluan shtetasit: M. J., 18 vjeç (i dëmtuari nga konflikti i djeshëm) dhe A. B., 40 vjeç, banues në Korçë. Nga veprimet e thelluara hetimore dyshohet se këta shtetas, në bashkëpunim me shtetas të tjerë, disa ditë më parë, dyshohet se kanë goditur fizikisht njërin nga shtetasit e shpallur në kërkim në lidhje me ngjarjen e djeshme, konkretisht A. D., 27 vjeç, banues në Korçë dhe dyshohet se i kanë hequr lirinë një shtetasi tjetër, ku për arsye hetimore, nuk mund të jepen të dhëna të tjera.

Vijon puna intensive për kapjen e shtetasve S. S., 33 vjeç, S. S., 25 vjeç, Dh. D., 38 vjeç, A. D., 27 vjeç dhe M. B., 39 vjeç, banues në Korçë, të shpallur në kërkim në lidhje me këtë ngjarje. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.

Momentet e tmerrshme të përjetuara nga fëmijët e shkollave fillore në Kolorado kur një transgjinor 33-vjeçar tentoi të rrëmbejë njërin prej tyre u kap nga një kamera sigurie.

Në video duket Solomon Culligan, i cili ka hyrë në oborrin e shkollës fillore “Black Forest Hills” duke mbajtur një batanije ndërsa disa fëmijë të vegjël janë në oborr. Kur fëmijët kuptuan qëllimet e këqija të 33-vjeçarit i cili vrapon drejt tyre, ata fillojnë të bërtasin e të largohen.

“I huaj, rrezik,” thërrasin fëmijët teksa tentojnë të shpëtojnë.

33-vjeçari në fakt ka arritur të kapë njërin prej fëmijëve duke i hedhur batanijen, por në fund nuk ka mundur ta përfundojë kapjen pasi ka humbur ekuilibrin.

“Është një video shumë e ashpër. Është një nga gjërat që ti ke frikë si prind”, tha babai i njërit prej fëmijëve kur pa pamjet.

Psikologe Eriona Hoxha ishte mëngjesin e kësaj të premte e ftuar në një emision televiziv, ku foli për ngjarjen e ndodhur ditën e djeshme në Tiranë, ku babai një të mituri mbajti me forcë në makinë një 14-vjeçar i cili ishte konfliktuar me të birin.

Psikologia tha se ky ka qenë një veprim shumë i nxituar nga ana e babait dhe krejtësisht i gabuar, pasi ai është një person i rritur që mund të gjente mënyra të tjera për të zgjidhur çështjen.

“Më adoleshentë është treguar babai. Nuk është ajo mënyra, ai mund të merrte 100 teknika të tjera mund të zgjidhte të fliste me shkollën, me prindërit. Ai është njeri i rritur është 50 vjeç. Ne na ndodh rëndom që nuk e shikojmë problemin që mund të jetë te ne apo te fëmija.

Prindërit tani dëgjojnë fëmijën, nuk hulumtojnë nëse fëmija po i gënjen apo jo dhe marrin këto iniciativa ku kemi parë të goditen mësuesit, njerëz të tjerë afër tyre. Tani u jepet kaq shumë të drejtë fëmijëve dhe nuk po komunikohet më. Babai mund të kishte zgjedhur të fliste me të dy të miturit aty në këmbë”,-tha psikologia.