Këtë të diel, në hapjen e programit “E Diell”, moderatorja më e re e këtij sezoni, Egli Tako, u përball me një pyetje të sikletshme nga kolegia e saj, Nevina Shtylla.

Duke u shprehur se i pëlqente t’i ngacmonte njerëzit dhe t’i vinte ata në siklet, Nevina e pyeti këngëtaren nëse do t’u bashkohej atyre në programin “Trotuar”, aty ku është pjesë edhe Xheneta.

E sikletosur nga ftesa e papritur, Egli nuk preferoi të jepte një përgjigje, duke e lënë ftesën për një moment tjetër.

“Me thënë të drejtën, e di që nuk ua kam prishur qejfin për asgjë deri tani, por këtu duhet ta rimendoj”, u shpreh ajo.

Pas daljes së Gjestit nga “Big Brother VIP” dhe përfshirjes së Xhenetës në “Trotuar” takimi mes tyre në ambientet e Top Channel ishte thuajse i pashmangshëm. Dhe ashtu ndodhi: që në javën e parë pas finales së BBV, të dy janë ndeshur për herë të parë.

Në episodin e sotem në “Trotuar”, të ftuarit nuk i kursyen ngacmimet ndaj Xhenetës, duke i përmendur përballjen e saj me Gjestin dhe madje edhe një shkëmbim buzëqeshjesh mes tyre. Xheneta sqaroi se nuk ka pasur asnjë bisedë me Gjestin, duke theksuar se ai ishte i shoqëruar. Megjithatë, ajo pranoi se një buzëqeshje ishte shkëmbyer. E pyetur nga moderatorja Nevina nëse do të fliste me Gjestin nëse ai do ta përshëndeste, Xheneta u shpreh prerë:

“Jo, nuk do të flas…”